Пет намирници што никако не смеете да ги јадете за појадок

Сите добро знаеме колку е важен појадокот за здравјето и за енергијата што ни треба во текот на денот. Затоа, никогаш не треба да излегувате од дома со празен стомак, но исто така многу е важно да знаете кои намирници не се добри за првиот оброк во денот.

Многу лекари советуваат сериозно да ги сфатите состојките на појадокот, бидејќи од храната што ќе ја изедеме наутро зависи дали телото ги добива потребните хранливи материи и како ќе се чувствуваме во текот на денот. Еве што никако не треба да јадете за појадок…

Црвено месо

Можеби ќе се изненадите, но не е мал бројот на оние што претпочитаат појадокот да им биде јак и калоричен, па посегнуваат по парче црвено месо. Овој производ, сепак, е претежок за организмот кој штотуку се разбудил. Може да дојде до непријатно чувство во стомакот.

Јогурт

Повеќето од нас сметаат дека појадокот е незамислив без јогурт. Сепак, нутриционистите советуваат да го прескокнете, особено овошните варијанти, бидејќи содржат големи количини на шеќер. Исто така, поради додатоците можат негативно да влијаат врз варењето.

Цитруси

Процентот на киселини во нив е прилично висок. Наутро телото не е подготвено да прими таква храна. Портокалите, мандарините и другото цитрусно овошје може да ја иритира слузницата на желудникот.

Круши

Крушите се една од овошките што изобилуваат со влакна. Сите знаеме дека исхраната што изобилува со влакна помага за спречување подуеност, за одржување на здравото ниво на холестеролот, а намирниците полни со влакна се многу добри за превенција на рак на дојка, срцеви болести и дијабетес тип два. Крушите се извор на низа витамини – Ц, К, Б2, Б3 и Б6, а изобилуваат и со влакна. Содржат калциум, магнезиум, калиум и манган, и препорачливо е да се јаде една круша на ден. Сепак, не е добро да ги јадете наутро, бидејќи можат да го отежнат варењето.

Свеж зеленчук

Не постои сомнеж дека зеленчукот е здрав, бидејќи го подобрува имунолошкиот систем, подмладува и добро влијае врз расположението. Свежиот зеленчук е идеален за ручек или вечера, но ако го јадете за појадок, ќе му треба многу време да се свари.

Лековитоста на морето: Неколку дена на море можат да направат чудо за вашето здравје

Лековитоста на морето е одамна потврдена, но не само поради пливањето, туку и поради шетањето на песок, воздухот и сонцето.

Британското здружение за дерматолози истакнува дека многу делотворно е и седењето покрај морето и гледањето на брановите. Воздухот и мирисот ослободуваат диметил-сулфид кој директно делува позитивно на дишните патишта. Тоа има одличен ефект кој се изразува преку добар сон и слободно движење на крвотокот.

Негативните јони се борат и против слободните радикали, воспоставувајќи рамнотежа на хормонот на среќа и задоволството.

Минувањето време покрај море го ублажува и дерматитисот, односно морската сол и калиум хлоридот го успоруваат зараснувањето на кожата, повлекувањето на егземите, а се препорачува и како лек за синуси, алергија и настинки.

Благодарение на сонцето, организмот добива и неопходна количина витамин Д кој делува на коските, мускулите и имунитетот.

Пронајден лек кој го убива ракот

Британски научници пронајдоа лек кој може да го изгладне ракот и на тој начин да го натера да се повлече односно ремисија.

Овој успех би можел да биде првиот напредок во третманот на тумори на мозокот во последните две децении.

Научниците од Империјал колеџ во Лондон спроведоа тестови на глувци кои имале глиобластом (ГМБ) – еден од најагресивните форми на рак на мозокот. На глодарите им бил даден експериментален лек кој ги лишил од аминокиселината аргинин – витална хранлива материја која туморите ја користат за да растат.

Во новото истражување објавено во Журналот за клиничко истражување, третираните глувци живееле околу 47 дена, речиси двојно повеќе од оние што не биле лекувани, кои преживеале 27 дена. За споредба, некои глувци биле подложени на радиотерапија или зрачење. Живееле во просек по 37 дена.

Но, кога новиот лек бил комбиниран со радиотерапија, сите глувци отишле во ремисија и живееле без рак околу една година пред да бидат убиени.

Насочување кон на растот на туморот

ГМБ е најчестиот тип на висококвалитетен примарен тумор на мозокот кај возрасните, а исто така е и најагресивен најсмртоносен. Помалку од еден процент од пациентите со ГБМ живеат повеќе од десет години, а за многумина прогнозата е само 12 месеци.

Аргинин е амино киселина која се користи за создавање на сложени молекули наречени протеини, кои имаат широк опсег на функции во клетките. Неопходен им е на различни канцерогени клетки, особено за оние кои брзо растат, па затоа научниците решија да истражат дали неговото ускратување за клетките на туморот може да се користи како потенцијална стратегија за лекување на различни видови тумори, вклучувајќи го и ГМБ.

Околу 70 проценти од ГМБ туморите можат да произведат аргинин, а околу 30 проценти не можат. Во новата студија, истражувачкиот тим се фокусираше на тумори кои можат да произведат аргинин, изложувајќи ги на лек наречен ADI-PEG20. Овој лек го разградува аргининот, а целта беше да се оневозможи пристапот на туморите до аргинин. Тимот исто така го истражува потенцијалот за користење на ADI-PEG20 кај 30 проценти од туморите кои не се во состојба да произведат аргинин. Доколку третманот се покаже успешен и кај овие тумори, тоа би значело дека сите пациенти со ГБМ би можеле да се лекуваат со намалување на нивото на аргинин.

Голем напредок

Д-р Нел Сајед, кој го води тимот во Империјал центарот за истражување на тумори на мозокот во Одделот за наука за мозокот, рече: „Аргининот е витална хранлива материја за раст на туморот, а нашите резултати покажуваат дека намалувањето на неговите нивоа ги прави туморите многу почувствителни на радиотерапија”.

„Отстранувањето на аргининот ја отстранува имуносупресијата на туморот и откривме дека нашиот пристап значеше дека клетките на одбранбениот систем лоцирани околу туморот имаат поголема веројатност да ги напаѓаат и отстрануваат клетките на туморот“, додаде тој.

„Резултатите од лабораторијата покажаа дека употребата на ADI-PEG20 во комбинација со радиотерапија резултираше со одржлив одговор со продолжено преживување без болести и без значителна токсичност. Следните чекори се да се испита безбедноста и ефикасноста на овој лек кај луѓето со поставување на ново клиничко испитување“, објасни тој.

Еден од авторите на студијата, д -р Тим Крук, медицински консултант за онкологија во болницата Кромвел, рече: „Очекуваме нашата работа да го промени третманот на GBM и да стане нов стандард за грижа за оваа разорна“.

„Возбудливо откритие“

Хју Адамс, шеф на акционерските односи во Brain Tumor Research, рече дека ова е значајно и возбудливо откритие.

„Постои итна потреба од нови пристапи во третманот на ГБМ, што е фатално во повеќето случаи. За две децении нема подобрување во опциите за третман за овој тип на тумор“, рече тој.

Не успевате да ослабнете? - Погледнете како до витко тело

Патот до слабеење не е воопшто лесен. Потребна е посветеност, континуитет и пожртвуваност, пишува Мирор.

Здравата исхрана, редовното вежбање и намалувањето на нивото на стрес ќе го забрзаат слабеењето. Сепак, понекогаш постојат голем број фактори кои можат да го оневозможат губењето на тежината.

Статусот на хормони, минерали и витамини во телото е поврзан со метаболички нарушувања кои го нарушуваат телото за да го изгуби вишокот килограми.

Според најновото истражување, недостатокот на витамините Д и Б12 може да го забави слабеењето.

Витаминот Д е клучен во градењето на коските, а истражувањата докажуваат дека може да помогне во намалувањето на растот на клетките на ракот.

Витаминот Б12 е потребен за формирање на црвени крвни зрнца, а недостатокот на овој витамин може да доведе до замор, запек, мускулна слабост, губење на меморијата и промени во расположението.

Неодамнешните истражувања покажаа дека дебелите луѓе имаат помал статус на витамин Д во крвта.

Студијата објавена во Националната медицинска библиотека ја разгледа важноста на витаминот Д3 за време на слабеењето.

Во истражувањето учествувале 218 дебели жени на возраст меѓу 50 и 75 години. Сите беа подложени на рестриктивна програма за исхрана и вежбање.

Половина од жените внесувале витамин Д за време на слабеењето, додека другата половина примале плацебо.

На крајот од студијата, беше откриено дека жените кои земале витамин Д изгубиле повеќе килограми (дури три килограми повеќе) за време на слабеењето од оние кои земале плацебо.

Од друга страна, недостатокот на витамин Б12 може да доведе до постојан проблем со тежината. Објаснувањето е едноставно: кога нашето тело е надвор од природна рамнотежа, тој реагира со забавување на метаболизмот, задржување на масни наслаги и согорување на помалку калории од вообичаеното.

Докажано е дека и двата витамини помагаат во подигнување на расположението, а на сите кои сакаат да ослабат се советуваат да го проверат нивото на овие витамини во телото и да се консултираат со лекар.

Популарно