Вучиќ синоќа бил предупреден, ако го нападне Косово, воените авиони на НАТО ќе реагираат за неколку часа!

Српскиот претседател Александар Вучиќ во неделата навечер доби јасна порака од НАТО преку офицер на Генералштабот.

Така изјави Томас Тејнер, поранешен припадник на италијанската армија и „експерт за прашања од Студената војна“ и одбранбената стратегија на Алијансата.

Тој се осврна на настаните што се случија на северот на Косово, поточно на косовско-српската граница по предупредувањата од Владата на Косово дека од денеска (01.08.2022) ќе се спроведува реципроцитет со Србија за регистарски таблички и лични карти.

„Мислам дека офицерите на Генералштабот на Србија синоќа му објаснија на претседателот Вучиќ дека доколку се осмели да го нападне Косово, воените авиони на НАТО ќе реагираат за неколку часа…“, напиша Тејнер првично на Твитер.

Така, според него, во рок од 48 часа 173-та воздушно-десантна бригада на американската армија би била транспортирана на аеродромот во Приштина, додека падобранската бригада на италијанската армија „Фолгоре“ би била транспортирана до аеродромот во Ѓаковица (изграден од Италијанската армија за оваа намена).

Тејнер на Твитер дополнително нагласи дека еден ден подоцна ќе биде активирана механизирана бригада на италијанската армија „Пинероло“, лоцирана во Бари и неговата околина, која ќе биде испратена од III поморска дивизија на италијанската морнарица со нејзините бродови Бриндизи до Драч за два дена.

Од Драч до Митровица, додава тој, „Freccia IFVs“, борбените возила на моторизираната бригада Пинероло и уништувачите на тенкови Кентауро – би требало да стигнат шест часа – благодарение на автопатот А1 кофинансиран од Западот.

Накратко, заклучува овој експерт, НАТО има направено планови и тренира за заштита на Косово 23 години.

„Ако Србите некогаш отидат и нападнат, силите на Алијансата ќе „реагираат“ во воздух за неколку часа, а на земја за неколку дена.

Најмалку три лица загинаа во железничка несреќа во Хрватска

Најмалку три лица загинаа, а 11 се повредени кога се судрија патнички и товарен воз во централниот дел на Хрватска.

Судирот се случил синоќа, околу 21:30 часот по локално време, во близина на градот Новска, кој се наоѓа блиску до границата на Хрватска со Босна и Херцеговина.

– Ударот беше огромен, рече хрватскиот премиер Андреј Пленковиќ, кој на местото на инцидентот отиде заедно со други владини претставници. Пленковиќ потврди дека на местото на инцидентот се пронајдени тела на три лица, но рече дека може да се откријат уште жртви во утринските часови, пренесе ТВ „ТРТ“.

Повредените се хоспитализирани, бидејќи некои од нив се со тешки повреди, но никој не е во животна опасност, додаде тој. Како што дознава Индекс, патничкиот воз се движел со брзина од 100 км/ч кога налетал на воз во дефект.

Возот, наводно, поминал на црвено светло пред да удри во запрен товарен воз со полна брзина. На местото на несреќата е Томислав Антун Бибер, главен истражувач за железнички несреќи од хрватската Агенција за истражување на несреќи во воздушниот, железничкиот и поморскиот транспорт.

– Очигледно е дека патничкиот воз удрил во товарниот воз, кој бил во дефект. Според некои информации, патничкиот воз не застанал на сигналот за застанување“, изјави Бибер за „ 24сата“. Истрагата ќе утврди зошто возот не застанал.

Силен земјотрес рано утрово го погоди популарното грчко летувалиште

Земјотрес со јачина од 4,3 степени според Рихтеровата скала ја погоди Лефкада.

Геодинамичкиот институт на Националната опсерваторија во Атина соопшти дека земјотресот се случил на оддалеченост од 287 километри западно/северозападно од Атина.

Епицентарот на земјотресот бил лоциран во морското подрачје на осум километри западно/југозападно од градот Василики Лефкада.

Европско-медитеранскиот сеизмолошки центар соопшти дека земјотресот бил со интензитет од 5,2 степени според Рихтеровата скала, но грчките податоци покажале дека бил послаб – 4,3 степени.

Лефкада е грчки, јонски остров, многу популарен меѓу туристите.

Балканот во ШОК: Баба го шета внукот врзан со синџир како куче

Сцена од улиците на Суботица шокираше и згрози многумина, на која се гледа како баба го шета својот внук врзан со синџир околу вратот.

Таа тврдела дека по негово барање си играла со внукот и дека тој самиот и го врзал синџирот околу вратот.

Жената не сакала да се претстави, но мајката на момчето ги потврдила зборовите на нејзината мајка. Изјавите на бабата ги потврдијле и блиските продавачи.

Дури и ако изјавите на оваа баба се вистинити и тоа е само „игра“ на која инсистирал нејзиниот внук, може да стане многу опасно и непредвидливо, за што момчето на сликата секако не е свесно.

Во коментарите луѓето ја осудија оваа постапка на бабата, но и мајката која ја оправдала.

Популарно