За 3 години жена успеала да заштеди пари за нов стан

Шери Хауви ги воодушевила сите со својот начин на штедење пари, а на истиот може да штедат сите оние кои што имаат доволно пари месечно да ги „покријат“ сите свои трошоци.

Шери Хауви, жена од Нов Зеланд, станала вирален хит на интернет откако го споделила својот едноставен трик со чија помош успеала за три години да заштеди пари за стан, а овој „рецепт“ го открила во една група на Фејсбук каде што многумина биле воодушевени. Таа во 2015 година купила нов стан откако за него штедела пари само три години.

„Мајка ми ме научи вака да го организирам трошењето пари и по три години можев да си купам стан“, напишала Шери.

Па, во што е нејзината тајна?

Шери тврди дека потребно е парите кои што ги заработувате месечно да ги поделите и ставите на три различни сметки. Првата сметка е за вообичаените трошоци, како сметки, храна, кирија, превоз, неделен џепарлак и слично. На втора сметка треба да ги ставите парите кои што планирате да ги трошите за фризер, купување облека и обувки, подароци, одење на доктор, додека пак на третата сметка треба да ги издвоите парите кои што сакате да ги заштедите. Таа вели дека многу е важно да се придржувате до поделените пари и да не трошите повеќе од планираното.

„Немојте да бидете во искушение и од втората сметка да трошите пари за намирници и обратно, важно е да се придржувате до тоа што сами сте го одредиле“, советува Шери која што ги воодушевила луѓето со овој начин на штедење пари.

(Фото) Оваа куќа важи за најснимана во Македонија, а се наоѓа во Скопје

Дали куќата на оваа фотографија ви изгледа познато? А што ако ви кажеме дека веројатно често сте поминувале покрај неа, а можеби и не сте го знаеле тоа?

Во фејсбук-групата „Патувања низ Македонија мк“ беше објавена интересна приказна за куќата која речиси сите сме ја виделе барем еднаш и сме се прашувале каде се наоѓа? Иако на телевизија ни личи дека се наоѓа во некое македонско село, кое ја задржало автентичната архитектура, реалноста е сосема поинаква. Се работи за токму онаа куќа од Македонските народни приказни, каде се снимени најмалку 150 епизоди, во кои главната улога речиси секогаш се појавуваше легендарниот Ѓорѓи Колозов. 

Но, дали знаете дека всушност, оваа куќа е конак во црквата Св. Пантелејмон во Горно Нерези, на планината Водно? 

„Оваа куќа сѐ уште го носи епитетот ‘најсниманата куќа во Македонија‘, бидејќи не постои друг објект во кој толку долго и непрекинато се снимало. Во оваа куќа продолжуваат да се снимаат и приказните од новиот серијал“, се вели во објавата во групата

Погледнете што може ракописот да ни открие за личноста

Мали букви откриваат перфекционисти, луѓето кои остваат мал простор помеѓу буквите лошо ги поставуваат приоритетите, тврдат експерти, посочувајќи неколку детали кои откриваат многу за карактерот на една личност.

Графологијата е наука која се занимава со проучување на ракописот на поединецот и има одлична примена во полициската работа – ракописот е трага што е речиси како отпечаток од прст.

Иако различни ракописи може да изгледаат слично, детали како што се големината на буквите, нивната накосеност или проредот помеѓу зборовите, прават голема разлика. Исто така, графолозите тврдат дека некои основни црти на личноста можат да се препознаат од ракописот, пишува „Бизнис инсајдер“.

„Од анализата на нечиј ракопис, можно е да се откријат над 5.000 карактеристики на една индивидуа,“ тврди графологот и психолог Кети Мекнајт.

Ситен ракопис означува интровертна личност која има силен фокус и концентрација. Тој има аналитички мозок, висока интелигенција и посветеност на извршување на разни задачи. Тие се практични и честопати се песимистички настроени.

Просечниот ракопис открива индивидуа која сака ред и правила, додека избегнува преголемо нагласување. Тој е упорен и фокусиран на постигнување на својата цел, критички настроен кон другите и склон на промени во расположението. Animивотните се реалисти.

Крупниот ракопис открива луѓе кои се прилично ориентирани кон другите, нивниот социјален статус им е важен и сакаат да се истакнуваат и да се наметнуваат. Тие се емпатични, ориентирани кон соништата и се оптимисти.

Луѓето кои пишуваат зборови со малку простор меѓу нив, односно имаат кондензиран ракопис, како чувството на припадност, имаат широк круг пријатели и честопати ги задоволуваат другите за да бидат прифатени.

Оние со просечен проред меѓу зборовите имаат математички ум, ориентирани се кон проблеми, сакаат да советуваат други и сакаат да пробуваат нови работи.

Оние со голем простор меѓу зборовите многу ја ценат својата слобода и независност, генерално не ги сакаат гужвите и психологијата на широките маси.

Макфакс

(Видео) Рибар од Истра сними ајкула голема колку неговиот брод

Локален рибар кај местото Коромачно во Истра забележил огромни перки од ајкула која била голема речиси колку неговиот брод, јавуваат тамошните медиуми.

Како што пренесува порталот "Morski.hr", рибарот снимката од средбата му ја пратил на својот пријател и морски истражувач Велимир Врзиќ.

"Рибарот го исклучил моторот и внимателно се доближил до големата ајкула за да се увери за што станува збор и евентуално да ги извести државните институции и биолози. На видеото се гледа средба на половина метар меѓу рибарот и ајкулата. За што станува збор, ќе решат експертите од Институтот за проучување на морето како и морските биолози, а рибарот внимателно се оддалечил за да не и пречи на ајкулата во нејзиниот природен дом", рекол Врзиќ.

Популарно