Kаде треба да ја чувате оваа билка за паричникот да ви биде полн со пари

Оваа собно растение, покрај својот убав изглед, се верува дека ќе ви донесе и подобрување на вашата финансиска состојба.

Познато како дрво на парите, красулата е едно од најпознатите и најомилените од родот Crassula кое се одгледува како собно растение.

Одгледувањето на ова растение е многу едноставно и лесно за одржување. Покрај тоа, убавата красула е долготрајно растение, така што ќе уживате во нејзината убавина долго време.

Како што расте, дрвото на пари формира густо дрво со гранки на кои се месести, сјајни и мазни лисја. Растението е со боја на зелен жад, а многу лисја имаат црвеникава нијанса на работ кога се изложени на силен извор на светлина. Новите стебла ќе бидат со иста боја и текстура како лисјата, а со тек на време ќе станат кафеави и дрвени. Благодарение на тоа, красула може да се режи да ја оформите во одличен бонсаи, особено ако сте почетник.

Според различни верувања, легенди, па дури и според верувања на фенг шуи, постојат два главни типа на „дрвја на пари“. Едната е красулата (попозната како јапонско дрво за пари), а другата е пахира (Pachira aquatica) (попозната како растение за пари). И двете растенија се екстремно широко користени во филозофијата на фенг шуи за украсување на домови.

Енергијата на растението за пари за фенг шуи доаѓа од нејзиното добро коренување и потресната енергија што се гледа во новите лисја. Местото каде што ќе биде сместено растението за пари се избира така да енергија на раст се рефлектира во вашиот биланс во банка, тврдат верувања.

Красула е многу лесена за негување – и треба многу сончева светлина и брзо ќе напредува, но нема да и пречи и ако има малку шарена сенка. Дрвото Красула е отпорно, издржливо но она на што треба да внимавате е водата, внимавајте на количините. Не толерира прекумерно наводнување, затоа направете го тоа само кога ќе видите дека почвата во садот е скоро исушена. Не ви треба дополнително ѓубриво за одгледување на ова растение. На јапонското дрво за пари му треба простор со добра вентилација. Ако можете да го обезбедите тоа, тогаш во куќата не нема да има премногу висока температура што би била фатална за растението. Како и да е, мора да бидете внимателни да не биде премногу студено, температурата под 10 степени целзиусови нема да го убијат растението, но оваа темепратура не е добра за него.

Дрвото со пари цвета од време на време. Добрите услови во кои го одгледувате и зрелоста на растението се предуслов за цветење, а за возврат ќе бидете наградени со мали бели цвеќиња кои се појавуваат околу доцна есен и рана зима.

Идниот месец ни доаѓа метеорски дожд видлив со голо око

Метеорскиот дожд „Леониди“ се појавува во ноември. Нашата планета секоја година во ноември поминува низ опашката на кометата 55П/Темпел-Татл и тогаш делови од опашката на кометата горат во атмосферата на Земјата. На површината, ние ги гледаме овие делови што горат во атмосферата како ѕвезди што паѓаат.

Името на метеорскиот дожд доаѓа од соѕвездието Лав, од кое изгледа дека метеорите зрачат додека ги гледаме на небото.

Во текот на овој метеорски дожд понекогаш може да се забележат над 1.000 ѕвезди што паѓаат во еден час. Овие метеори што паѓаат се светли и многу брзи. Не се очекува овогодишниот метеорски дожд да биде толку активен, но вреди да се гледа.

Најмногу метеори треба да има ноќта помеѓу 17 и 18 ноември, кога би можеле да се видат до 15 метеори на час, но можеби тешко ќе се гледаат поради Месечината.

Метеорите најдобро може да се видат на место со минимално светлосно загадување, а се препорачува навикнување на очите на темнината за подобро да се забележат.

Метеорскиот дожд може да се види насекаде на северната хемисфера, а најдобро се гледа во часовите пред зората.

Зошто октомври е соодветен месец за паровите да одат на терапија?

Една од клучните причини зошто паровите се одлучуваат на есенска терапија е секако да се вратат од одмор и повторно да се соочат со секојдневните обврски.

Според Луси Бересфорд, психотерапевт и експерт за секс и партнерски односи и автор на „Happy Relationships at Home, Work and Play“, летниот одмор, колку и да е прекрасен, честопати води до точка на „пукање“.

Причината е едноставна, а тоа е дека поминуваме многу моменти заедно. Ова води кон соочување со проблеми што инаку би ги потиснале и ќе ги пренесеме во наредните месеци. Затоа, треба да се решат сите сомнежи и да се најде сила за понатамошни потези, со цел одржување на врската. Кога ќе помине малку време и дојде октомври, интересот за советување и брачна терапија расте.

Таа додаде дека е потребно да се тргне од себе и целата вина да не се префрла на партнерот, бидејќи тоа е единствениот начин да се реши секој предизвик. Совет за сите парови е искрено да размислуваат за причината за конфликтот, а промената на животната средина и присуството на трето лице може да ја олесни фрустрацијата и разочарувањето. На овој начин може да се слушне нивниот глас и важно е да се истакне дека новата перспектива е одличен начин за продолжиме заедно или не.

„Игра со лигни“ (Squid Game) носи профит за онлајн продавачите во Кина

„Игра со лигни“ (Squid Game), која во моментов е најгледана серија на „Нетфликс“, сè уште не е официјално објавена во Кина, но компаниите во земјата се веќе зафатени со извлекување на сродни производи од хит-серијата за домашни и странски купувачи.

Костимите инспирирани од јужнокорејскиот трилер се размножуваат на платформите за е-трговија низ целиот свет, а многу од нив се произведуваат во Кина.

На Copupang, една од најголемите шопинг страници во Јужна Кореја, некои од најдобрите резултати од пребарувањето за сродни производи од серијата се наведени од компании со седиште во кинеските градови Гуангжу и Шенжен, како и провинцијата Анхуи, меѓу другите. Страниците на производите се полни со прашања од клиенти кои прашуваат дали продавачите можат да достават нарачки пред Ноќта на вештерките.

Слични понуди на производи, исто така, може да се најдат на Taobao, најголемата апликација за купување во Кина, како и на Alibaba.com. Со двете платформи управува „Алибаба груп холдинг“, сопственик на „Саут Чајна морнинг пост“.

Во дистописката драма со девет епизоди, која дебитираше на 17 септември, стотици натпреварувачи со долгови, облечени во идентични зелени тренерки, се соочуваат едни со други во серија традиционални детски игри. Победникот добива парична награда, додека сите губитници веднаш ги убиваат стражари облечени во црвени комбинезони и црни маски за лице.

Најновиот хит на „Нетфликс“ дистигна огромна популарност. Јужнокорејската серија е број еден серија по гледаност во преку 90 држави и е на пат да стане глобален феномен.

Популарно