Творците на „Спутник В“ за вакцината: „Можно е да штити доживотно“

Шефот на Државниот истражувачки центар за епидемиологија и микробиологија „Гамалеја“, Александар Гинцбург, се надева дека вакцинацијата со руската вакцина против круната „Спутник В“ (Sputnik V) ќе гарантира доживотен имунитет.

„Се надевам дека вакцината ќе делува не една или две години, туку цел живот. Бев вакциниран двапати, па ете да поживеам пет, десет години, подолго“, рече Гинцбург.

Академикот се пошегувал дека „ќе ги остави своите антитела на неговите потомци во тестамент“.

Според него, во рамките на специјалното тестирање на лица чие ниво на антитела се намалува, се планира повторна вакцинација со цел да се провери колку време е потребно за повторно формирање на потребното ниво на антитела.

„Ако нивните антитела се вратат на нивото што го штитат за два, три, четири дена, тоа значи дека се формирани нивните мемориски клетки, односно по првата вакцинација, нивниот имунолошки одговор е зачуван. Ќе ги спроведуваме тие тестови една година, година и половина“, прецизирал тој.

Во Русија, масовната вакцинација против вирусот корона започнала на 18. јануари. Русите главно се вакцинираат со првата регистрирана вакцина во светот за корона, Спутник В, која досега е одобрена за итна употреба во 59. земји со вкупно население од над 1,5 милијарди луѓе.

Во Германија од денеска ослободување од мерките за вакцинираните

Во Германија денеска стапи на сила владината уредба според која на вакцинираните против коронавирусот им се дозволува одредено ослободување од мерките против пандемијата.

Според уредбата, што завчера, по Долниот дом на германскиот Парламент, ја одобри и Бундестагот, лицата кои биле целосно вакцинирани, како и луѓето кои го прележале коронавирусот, се изземени од обврската за строго ограничување на личниот контакт, забрана за движење во текот на ноќта, како и од обврската за приложување негативен тест.

Вакцинираните исто така ќе бидат ослободени од досега задолжителниот карантин по враќањето од странство. Исклучок се повратниците од таканаречените области каде што има и други соеви на вирусот, како Индија, Бразил или Јужна Африка.

Како целосно вакцинирани се сметаат луѓето кои примиле две дози од вакцината и поминале две недели по приемот на втората доза. 

Претходно, премиерот на Северна Рајна-Вестфалија, Армин Лашет повика на единство во општеството и предупреди на можни поделби помеѓу вакцинираните и оние кои сè уште не добиле можност да се вакцинираат.

Тој им порача на вакцинираните дека кон оние кои сè уште не се вакцинирани треба да се однесуваат „со почит и без триумфализам“.

Заклучно со петокот, 7,6 милиони граѓани (9,1 процент) во Германија ги примиле и двете дози од вакцината, претежно постари граѓани кои биле во приоритетни групи.

Остатоци од кинеската ракета паднаа во Индиски океан, западно од Малдиви

Остатоци од најголемата кинеска ракета паднаа рано утрово во Индискиот океан, западно од Малдиви, а повеќето нејзини делови биле уништени при враќањето во атмосферата, со што завршија деновите на шпекулации за тоа каде ќе падне, но истовремено и предизвикувајќи американски критики поради недостаток на транспарентност.

Според координатите објавени од кинеските државни медиуми, повикувајќи се на Кинеската канцеларија за вселенски инженеринг, остатоците од ракетата паднале во океанот, западно од архипелагот Малдиви.

Поради ракетата Лонг марч 5Б, некои луѓе со страв гледаа на небото, откако на 29 април полета од кинескиот остров Хаинан. Кинеската канцеларија за вселенски инженеринг соопшти дека повеќето остатоци изгореле во атмосферата, а државните медиуми објавија дека делови од ракетата повторно влегле во атмосферата во недела во 4:24 часот. Американската вселенска команда го потврди враќањето на ракетата над Арапскиот полуостров, но и дека е непознато дали остатоците паднале на копно или во вода.

„Американската вселенска команда нема да ја објави точната локација на ударот и опсегот на погодената област, кои засега се непознати“, се вели во соопштението на нивната веб-страница.Лонг марч е втора ракета од 5Б варијантата од нејзиниот прв лет во мај 2020 година. Минатата година делови од првата ракета паднале на Брегот на Слоновата Коска, оштетувајќи неколку згради. Немало повредени. „Вселенските држави мора да го намалат ризикот за човекот и имотот на Земјата со враќањето на вселенските објекти и да ја зголемат транспарентноста во однос на тие операции“, рече во изјавата директорот на НАСА, Бил Нелсон, поранешен сенатор и астронаут, кој беше избран за таа улога во март, во изјава по падот на делови од ракетата.

„Јасно е дека Кина не ги исполнува одговорните стандарди во врска со отпадот од вселената“. Бидејќи поголемиот дел од површината на Земјата е покриен со вода, веројатноста остатоците да паднат на населени места на копно била мала, а веројатноста за повреда уште помала, според зборовите на експертот. Но, неизвесноста околу траекторијата на падот на ракетата и неуспехот на Кина да обезбеди посилни уверувања пред враќањето на ракетата ја разгореа вознемиреноста.„Клучно е Кина и сите вселенски држави и трговски субјекти да постапуваат одговорно и транспарентно во вселената за да обезбедат безбедност, стабилност и долгорочна одржливост на вселенските активности“, рече Нелсон.

Астрофизичарот од Харвард, Џонатан Мекдауел за Ројтерс изјави дека потенцијалната зона на остатоците може да биде северно од Њујорк, Мадрид или Пекинг и јужно од јужно Чиле и Велингтон во Нов Зеланд.Откако големи делови од вселенската станица Скајлаб на НАСА паднаа во Австралија во јули 1979 година, повеќето земји настојуваат да избегнат такви неконтролирани враќања со дизајнот на леталата, рече Мекдауел.Мекдауел вели дека кинеските дизјанери на ракети не се занимавале со тоа.Глобал тајмс, кинескиот весник, загриженоста ја отфрли како „западно претерување“ дека ракетата била „надвор од контрола“ и можела да предизвика штета.

Британските туристи од 17 мај ќе добијат ковид пасоши

Британските туристи од 17 мај ќе добијат ковид пасоши, под услов да ги примиле двете дози на вакцината.

Министерот за транспорт Грант Шапс рече дека оние кои биле вакцинирани може да ја користат апликацијата на Националната здравствена служба (НХС) за да го покажат својот статус, објави „Сан“.

Луѓето кои ја немаат апликацијата ќе можат да побараат писмо од НХС, кое би го носеле со себе за време на патувањето.

Информацијата следи откако министерот Шапс откри „зелена листа“ на земји каде Британците можат да одат на одмор – Португалија, Израел и Исланд.

„Денеска го одбележуваме првиот чекор кон претпазливо враќање на меѓународните патувања, со преземени мерки за заштита на јавното здравје и да се осигураме дека нема да се отфрли тешко освоената победа за која сите се стремевме оваа година“, рече министерот Шапс.

Тој додаде дека луѓето можат да очекуваат патувањето да биде малку поразлично ова лето – со подолго чекање на граница, во рамки на построгите мерки за спречување влез на нови видови коронавирус во Велика Британија. 

Популарно