(Фото) Во Грција се појави една од најопасните медузи

Во грчките води, во Егејското и Јонското море, има инвазија на виолетова медуза или „Pelagia noctiluca“, а експертите го обвинуваат порастот на температурата на морето, како и претераниот риболов. Виолетовите медузи се забележани во голем број во централното и северното Егејско Море, во Саронскиот Залив во близина на Атина, како и на неколку острови во Јонското Море. Меѓутоа, проблемот не е само грчки, бидејќи го зафаќа целото Средоземно Море – пишува „Keep Talking Greece“.

Грчката опсерваторија за биодиверзитет (Biodiversity Biodiversity) објави мапа на која се прикажани областите и плажите каде што се наоѓаат медузи. Картата постојано се ажурира, а корисниците можат да додадат во листата на плажи каде што виделе медузи.

Виолетовата медуза сега се појави во Јонското и Егејското море, еден од најопасните видови на Медитеранот поради силниот невротоксин што го има, а се пренесува со убоди.

Изгорениците на овие медузи се многу болни. Доколку имате контактот со нив, бидејќи се појавуваат во јата, може да покрие повеќе од половина од телото, тогаш е неопходна хоспитализација. Тие ослободуваат невротоксини, па на кожата се појавуваат отоци, болни изгореници и осип, а оние со преосетливост може да имаат и срцеви проблеми, тахикардија, пад на притисокот, силни главоболки, дијареја, бронхоспазам, гушење и повраќање.

Сега нивната појава е честа поради промената на климатските услови и зголемувањето на температурата на морето, а претходно беше забележана во интервали од 10-ина години.

Засега предупредувањето за виолетова медуза се однесува на туристи кои летуваат или планираат да летуваат на Кефалонија, Закинтос, Крф, Пелопонез, но и да ги посетат Паксос и Антипаксос. Локалните медиуми на големо пишуваат дека се забележани и на плажите во Атина. Се предупредуваат капачите да не влегуваат во водата.

– Не очекувавме дека летово ќе има толку многу виолетови медузи кои минатото лето беа локализирани само во помали делови од Егејското Море, за летово да се прошират на целото Средоземно Море и Јонското Море. Ја следиме ситуацијата и чекаме да видиме што ќе се случи на Јадранското Море – изјави за ТВ Скај Христос Таклис, морски биолог и менаџер на грчката опсерваторија за биодиверзитет.

Тој објасни дека од Италија пристигнале во потрага по потопла вода, бидејќи се хранат со планктони. Овој вид медуза досега беше присутен во Медитеранот, главно во близина на шпанскиот и италијанскиот брег.

Како да го третирате каснувањето?

Кога ќе ве изгори медуза, која било од нив, прво треба да ја отстраните ако остане на кожата и веднаш со кружни движења изгореното место добро да го истријте на брегот со песок за да ги извадите остатоците од медузата. Потоа добро исплакнете со морска вода, па нанесете ја кремата од грчкиот лек „fenystil“. Повторете го нанесувањето на кремот. Може да се земе и антихистаминска таблета.

Местото на изгореницата треба да се завитка цврсто со завој и во никој случај не смее на него да се нанесува оцет, свежа вода, алкохол или амонијак.

Доколку имате други проблеми освен чешање и печење, веднаш посетете лекар.

Ве касаат многу комарци? Еве зошто е тоа така

Колку и да се трудат да ги избегнат комарците и да користат разни препарати, некои луѓе едноставно се магнет за овие напади. И постои добра причина зошто е тоа така. Неколку фактори влијаат на тоа дали комарците ве напаѓаат или да ве заобиколуваат.

Ги привлекува мирисот на кожата

Мирисот на кожата на кој реагираат комарците зависи од нивниот вид. Жолтите и тигрестите комарци реагираат на млечна киселина, додека видот „Anopheles“ ги привлекува масна киселина.

Мешавината од хемикалии и мириси навистина зависи од вас. Шминка, козметика, исхрана, pH на кожата, сите овие работи сочинуваат мешавина од хемикалии, така што вашиот мирис всушност зависи од вас и од тоа што користите и јадете.

Ги привлекува здивот

Важно е да се напомене дека комарците ги следат луѓето по мирис.

- Женките-комарци ги вклучуваат сите свои сетила кога одлучуваат дали сакаат да каснат некого. Јаглерод диоксидот што луѓето го издишуваат заедно со различни хемикалии создаваат мирис што комарците го мирисаат дури и кога се на 30 метри оддалеченост од луѓето - вели биологот Барт Ноулс, кој ги проучува комарците.

Температура на телото и испарување на водата

Нашите тела испуштаат топлина, а количината на вода што испарува од површината на кожата зависи од температурата на околината. Како што ни се приближува комарецот, може да го открие испарувањето на водата. Ова може да игра одлучувачка улога во тоа дали сме привлечни за комарците.

Една студија покажа дека комарците одат до блиските извори на топлина кои се нивните идеални температури. Секој човек ослободува повеќе од 300 различни хемикалии од кожата, а дури 100 од нив се во здивот. Постојат различни теории за тоа зошто една личност е попривлечна за комарците, а многумина велат дека тоа е затоа што имаат „слатка“ крв.

Некои, исто така, веруваат дека земањето витамин Б и лук ги прави луѓето помалку привлечни за овие инсекти.

Неколку совети, како да се заштитите

Ќе ја излади кожата и ќе ја смири работата, но обидете се да не претерувате со количината…

Каснувањето од комарец може да биде многу непријатно, да чеша и иритира. Чешањето е често неподносливо и има многу црвенило. Сепак, постојат неколку трикови за борба против убодот од комарец.

Коцка мраз

Имунологот др. Пајел Гупта предупредува дека со чешањето не добивате ништо, туку само го зголемува ризикот од инфекција бидејќи местото на убодот го отворате за бактериите од вашата околина. Таа сугерира дека алкохолот е ефикасно средство во борбата против убодот од комарец, кој треба да го втриете на местото на каснувањето.

Дополнително, докторката советува дека коцката мраз е многу ефикасна и го намалува воспалението и чешањето.

Таа истакнува дека кремите против чешање се многу ефикасни, бидејќи ги намалуваат иритациите и воспалението, но дека алкохолот е далеку поефикасен. Ќе ја излади кожата и ќе ја смири работата, но обидете се да не претерувате со количината за да не ја иритирате и исушите кожата.

Ладна вода

– Местото на пункција можете да го измиете и со ладна вода и сапун, за ублажување на чешањето – заклучила др. Гупта.

Покрај ова, постојат многу ефикасни начини да се заштитите од комарци, а еден од нив е и јаболковиот оцет. Со него сигурно ќе бидете мирни.

Козметички салон од Загреб објави наградна игра која предизвика бура коментари

Многумина го нарекоа потегот на салонот „невкусен“ и „сексистички“, а помеѓу првите кои јавно ја изразиле својата згрозеност од ситуацијата е инфлуенсерката и водителка Нина Слишковиќ Голеш.

„Не дозволувајте некој да ве убеди дека задникот е поважен од она што го носите во главата“, порачала таа.

Меѓутоа, од козметичкиот салон изреагирале и на изјавата на Нина и дополнително ја згрозиле јавноста:

„Ви благодариме што не освестивте бидејќи ние мислевме, како што вие убаво и префинето велите, дека „задникот е многу побитен од главата“. Иако признавам, не би ви наштетил некој третман кај нас“, напишала сопственичката на салонот, на што Голеш возвратила: „Малку е тажно и по интервенциите од неколку личности, таа се уште пропушта што е проблематично во оваа приказна“, порачала водителката, а многу жени ја поддржале.

„Кој воопшто помиалил дека ова е добра идеја?“, „Сега ќе фотографираат некоја жена неколку месеци по породувањето за допоолнително да ѝ набијат комплекси што „се уште не се вратила во форма“. Ова не е нормално. И секако, никој не фотографира мажи со пивски стомаци. Не велам дека треба, и тоа би било болно, но секогаш се жените на тапет“, гласат дел од коментарите на социјалните мрежи.

Како да заспиете за само една минута?

Дали поради стрес од настаните во текот на деност, дали поради премногу кофеин, или поради непогодени температурни услови – голем дел од нас буквално се мачат за да заспијат. Но, сепак постојат методи за да се „хакне“ заспивањето.

1.Заспивање за 10 секунди

Забелешка: Целата вежба трае 120 секунди, од кои последните 10 ве заспиваат.

Ова е популаризирано како „војнички метод“. Пред-училиштето за пилоти на Воените сили на САД го измислиле овој метод, за да им помогнат на пилотите да заспиваат за 2 минути. На пилотите им биле потребни по 6 недели за да го усовршат, но функционирал – дури и по пиено кафе и со звуци на огнени оружја во позадината.

Методот

Релаксирајте го целото лице, вклучувајќи ги мускулите во устата.

Релаксирајте ги рамената и рацете нека ви бидат од страните на телото.

Издишете, релаксирајќи го градниот кош.

Релаксирајте ги нозете, бутовите и листовите.

10 секунди замислувајте релаксирачка сцена (облаци, ледина…)

Ако ова не функционира, 10 секунди пополека кажувајте си: „Не мисли“.

Во наредните 10 секунди, би требало да заспиете.

Ако ова не ви функционира, работете повеќе на дишењето и релаксацијата на мускулите.

2. Заспивање за 60 секунди преку 2 методи

4-7-8 метод на дишење

Одделете ги малку усните и испуштете слаб звук на издишување.

Затворете ги усните и вдишете тивко, низ носот. Избројте до 4 во главата.

Чувајте го здивот 7 секунди.

Издишувајте како на точка 1, во траење од 8 секунди.

Комплетирајте го овој циклус со 4 вакви круга. При четвртиот круг веќе би требало да заспивате.

Прогресивна релаксација на мускули (ПРМ)

Подигајте ги веѓите највисоко што можете, во траење од 5 секунди. Ова ќе ги зацврсти мускулите на вашето чело.

Веднаш потоа, релаксирајте ги челните мускули и осетете како се намалува тензијата. Почекајте 10 секунди.

Насмевнете се широко за да креирате тензија во образите. Држете ја насмевката 5 секунди. Релаксирајте ја.

Паузирајте 10 секунди.

Затворете ги очите најсилно пто можете. Држете ги така 5 секунди. Релаксирајте ги.

Паузирајте 10 секунди.

Навалете ја главата наназад доволно за целосно да го гледате плафонот. Држете ја така 5 секунди. Релаксирајте го вратот.

Паузирајте 10 секунди.

Вакви затегнувања и релаксирања правете со секој мускул надоле по телото, сѐ додека не заспиете.

Популарно