Баба Ванѓа предвидела уште една пандемија за 2022 година

Слепата јасновитка Вангелија Гуштерова, попозната како Баба Ванѓа, немала толку позитивни пророштва за 2022 година. Имено, пророчицата која го изгубила видот на 12 години, како што се тврди, предвидела природни катастрофи, водна криза, глад и нова пандемија во 2022 година.

Исто така, таа предвидела дека во 2022 година, виртуелната реалност наводно ќе ја преземе контролата врз луѓето кои поминуваат повеќе време од кога било пред екраните, односно кои ќе живеат повеќе во виртуелниот отколку во реалниот свет.

Понатаму, за 2022 година, таа наводно предвидува уште една пандемија, овој пат во Сибир, предизвикана од замрзнат вирус кој ќе се ослободи поради топењето на снегот и мразот под влијание на климатските промени.

Исто така, предвидува дека многу градови ќе бидат погодени од недостиг на вода со големи политички последици бидејќи земјите се принудени да најдат алтернативи.

Таа предвидува и глад во Индија, каде температурите наводно ќе достигнат 50 степени, предизвикувајќи скакулци да ги напаѓаат земјоделските култури. Земјата ќе биде погодена и од земјотреси и цунами.

Нејзините визии за 2023 година, наводно, вклучуваат промени во орбитата на Земјата, астронаути кои патуваат до Венера во 2028 година, муслимани кои владеат со Европа во 2043 година и крајот на универзумот во 5079 година.

Таа предвидела дека во 2046 година, луѓето ќе живеат повеќе од 100 години, благодарение на технологијата за трансплантација на органи. Од 2100 година, таа веруваше дека ноќта ќе исчезне и вештачката сончева светлина ќе осветли уште еден дел од Земјата.

Многу луѓе веруваат дека предвидувањата на Баба Ванѓа продолжуваат да се остваруваат по нејзината смрт во 1996 година. Од друга страна, некои мислат дека нејзините предвидувања се само празни приказни.

Вештачката интелигенција би можела да доведе до изумирање на човештвото

Вештачката интелигенција може да доведе до исчезнување на човештвото, предупредија експерти, вклучително и директорите на истражувачките лаборатории за вештачка интелигенција „ОпенАИ“ (OpenAI) и „Гугл дипмајнд“ (Google Deepmind), додека десетици други ја поддржаа изјавата објавена на веб-страницата на Центарот за безбедност на вештачката интелигенција.

Во изјавата се наведува дека ублажувањето на ризикот од истребување од вештачката интелигенција треба да биде глобален приоритет заедно со другите општествени ризици како што се пандемиите и нуклеарната војна. Додека други експерти тврдат дека стравовите се претерани.

Таа изјава беше поддржана од извршните директори на производителот на „ЧетГПТ ОпенАИ“, Сем Алтман, на „Гугл Дипмајнд“, Демис Хашабис и на „Антропик“ (Antropic), Дарио Амодеи.

Додека за професорот од Њујоршкиот универзитет Ијан ЛеКун, кој заедно со Хинтон Бенџо важат за „кумови на вештачката интелигенција“, таквите апокалиптични предупредувања се претерани.

Многу други експерти на сличен начин веруваат дека стравувањата дека вештачката интелигенција ќе го уништи човештвото се нереални и го одвлекуваат вниманието од прашања како што е пристрасноста во системите, кои веќе се проблем.

Компјутерски научник од Универзитетот Принстон, Арвинд Нарајанан претходно изјави дека сценаријата за катастрофа слични на научна фантастика се нереални.

– Сегашната вештачка интелигенција не е ниту блиску до доволно способна да ги материјализира овие ризици. Како резултат на тоа, се свртува внимаието од краткорочните штети од вештачката интелигенција, посочи Нарајанан.

Медиумското покривање zа наводната „егзистенцијална“ закана од вештачката интелигенција се зголеми од март 2023 година, кога експерти, вклучително и директорот на Тесла, Илон Маск, потпишаа отворено писмо со кое повикува на запирање на развојот на следната генерација на технологија за вештачка интелигенција.

Во писмото се прашува дали треба да „развиваме нечовечки умови, кои на крајот би можеле да нè надмудрат и да не заменат“.

(Видео) Јутјубер уништил авион заради „слава“

Јутјубер кој намерно уништил авион заради внимание и повеќе интернет-прегледи, ќе се изјасни виновен за попречување на федералната истрага, со тоа што чистел на местото на несреќата, соопштија американските обвинители.

Тревор Џејкоб (29) во ноември 2021 година, полетал од Санта Барбара, Калифорнија, САД, опремен со камери поставени на авионот, падобран и селфи-држач. Јутјуберот е пилот и падобранец. Спорната видеоснимка од авионскиот судир ја објави на „Јутјуб“ во декември 2021 година, и таа собра повеќе од 2,9 милиони прегледи. Леталото паднало во Националниот парк Лос Падрес 35 минути по полетувањето.

Како дел од договорот за признавање на вината, тој призна и дека го направил видеото како дел од договор за спонзорство и реклама на производ. Тој сега се соочува со затворска казна до 20 години.

„Тој немал намера да стигне до својата дестинација, туку планирал да скокне од авионот во лет и да се сними како се спушта на земја со падобран додека неговиот авион се урива“, соопшти Обвинителството.

Џејкоб ќе се појави на суд наредниве недели. Нему лани му е одземена и пилотската дозвола. 

„Дали сум цар на мрежите“ – единственото прашање кое Коста им го поставува на лекарите во психијатриската клиника

Тој не покажал интерес за соучениците, ниту пак, трошка сочувство, а единствено што го интересира е колку е популарен.

Коста Кецмановиќ ниту во еден миг не се интересирал за жртвите, единствено му е важно дали станал популарен поради својот безумен чин.

Зборуваат ли за мене, дали јас сум крал на мрежите?

Ова се единствените прашања што Коста Кецмановиќ (13) им ги поставува на персоналот на Клиниката за неврологија и психијатрија за деца и млади, каде што е сместен откако минатата среда уби осум соученици и чувар, дознава српска Република.

Според изворот на порталот од установата во која е сместен, тој не покажал интерес за соучениците, ниту пак, трошка сочувство, а единствено што го интересира е колку е популарен.

„Секој ден барем еднаш прашува што се случува надвор, дали зборуваат за него, што зборуваат, особено на социјалните мрежи. Го држи некоја возбуда, се уште воопшто не е свесен што направил – вели соговорникот на српскиот портал.

Коста е под будното око на персоналот. По пристигнувањето со него разговорале конзилиум на лекари, а имал прегледи и другите денови. Сепак, тој сè уште не покажува знаци на каење за убиството на своите школски другари, како што не покажа ни за време на неговото сведочење.

Момчето што го изврши масакрот во Основното училиште „Владислав Рибникар“ во Белград, цел месец го подготвувал суровиот план, како што самиот изјавил, и што се покажало по прегледот на неговиот телефон. Имено, како што било утврдено, тој на интернет го пребарал Кривичниот законик на Србија за да истражи дали децата можат кривично да одговараат. Бидејќи во јули ќе наполни 14 години, тој го забрзал целиот план. Исто така, како што беше утврдено, ноќта пред масовното убиство, тој гледал американски блокбастер за масакр во училиште во Америка.

Популарно