Италијанецот Гвидо, купил неверојатната куќа со шест кревети и две бањи во италијанскиот град Велетри, на околу 18 милји надвор од градот Рим, во октомври 2020 година.
Меѓутоа, додека уживал во неговата куќа во медитерански стил со маслинови дрвја, портокали, лимони и грејпфрут дрвја, винова лоза, дрво и многу земја, тој не ни претпоставувал дека вистинско изненадување се криело под неговиот нов дом.
Гвидо во една од просториите на имотот, нашол скали кои водат осум метри под земја.
- Еден тунел води директно напред додека не заврши во една точка. Десно, продолжува околу 100 метри и завршува. Висина е околу 1,6 метри, потоа се спушта пет до шест метри надолу, па следи езерце. По езерцето, тунелот се отвора. Висок е околу 2,5 метри и широк три метри. Лево, повторно се продлабочува околу осум метри, по што продолжува под мојата куќа, вели новиот сопственик.
Некои од тунелите се срушени, па Гвидо решил да не ги истражува. Наместо тоа, купил дрон и со помош на летачкиот објект снимил дел од видеото.
Откако разговарал со неколку негови соседи, дознал дека има повеќе тунели од таков вид во таа област, но повеќето локални жители не го споделиле неговиот ентузијазам во врска со откривање на нивното потекло.
- Некои велат дека се користени за време на Втората светска војна што е можно, но мора да бидат постари. Тие се буквално рачно градени со некои едноставни алатки од камен, што значи дека тие мора да се тука долго време. Еден дечко ми рече дека тие се од времето на Римјаните. Но, кој знае!
Видеото Гвидо го постираше на Редит каде доби огромно внимание и повеќе од 6.000 коменатри. Еден од нив гласеше: „Дали никогаш не сте виделе филмови? Јасно е дека тие тунели водат до вратите на пеколот “.