Убава вест од ГАК: Бебе родено со тежина од 700 грама по 74 дена си замина со над два килограми

Македонија

на 3.2022

По 74 дена поминати на Универзитетската Клиника за гинекологија и акушерство – Скопје, со престој на неонатолошките интензивни одделенија, предвремено роденото бебе Викторија, на 18 март замина дома во добра општа состојба и со уреден наод на виталните функции, ова денеска преку статус на Фејсбук го напишаа од ГАК.

-Трудницата која е прворотка беше хоспитализирана на ЈЗУ УГАК – Скопје на 27.12.2021 година. Бременоста и беше оптоварена со повеќе ризици, а породувањето се изврши спонтано.

Бебето беше родено на 04.01.2022 година, предвремено во 26 гестациска недела, со екстремно мала тежина од само 700 грама, со должина од 28 сантиметри и со апгар 3/5/5. На 18.03.2022 година од Клиниката за гинекологија и акушерство беше испишано со 2200 грама телесна тежина.

Во периодот на престој на нашите одделенија, новороденото имаше комплексен третман. Во интензивниот третман применета е механичка вентилациона поддршка во првите 21 ден од раѓањето.Потоа новороденото беше ставено на кислородна поддршка со неагресивна механичка вентилација до 67-от постнатален ден, со постојан мониторинг на виталните функции и кислородна заситеност со пилсоксиметрија и гасни анализи.

На бебето му се направени сите скрининзи кои се пропишани во Националната програма на Министерството за здравство и го испративме од У ГАК со прецизни поуки за контрола и за следење на растот и на развојот.

Новороденото беше испишано во добра општа состојба, со пораст на телесната маса, стабилно и витално.

Нашата најмала хероина во 2022 година првпат влезе во својот дом во Скопје изминатиот петок, по 2,5 месеци поминати на неонатолошките интензивни одделенија на ЈЗУ У Клиника за гинекологија и акушерство – Скопје. Тимот од педијатри/неонатолози, медицински сестри и акушерски секојдневно ја следеа нејзината здравствена состојба и заедно со новороденото ги добија сите предизвици кои се испречуваа пред нив, стои во нивниот пост.

Македонски автобус се излизга од автопат и удри во банкина во Србија

Македонија

пред 4 часа

Сообраќајна несреќа се случи вечерва на автопатот кај Појат во Србија.

Како што пренесува страницата на Инстаграм 192.rs, македонскиот автобусот се излизгал и удрил во банкината.

Состојбата на патниците не е позната, а причинета е поголема материјална штета.

Во текот на денот обилните снежни врнежи предизвикаа колапс на автопатот Милош Велики.

Состојбата на патиштата е критична низ Србија поради снегот кој не престанува да врне, коловозите се лизгави, па на возачите им се препорачува да бидат внимателни и да возат бавно.

Владата ќе набави нови 120 електрични автобуси

Македонија

пред 6 часа

Владата ќе набави нови 120 електрични автобуси, информираше вечерва од Белград премиерот Христијан Мицкоски.

„Набргу од денеска, ќе излеземе со еден нов предлог проект, а тоа е, анализираме се уште каква е расположивата моќ на буџетот за набавка на помеѓу 100 и 120 електрични автобуси, заедно со полначи, 50-тина, кои што ке бидат распределени не само во Скопје, за јавното сообраќајно претпријатие, туку и за оние општини каде што има организиран јавен градски превоз во пропорцијата 80-40, или може би да биде... 70- 70. Ке видиме, се уште размислуваме и анализираме оваа ситуација и убеден сум дека многу набргу од денес кај ке изнајдаме едно вакво решение со кое што драматично ке го олесниме и јавниот превоз во Скопје, но и во другите општини кои што имат организиран јавен превоз“, изјави Мицкоски.

Премиерот Мицкоски утре во Белград ќе се сретне со српскиот претседател Вучиќ и премиерот Вучевиќ

Македонија

пред еден ден

Премиерот Христијан Мицкоски утре во Белград ќе има одвоени средби со српскиот претседател Александар Вучиќ и премиерот Милош Вучевиќ.

Мицкоски ја предводи македонската делегација која ќе присуствува на третиот меѓународен саем за вино, храна, ракија и туризам „Винска визија на Отворен Балкан“. Според информациите од македонската Влада, премиерот ќе се обрати на отворањето на винскиот саем, како и на македонската вечер.