Почина Гоце Илиески

Возачот во прилепската Брза помош за кого Македонија собираше донации за лекување, ја загуби биитката со коронавирусот.

И покрај желбата на целата нација Гоце Илиески на 42 години повторно да застане на нозе и да спасува животи, денеска засекогаш не’ напушти. Беше посветен сопруг и татко на две малолетни деца.

Со Ковид- 19 се зарази на работното место, спасувајќи животи. Во тешка состојба беше хоспитализиран на една од приватните клиники, а по апелот на социјалните мрежи, масовно се собираа средства за негово лекување.

Прилепчани се шокирани од трагедијата која му се случи на семејството. На осми март почина мајката на Гоце, но најблиските одбиваа да му ја кажат лошата вест бидејќи и самиот беше во критична состојба. Ја имал само неа, бидејќи татко му починал во 2007 година.

И синот на Илиески, Филип (12), беше хоспитализиран во клининиката Козле, но после долго боледување е подобар, неодамна информираа блиски пријатели на семејството.

Пред само неколку дена се случи и неочекуван инцидент кој ја згрози јавноста, откако од плоштадот во Прилеп беше украдена кутијата за донации поставена од страна на локалните дуќанџии. Според нивните искази, ја украло лице кое возело веспа, но носело кацига и не успеале да го идентификуваат. Случајот беше пријавен и во полиција.

Возачот сакал да избегне судир со трактор, па се превртел

СВР-Битола информира дека попладнево во 14:25 часот на патниот правец од Демир Хисар кон селото Драгожани, автобус на една тутунска компанија излетал од патот и се превртел.

Според првичните информации на екипите на СВР-Битола, до незгодата дошло откако пред автобусот наишол трактор и со цел да биде избегнат директен судир со поголеми последици, возачот на автобусот го избегнал судирот, но со превртел во непосредна близина на коловозот.

Увидот е во тек, потврдија од СВР-Битола.

Работник пронајден удавен во шахта на магистралниот пат во изградба А-4 Штип-Радовиш

Во полициска станица Радовиш вчера во 17:50 часот било пријавено дека во шахта на магистралниот пат во изградба А-4 Штип-Радовиш, во близина на крстосница за селото Бучим, било пронајдено починато лице, соопштија од СВР Струмица.

Увидна екипа од ОВР Радовиш, трудов инспектор и лекар извршиле увид на местото на несреќата, при што било утврдено дека станува збор за Б.Б.(49) од Скопје, кој додека извршувал работни задачи за една компанија, паднал во шахтата со вода и се удавил.

Од обдукцијата, извршена по наредба на Јавен обвинител, е потврдено дека причина за смртта е давење.

Денес се регистрирани 1174 нови случаи на Ковид-19

Во последните 24 часа се направени 4.598 тестирања, а регистрирани се 1.174 нови случаи на КОВИД-19 во:

-Скопје 430 

-Велес 81 

-Куманово 78

-Прилеп и Битола по 74 

-Струмица 53 

-Охрид 49 

-Гостивар 42

-Тетово 41 

-Кавадарци 38 

-Штип 36 

-Кичево 24 

-Гевгелија 22 

-Кочани и Неготино по 20 

-Ресен 12 

-Струга 10

-Свети Николе, Крива Паланка и Виница по 9 

-Радовиш, Валандово и Богданци по 7 

-Делчево 5 

-Демир Капија и Македонски Брод по 4 

-Демир Хисар 3 

-Берово 2 

-Пробиштип, Крушево, Кратово и Дојран по 1

Пријавени се вкупно 42 починати лица: 15 од Скопје (53г, 56г, 58г, 58г, 60г, 65г, 65г, 69г, 69г, 73г, 73г, 73г, 73г, 80г, 84г), 4 од Куманово (59г, 59г, 67г, 75г), по 3 пациенти се пријавени од Прилеп (58г, 70г, 85г), Струмица (50г, 67г, 70г) и Кочани (63г, 69г, 84г), по 2 од Битола (65г, 75г), Гостивар (70г, 75г), Кавадарци (51г, 65г), Штип (54г, 87г) и Охрид (61г, 74г) и по еден пациент од Тетово (73г), Велес (87г), Крива Паланка (81г) и Виница (80г). 

Регистрирани се 811 оздравени пациенти од:

-Скопје 400 

-Прилеп 67 

-Куманово 40 

-Битола и Гостивар по 33 

-Штип 32 

-Тетово 30 

-Кавадарци 29

-Велес 28 

-Струмица 16

-Неготино 13 

-Валандово 11 

-Кичево и Гевгелија по 9 

-Берово 7 

-Кочани, Виница и Делчево по 6 

-Свети Николе, Радовиш и Пробиштип по 5 

-Ресен, Крива Паланка и Македонска Каменица по 4 

-Пехчево 3

-Богданци и Македонски Брод по 2 

-Демир Капија и Крушево по 1

Досега во земјата се направени вкупно 660.522 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 140.065, бројката на оздравени пациенти е 113.430, на починати е 4.150, а бројот на активни случаи изнесува 22.485.

Популарно