Ги малтретирал работниците на „Градска чистота“ па добил нокаут кој ќе го памети

ТикТокерот Зоран Јовановиќ, кој на споменатата социјална мрежа се претставува под името „ludibratt“, пред извесно време ја разбесни јавноста кога објави видео на кое ги малтретира работниците на „Градска чистота“.

Сега тој објавил уште едно видео на кое се гледа како добил нокаут во центарот на градот, поточно на улицата Кнез Михајлова во Белград.

ТикТокерот објавил неколку видео снимки кои сега се шират на Твитер. На едно од видеата се гледа како момче во црна тренирка му мава бокс, а на следното видео е прикажан со преврзано око.

Јовановиќ ѝ стана познат на пошироката јавност во Србија по инцидентот во кој малтретирал работник на „Градска чистота“. На снимката која тогаш била објавена, се гледа како тој прво му се потсмева на работникот, а потоа му ја краде метлата и кантата за отпадоци.

Овој срамен чин на потсмевање и понижување на едно човечко суштество за неколку илјади прегледи и лајкови згрозил многумина, поради што реагирале и Твитерџиите кои ја осудиле ваквата постапка.

„Долго време не сум видел вакво понижување на работник. Навистина срамота што им паѓа напамет на децата вака да ги малтретираат работниците кои по овој студ ги чистат нашите улици. Не знам каде погрешиле родителите со ваквите имбецили“, гласел само еден од коментарите на Твитер.

Од денеска отворени средните училишта во Грција

Грција денеска ги отвори средните училишта, по петмесечна блокада поради коронавирусот.

Отворањето на училиштата се случи откако грчките власти ставија на располагање домашни тестови, за кои се надеваат дека ќе помогнат во контролата на пандемијата и повторно отворање на економијата, пренесува грчкиот портал „Екатимерини“.

Од учениците и наставниците ќе се бара да носат маски и да прават најмалку два теста неделно – секој понеделник и четврток.

Оние што посетуваат училиште ќе мора да направат негативен тест за Ковид-19 како доказ, а тестирањето е задолжително и за оние кои биле вакцинирани против вирусот.

Грција е во блокада од почетокот на ноември минатата година.

Грчките здравствени власти вчера пријавија 1.718 нови случаи на коронавирус и 52 смртни случаи.

Од почетокот на пандемијата, регистрирани се вкупно 295.480 потврдени случаи на коронавирус, со 8.885 смртни случаи.

Макфакс

Видеото „Хејт Словени, уште ли сте живи?“ за еден ден гледано повеќе од 350 илјади пати

Магазинот „Бука“ од Босна и Херцеговина објави видео спот против говор на омраза насловен „Хејт Словени, уште сте живи?“. Спотот е дел од кампањата против говор на омраза која „Бука“ ја реализира во изминативе неколку месеци.

За само еден ден видеото ги освои социјалните мрежи и е гледано повеќе од 350 илјади пати,

Видеото е напишано и режирано од загребскиот режисер и писател Предраг Личина, а во главните ликови играат Северина, Христина Поповиќ и Горан Богдан.

Органите на починатото претепано девојче од Хрватска ќе бидат донирани во Австрија и Унгарија

Хрватскиот министер за здравство Вили Берош потврди дека органите на двегодишното девојче кое почина од последици од тепањето ќе бидат донирани.

„Постои одредена утеха дека девојчето ќе го најде својот мир во вечноста и дека со трансплантација на органите ќе им даде живот на другите“, објави Берош.

Директорот на загрепската болница „Клаиќ“, Горан Роиќ, пред новинарите утрово изјави дека природата на повредите била претешка.

Роиќ исто така рече дека успешно е извршена сложената постапка за донирање органи. Тој за хрватскиот јавен сервис ХРТ рече дека нејзините органи ќе бидат донирани во Австрија и Унгарија, потсетувајќи дека Хрватска е членка на „Еуротрансплант“.

Инаку, пред загрепската клиника за детски болести граѓаните од синоќа палеа свеќи и оставаа цвеќиња и кадифени играчки во спомен на починатото две и полгодишно девојче, кое почина вчера.

Девојчето беше пренесено од Нова Градишка во Загреб во средата поради тешки повреди на главата. Полицијата утврдила дека нејзината мајка ѝ нанела повреди. На родителите на девојчето им е одреден притвор од еден месец, објавија хрватските медиуми.

Мајката (24) е првообвинета и се соочува со затворска казна од три до 15 години. Неофицијално, таа со тупаници го удирала девојчето по главата.

Таткото (27) е обвинет за занемарување и злоупотреба на сите четири деца и се соочува со затворска казна од осум години.

Макфакс

Популарно