Лубеница на стапче - слатко и освежувачко

Ова овошје не може да биде досадно, но може да почнеме да подготвуваме и малку поинакви лубеници – на стапче. Уживајте во раскошниот вкус…

Состојки:

три и пол чаши исчистена лубеница

пет и пол лажици шеќер

лажичка сок од лимон

половина чаша кокосово млеко

шест средни киви

една лажичка чоколадни трошки

Подготовка:

Во блендер ставете лубеница, две лажици шеќер и сок од лимон, измешајте, истурете во калапи за сладолед на стапче, па додајте ги чоколадните трошки и измешајте со чепкалка за заби. Ставете во замрзнувач да се излади и стегне. Во меѓувреме изматете го кокосовото млеко со лажица шеќер и прелијте ја замрзнатата лубеница. Вратете во замрзнувач да се излади и стегне. На крај измешајте го кивито со преостанатиот шеќер, истурете во калапите, ставете во замрзнувач да се стегне, па послужете.

ФОТО: Жена стана хит во Белград со кул написот на автомобилот

Србинка, која е почетник во возење, за да се справи со хаосот на белградските улици, на автомобилот си напишала: „Само што седнав во автомобил, не ми свири, ќе се испаничам, ќе ми се изгаси автомобилот и тогаш ништо не сме направиле“.  Кул потег, зарем не? Вакви написи се потребни и за скопските улици...

На Твитер кружи фотографија направена во Белград, која поттикна лавина од реакции.

Фотографијата е од автомобил на чие задно стакло Србинка напишала:

„Само што седнав во автомобил, не ми свири, ќе се испаничам, ќе ми се изгаси автомобилот и тогаш ништо не сме направиле“.

Пораката со смајли на крај привлече внимание на многумина и навистина е симпатична и со поента.

Возењето низ белградските улици знае да биде подеднакво стресно, како и низ скопските, па жената која очигледно е почетник во возењето пронашла одличен начин како барем за нијанса да си го намали стресот.

И додека неколку „злобни јазици“ ѝ велат дека требала да научи да вози пред да почне да вози, поголемиот дел од луѓето ѝ се огромна поддршка и велат дека е сосема разбирливо што има трема во градскиот метеж ако штотуку добила возачка дозвола.

„Паметно“, „Ова треба да се почитува“, „Кралица“, „Браво“ се само дел од коментарите за потегот на оваа жена.

Казни во Пефкохори за оние кои оставаат предмети на плажа за да си чуваат место

Локалните власти од Пефкохори, на четири јазици, грчки, англиски, српски и македонски, преку социјалните мрежи ги информираат туристите дека е забрането оставање лични предмети на плажата со цел да се зачува местото, а во спротивно предвидени се казни, јави дописничката на МИА од Атина.

Локалниот совет на заедницата Пефкохори, преку објавениот пост на „Фејсбук“ потсетува дека сите оставени предмети ќе бидат одземени, а на туристите ќе им се вратат, откако ќе ја платат казната.

-Забрането е да зафатите место на плажата со вашите ствари преку ноќ, рано наутро и во текот на ручекот. Во спротивно доколку има напуштени предмети на плажата ќе бидат одземени од комунални редари и ќе бидат вратени по плаќањето на казната, пишува на македонски јазик локалниот совет на заедницата Пефкохори.

На популарната туристичка дестинација на првиот крак на Халкидики, според локалните медиуми, во изминатите години создавала проблеми праксата на туристите да оставаат чадори, пешкири, душеци и други лични предмети со цел да имаат обезбеден простор на плажата.

Шест знаци дека сте жртва на манипулатор

Емоционалните манипулатори ги користат вашите слабости и го употребуваат вашиот вокабулар за постигнување на своите цели

Има шест јасни знаци кои укажуваат дека сте во лоша врска од која треба што е можно побрзо да побегнете.

1. Партнерот ги потценува вашите чувства

На емоционалните манипулатори важни им се само нивните чувства и потреби. Ако поради некоја причина лошо се чувствувате и им се доверите, ќе ве убедат дека сте смешни и претерувате. Тие се толку многу убедливи што и вие ќе поверувате во тоа.

2. Ве потценува

Додека сте во друштво момчето ве навредува и ве исмева. Емоционалниот манипулатор ги „лови“ вашите грешки и ве исмева за истите и не се грижи дали тоа вас ви пречи.

3. Вие сте одговорни за неговото лошо однесување

Емоционалниот манипулатор никогаш не презема одговорност за своите лоши постапки. Што и да направи ќе најде начин да ве обвини за својата агресивност или лутина.

4. Не ви дава објаснувања

На прашањето зошто е лошо разположен одговара дека вие и така нема да разберете. На тој начин суптилно ја доведува под знак прашалник вашата интелигенција.

5. Нему секогаш му е полошо од вас

Ако се пожалите дека сте имале лош ден на работа, тој ќе одговори дека неговиот бил полош. Емоционалниот манипулатор се грижи само за себе и нема да ви пружи утеха ако лошо се чувствувате.

6. Го менува своето однесување кога ќе сфати дека ви е доста

Емоционалниот манипулатор знае да почуствува дека вашето трпение е при крај и размислувате за прекин на врската. Тогаш станува неверојатно драг и шармантен, дури се извинува за се, но ако му успее да ве придобие, тогаш се враќа на старо.

Ивор: Kukuriku.com.mk

Популарно