Теоријата на Ајнштајн за среќа ќе ви го смени гледиштето кон животот

Алберт Ајнштајн бил извонреден научник и голем ум, но не бил надарен само за физика и во пронајдоците кои го менуваа човештвото, туку знаел и како да ја напише својата „теорија за среќа“.

Според приказните, Ајнштајн ја запишал таа негова теорија на хотелска сметка за да се заблагодари за гостопримливоста.

Toj запишал само две реченици, но толку биле моќни што навистина можат да послужат како апсолутна „теорија на среќа“ низ животот.

„Мирниот и скромен живот носи повеќе среќа отколку желба за успех во комбинација со постојаната грижа“, напишал Ајнштајн.

На вториот лист хартија тој ја оставил оваа порака: „Каде што има волја има и начин“.

И двата лисја хартија подоцна биле продадени на аукција за голема сума на пари, но секој добил можност да открие и да ги кристи насоките на Ајнштајн за среќен живот.

Будистите категорично се противат на т.н. „менталитет на вечните патници“, односно постојаното преминување на денешните препреки за утрешен успех.

Животот во овој случај личи на вечно возење со метро до станиците на кои фантазираме дека постои среќата.

Древниот римски филозоф Сенека, го изразил тоа остварување пишувајќи дека „најголемата препрека во животот е чекањето“.

Неговите зборови јасно ни порачуваат – иднината е непозната. Живеј сега! Втората реченица има уште поголемо значење поради тоа што ни открива дека во секој човек постои потенцијал да го направи тоа што го сака.

Дури и кога изгледа дека не постои решение, дека препреките се преголеми и дека исполнувањето на целта е предалеку, Ајнштајн нè потсетува – „Каде што има волја, има и начин“.

Козметички салон од Загреб објави наградна игра која предизвика бура коментари

Многумина го нарекоа потегот на салонот „невкусен“ и „сексистички“, а помеѓу првите кои јавно ја изразиле својата згрозеност од ситуацијата е инфлуенсерката и водителка Нина Слишковиќ Голеш.

„Не дозволувајте некој да ве убеди дека задникот е поважен од она што го носите во главата“, порачала таа.

Меѓутоа, од козметичкиот салон изреагирале и на изјавата на Нина и дополнително ја згрозиле јавноста:

„Ви благодариме што не освестивте бидејќи ние мислевме, како што вие убаво и префинето велите, дека „задникот е многу побитен од главата“. Иако признавам, не би ви наштетил некој третман кај нас“, напишала сопственичката на салонот, на што Голеш возвратила: „Малку е тажно и по интервенциите од неколку личности, таа се уште пропушта што е проблематично во оваа приказна“, порачала водителката, а многу жени ја поддржале.

„Кој воопшто помиалил дека ова е добра идеја?“, „Сега ќе фотографираат некоја жена неколку месеци по породувањето за допоолнително да ѝ набијат комплекси што „се уште не се вратила во форма“. Ова не е нормално. И секако, никој не фотографира мажи со пивски стомаци. Не велам дека треба, и тоа би било болно, но секогаш се жените на тапет“, гласат дел од коментарите на социјалните мрежи.

Како да заспиете за само една минута?

Дали поради стрес од настаните во текот на деност, дали поради премногу кофеин, или поради непогодени температурни услови – голем дел од нас буквално се мачат за да заспијат. Но, сепак постојат методи за да се „хакне“ заспивањето.

1.Заспивање за 10 секунди

Забелешка: Целата вежба трае 120 секунди, од кои последните 10 ве заспиваат.

Ова е популаризирано како „војнички метод“. Пред-училиштето за пилоти на Воените сили на САД го измислиле овој метод, за да им помогнат на пилотите да заспиваат за 2 минути. На пилотите им биле потребни по 6 недели за да го усовршат, но функционирал – дури и по пиено кафе и со звуци на огнени оружја во позадината.

Методот

Релаксирајте го целото лице, вклучувајќи ги мускулите во устата.

Релаксирајте ги рамената и рацете нека ви бидат од страните на телото.

Издишете, релаксирајќи го градниот кош.

Релаксирајте ги нозете, бутовите и листовите.

10 секунди замислувајте релаксирачка сцена (облаци, ледина…)

Ако ова не функционира, 10 секунди пополека кажувајте си: „Не мисли“.

Во наредните 10 секунди, би требало да заспиете.

Ако ова не ви функционира, работете повеќе на дишењето и релаксацијата на мускулите.

2. Заспивање за 60 секунди преку 2 методи

4-7-8 метод на дишење

Одделете ги малку усните и испуштете слаб звук на издишување.

Затворете ги усните и вдишете тивко, низ носот. Избројте до 4 во главата.

Чувајте го здивот 7 секунди.

Издишувајте како на точка 1, во траење од 8 секунди.

Комплетирајте го овој циклус со 4 вакви круга. При четвртиот круг веќе би требало да заспивате.

Прогресивна релаксација на мускули (ПРМ)

Подигајте ги веѓите највисоко што можете, во траење од 5 секунди. Ова ќе ги зацврсти мускулите на вашето чело.

Веднаш потоа, релаксирајте ги челните мускули и осетете како се намалува тензијата. Почекајте 10 секунди.

Насмевнете се широко за да креирате тензија во образите. Држете ја насмевката 5 секунди. Релаксирајте ја.

Паузирајте 10 секунди.

Затворете ги очите најсилно пто можете. Држете ги така 5 секунди. Релаксирајте ги.

Паузирајте 10 секунди.

Навалете ја главата наназад доволно за целосно да го гледате плафонот. Држете ја така 5 секунди. Релаксирајте го вратот.

Паузирајте 10 секунди.

Вакви затегнувања и релаксирања правете со секој мускул надоле по телото, сѐ додека не заспиете.

(Фото) Во Грција се појави една од најопасните медузи

Во грчките води, во Егејското и Јонското море, има инвазија на виолетова медуза или „Pelagia noctiluca“, а експертите го обвинуваат порастот на температурата на морето, како и претераниот риболов. Виолетовите медузи се забележани во голем број во централното и северното Егејско Море, во Саронскиот Залив во близина на Атина, како и на неколку острови во Јонското Море. Меѓутоа, проблемот не е само грчки, бидејќи го зафаќа целото Средоземно Море – пишува „Keep Talking Greece“.

Грчката опсерваторија за биодиверзитет (Biodiversity Biodiversity) објави мапа на која се прикажани областите и плажите каде што се наоѓаат медузи. Картата постојано се ажурира, а корисниците можат да додадат во листата на плажи каде што виделе медузи.

Виолетовата медуза сега се појави во Јонското и Егејското море, еден од најопасните видови на Медитеранот поради силниот невротоксин што го има, а се пренесува со убоди.

Изгорениците на овие медузи се многу болни. Доколку имате контактот со нив, бидејќи се појавуваат во јата, може да покрие повеќе од половина од телото, тогаш е неопходна хоспитализација. Тие ослободуваат невротоксини, па на кожата се појавуваат отоци, болни изгореници и осип, а оние со преосетливост може да имаат и срцеви проблеми, тахикардија, пад на притисокот, силни главоболки, дијареја, бронхоспазам, гушење и повраќање.

Сега нивната појава е честа поради промената на климатските услови и зголемувањето на температурата на морето, а претходно беше забележана во интервали од 10-ина години.

Засега предупредувањето за виолетова медуза се однесува на туристи кои летуваат или планираат да летуваат на Кефалонија, Закинтос, Крф, Пелопонез, но и да ги посетат Паксос и Антипаксос. Локалните медиуми на големо пишуваат дека се забележани и на плажите во Атина. Се предупредуваат капачите да не влегуваат во водата.

– Не очекувавме дека летово ќе има толку многу виолетови медузи кои минатото лето беа локализирани само во помали делови од Егејското Море, за летово да се прошират на целото Средоземно Море и Јонското Море. Ја следиме ситуацијата и чекаме да видиме што ќе се случи на Јадранското Море – изјави за ТВ Скај Христос Таклис, морски биолог и менаџер на грчката опсерваторија за биодиверзитет.

Тој објасни дека од Италија пристигнале во потрага по потопла вода, бидејќи се хранат со планктони. Овој вид медуза досега беше присутен во Медитеранот, главно во близина на шпанскиот и италијанскиот брег.

Како да го третирате каснувањето?

Кога ќе ве изгори медуза, која било од нив, прво треба да ја отстраните ако остане на кожата и веднаш со кружни движења изгореното место добро да го истријте на брегот со песок за да ги извадите остатоците од медузата. Потоа добро исплакнете со морска вода, па нанесете ја кремата од грчкиот лек „fenystil“. Повторете го нанесувањето на кремот. Може да се земе и антихистаминска таблета.

Местото на изгореницата треба да се завитка цврсто со завој и во никој случај не смее на него да се нанесува оцет, свежа вода, алкохол или амонијак.

Доколку имате други проблеми освен чешање и печење, веднаш посетете лекар.

Популарно