Италија со предупредување граѓаните да останат дома поради кинеската ракета

Кинеската ракета „Долг Марш 5б“тешка 21 тон полека навлегува во земјината атмосфера.

Се очекува денес или утре да падне на земјата но никој не може да каже точно каде ќе падне заради тоа што по лансирањето модулот почнал да кружи околу земјата по неправилна траекторија полека губејќи ја висината.

Проценките на експертите се дека поголем дел од ракетата при овој пад ќе согори.

Официјален Пентагон иако има можност при падот ваквите вселенски остатоци со ракетен систем да ги собори сепак не планираат вакви активности со надеж дека остатоците од кинеската ракета би завршиле во некои од морињата.

Кинеските власти кои инидиректно се посочуваат дека ја изгубиле контролата над ова вселенско летало уверуваат дека сепак не се очекува падот на деловите од ракетата да направат некакви проблеми врз авио сообраќајаот или дека би паднале во некое населено место. Она што е загрижувачко е предупредувањето кое го издадоа италијанските власти. Тие на жителите од јужните региони кои што се всушност на само 200 километри воздушна линија од Македонија, им препорачуваат поради можноста таму да паднат остатоци од кинеската ракета вечерва да остана во затворени простории особено околу 2 часот по полноќ.

Според податоците на американската војска ракетата која е во слободен пад се движи со брзина од 27 600 километри. Ова не е прв пат Кина да изгуби контрола врз вселенско летало.

Во 2018 година вселенската лабораторија се распадна при проаѓањето низ атмосферата две години отакоко престана да работи. Проценките на експертите се дека околу земјата има околу 9300 тони на вселенски отпад односно според европската вселенска агенција од 11 илјади сателити кои кружат околу земјата околу 4000 не се во функција.

извор: kanal5.com.mk

Вакцината на Куба против коронавирус покажала ефикасност од 92,28 отсто

Вакцината Абдала против коронавирус, развиена од Куба, која е прва развиена во Јужна Америка, покажа ефекасност од 92,28 проценти против инфекцијата. Тоа го соопшти лабораторијата што го разви препаратот.

Центарот за генетско инженерство и биотехнологија, што ја разви вакцината, објаснува дека оваа ефикасност е постигната по три дози. Абдала е во последната фаза на клинички испитувања и мора да добие официјално одобрување од кубанските власти подоцна овој месец или почетокот на јули.

Во саботата, кубанскиот институт за вакцинација Финли објави дека неговиот кандидат за вакцина Соберана 2 покажал 62 отсто ефикасност по аплицирање две од трите дози.

Поради ембаргото, Куба почна да развива свои лекови во 80-те години на минатиот век. Владата сега се надева дека во август ќе бидат вакцинирани 70 проценти од 11,2 милиони жители на Куба, а целото население до крајот на годината.

Италија стана „бела зона“, се укинуваат ограничувањата против Ковид-19

Од денеска, цела Италија стана „бела зона“, што значи дека опасноста од инфекција со Ковид-19 е минимална и дека ограничувачките мерки се укинуваат, пишуваат италијанските медиуми.

Единствен исклучок е северната провинција Вале д’Аоста, која неделава сè уште е во таканаречениот режим на „жолта зона“, што значи дека благите ограничувачки мерки ќе останат на сила уште седум дена.

Полицискиот час, кој беше во сила од 23 часот до 5 часот утредента, се укинува низ целата земја.

Минатата година, Италија воведе начин за опишување на епидемиолошката состојба во зоните во боја, каде што црвената боја укажува на најголем ризик од инфекција и најстроги мерки на ограничување, а белата зона ги укинува мерките против Ковид-19.

На денешната седница, владиниот научен и технички комитет се очекува да донесe одлука за укинување на обврската за носење заштитни маски на отворено следната недела.

По тој повод, весниците пишуваат „дека по една година, Италијанците ќе можат слободно да дишат“.

Но, граѓаните се нетрпеливи и веќе на улиците, многумина можат да се видат како носат маска околу вратот, подготвени во случај на контрола, а не како што е пропишано на лицето, анализираат медиумите во таа земја.

Препораката да се избегнат големи собири останува на сила, но граѓаните на Рим ја игнорираа, па вчера, поради масовноста на одредени градски плоштади, полицијата го ограничи пристапот поставувајќи заштитна ограда, пренесуваат тамошните гласила.

Исчезна жената, која тврдеше дека родила десет бебиња

Откако минатата недела се појави веста дека една Африканка родила десет бебиња, нејзиното семејство соопшти дека не ги виделе децата и дека воопшто нема докази дека бебињата постојат.

Семејството на Тебог Цотеци, наводниот татко, рече дека тој исто така потврдил дека не ги видел бебињата и дека за веста знаел само преку неговата девојка, која му се јавила за да го извести за наводното раѓање на седум момчиња и три девојчиња. Сепак, 37-годишната Госијаме Ситоле оттогаш исчезнала.

Наводно, Цотеси неколку пати се обидел да ја посети Ситоле и бебињата во болницата, но таа не му открила каде се наоѓа и не го информирала за состојбата на бебињата. Затоа сега е под знак прашалник дали ги има воопшто оние десет бебиња за кои се веруваше дека влегуваат во Гинисовата книга на рекорди.

„Семејството заклучи дека нема десет деца родени во врската помеѓу Тебог Цотеци и Госијаме Ситола, сè додека не се докаже спротивното“, се заклучува во соопштението, пренесуваат африканските медиуми.

Популарно