Денес се регистрирани 62 нови случаи на Ковид-19

Во последните 24 часа се направени 572 тестирања, а регистрирани се 62 нови случаи на КОВИД-19 во:

-Скопје 32 

-Прилеп и Штип по 7 

-Куманово 5 

-Струмица 4 

-Кавадарци 3 

-Велес, Кочани, Кичево и Виница по 1

Пријавени се вкупно 25 починати лица: 10 од Скопје ( 69г, 71г, 71г, 71г, 72г, 73г, 76г, 83г, 86г и 86г), по 2 починати лица од Тетово (36г и 74г), Кавадарци (71г и 84г) и Струмица (56г и 69г) и по едно починато лице од Куманово (75г), Прилеп (79г), Битола (72г), Велес (78г), Штип (71г), Охрид (81г), Кочани (85г), Пробиштип (63г) и Демир Хисар (70г). 

Регистрирани се 398 оздравени пациенти од:

-Скопје 161 

-Куманово 48 

-Битола 42 

-Кочани 24 

-Велес 22 

-Штип 16 

-Берово 13 

-Гостивар 12 

-Струмица и Гевгелија по 10 

-Кичево 7 

-Тетово 6 

-Свети Николе и Дебар по 5 

-Ресен, Пробиштип, Валандово и Богданци по 3 

-Радовиш 2 

-Прилеп, Охрид и Пехчево по 1

Досега во земјата се направени вкупно 725.240 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 152.747, бројката на оздравени пациенти е 133.871, на починати е 4.961, а бројот на активни случаи изнесува 13.915.

13-годишно девојче на мопед тешко повредено во сообраќајка во Куманово

На 16.05.2021 околу 16.35 часот во СВР Куманово било пријавено дека на крстосница од ул.„Тоде Мендол“ и ул.„Перо Илиевски“ се случила сообраќајна незгода помеѓу мопед „априлиа“, со кумановски регистарски ознаки, управуван од 13-годишна малолетничка, на кој се превезувала уште една 13-годишна малолетничка, и двете од Куманово и патничко возило „фолксваген голф“, со кумановски регистарски ознаки, управувано од В.К.(25) од Куманово.

По незгодата, малолетничката која го управувала мопедот била пренесена во Општата болница Куманово, каде ѝ биле констатиранни тешки телесни повреди. Увид на местото на незгодата извршила екипа од СВР Куманово.

Полицискиот час останува на сила уште две недели

Комисијата за заразни болести на утринскиот состанок донесе препорака да нема промена на рестриктивните мерки, потврдуваат утрово од Министерството за здравство.

Полицискиот час од полноќ до 4 часот наутро и работното време на угостителите до 23:30 остануваат на сила уште две недели.

Засега нема потврда кога ќе се решава за можно олеснување на рестриктивните мерки и покрај намалениот број на новозаразени и хоспитализирани лица од коронавирусот.

Спасовски: Се вакцинирав, се чувствувам одлично и се враќам на работните обврски

Денеска, во вакциналниот пункт во Куманово, ја извршив личната и граѓанска должност со апликација на првата доза од вакцината на „Синофарм” за заштита од Ковид-19, согласно националниот план за имунизација, напиша на Фејсбук министерот за внатрешни работи Оливер Спасовски по вакцинацијата.

„Се чувствувам одлично и се враќам на работните обврски.

Ве охрабрувам сите да го сторите истото, доколку сѐ уште не сте регистрирани, пријавете се на веб-страницата www.vakcinacija.mk - само со масовна имунизација ќе постигнеме колективен имунитет, тоа е единствениот ефикасен начин за заштита од коронавирусот“, напиша Спасовски.

Популарно