Четири знаци дека имате работа со емотивен манипулатор

Многу е тенка линијата меѓу партнер кој се однесува заштитнички кон вас или е доминантен и презема контрола над вашиот живот, без да сте свесни за тоа. Препознајте ги на време знаците кои откриваат дека сте во врска со манипулатор.

„Иако жените умеат да бидат посесивни, мажите се склони да бидат насилни ако почувствуваат дека им е загрозен љубовниот живот“, тврди д-р Луен Бризендин, професорка по клиничка психологија на Универзитетот во Калифорнија.

Проблемот обично почнува со нежни предупредувања, па по некое време се претвораат во преземање контрола, а партнерот може да стане и насилен.

Вака мажот манипулира со вас, ги открива вашите слаби и болни точки па кога ќе ве фати во момент на слабост ќе се постави како најпрекрасната личност во светот и ќе ве увери дека сите се против вас, а тој единствено ве штити. Важно му е да ве изолира, па целосно да зависите од него, често ќе ги оцрнува вашите најблиски и пријателите, за да ве оддалечи од нив.

Кога ќе сфатите дека не е воопшто фин, ќе биде доцна. Но, постојат знаци кои откриваат вакво однесување. Првиот и најсомнителен знак е ако ги прислушува вашите разговори или ве испитува за бројот кој ве повикал или на кој сте се јавиле.

Сомнително е и ако постојано ве набљудува како се однесувате во друштво и често ве обвинува дека флертувате со некој кој ве насмеал со шега. Постојано ве обвинува дури и ако поразговарате со пријател од детството.

Бидете внимателни, не е нормално да очекува дека целиот ваш живот постојано се врти околу него.

Овие четири знаци говорат дека си имате работа со манипулатор:

Колку вам ви е полошо, нему му е подобро

Колку вам ви е понезгодно во друштво, тој е позадоволен и се чувствува сакано. Тој е вашиот човек за сè.

Сè што прави ве збунува

Еден момент е грижлив, веќе во следниот миг е бесен бидејќи не е по негово и се уверувате себеси да го занемарите тоа, бидејќи многу „ве сака“.

Или сте со него или сте против

Ако одлучите да минете време со некој друг ќе ве натера да се чувствувате лошо бидејќи го „игнорирате“.

Емоционална манипулација

Ако вашиот партнер е некој покрај кого се чувствувате лошо, се плашите да го прашате нешто или да му кажете бидејќи не знаете како ќе реагира, можеби станува збор за емоционален насилник. Таквиот човек без причини ќе ви одржи предавање во кое ќе ги наброи вашите маани и ќе ве прогласи за глупави или неспособни, сакајќи да ја уништи вашата самодоверба. Ако сакате да го напуштите може да падне на колена и да се извини за повторно да ве придобие. Но, тоа ќе трае кратко и до првата прилика за ново емоционално манипулирање.

Внимавајте овие апарати за домаќинство трошат многу струја

Се проценува дека оние кои поседуваат нови апарати за домаќинство трошат дури 50 отсто помалку струја. При купувањето уред не треба да се води сметка само за цената, бидејќи поскапите во повеќето случаи се поефикасни од поевтините.

Фрижидерите и замрзнувачите се големи „јадачи“ на енергија. Кога купувате, треба да обрнете внимание на неколку фактори: големина, карактеристики и ефективност. Има посебен акцент на големината. Поголемите фрижидери исто така трошат повеќе. Проценетата големина на фрижидерот за едночлено домаќинство е 100-140 литри простор, а за четиричлено домаќинство може да се користат 50 литри по лице од истиот простор. Оптималната температура на фрижидерот е седум степени. На таа температура, храната ќе биде доволно изладена, а потрошувачката на енергија ќе биде помала отколку на пониски температури.

Вториот најголем потрошувач на енергија е машината за перење. Корисен совет е да барате машини кои имаат можност за прилагодување на потрошувачката на вода, бидејќи тие исто така штедат електрична енергија. Подобро е да се избегнува миење на високи температури. На пример, миењето на 95 степени е непотребно. Денешните детергенти за перење ги отстрануваат дамките на температури од 30 или 40 степени, а само за екстремно валкани алишта можете да ја поставите машината на максимални 60 степени. Намалувањето на температурата при перење алишта ја намалува и потрошувачката на струја за една третина.

Машината за сушење алишта е уште еден уред кој троши големи количини на енергија. Се препорачува алиштата да се исушат природно. Ако тоа не е можно, треба да обрнете внимание на неколку работи. На пример, потрошувачката на енергија е помала кога се сушат алиштата со 1200-1400 вртежи во минута. Ако купувате машина за сушење, размислете да купите машина со сензор за влажност. Имено, тој тип на машина за сушење автоматски се исклучува откако ќе се достигне одредено ниво на сувост на алиштата.

За машината за миење садови важат истите правила како и за алиштата – пониска температура, помала потрошувачка. Оптималната температура за миење садови е 50 степени.

Шпоретите на плин се сметаат за најдобар уред за потрошувачка на електрична енергија бидејќи трошат дури 30 проценти помалку енергија од конвенционалните. Ако ја додадете употребата на шпорет под притисок, потрошувачката на електрична енергија е 60 проценти помала во споредба со стандардните тави.

Лаптопот троши помалку електрична енергија од класичниот компјутер.

Компјутерите се следниот голем потрошувач на електрична енергија. Ако сакате да купите компјутер, размислете за лаптоп, бидејќи троши помалку енергија од класичен компјутер.

Јосип: Три години немав покачување, а Германците веднаш ми дадоа 2.500 евра

Јосип Хорват од Ивановац три години во својата земја не можел да добие покачување од 400 куни, односно коефициент кој му следува за работното место, кое било специфично, а во Германија веднаш добил 2500 евра плата.

Но, објаснува дека на Германците им било потребно помалку од еден час време за да сфатат колку вреди неговото искуство, сертификати и знаење, пишуваат хрватските медиуми.

Се пријавил за работно место заварувач во Германија, по што му понудиле 12 евра по работен час, но откако кажал дека знае германски јазик, сумата скокнала на 18 евра.

Но, тука не завршило, откако раскажал колкаво работно искуство има, крајната сума била 20 евра.

По три месеци за работен час почнале да му исплаќаат по 24 евра, а му понудиле и од 200 до 400 евра помош за плаќање на стан.

Хорват вели дека работата е физички тешка, но се работи со нормално темпо, без брзање и притисок.

Тој работи во голема фирма, која извезува во Америка и има 300 вработени.

„Овде се смета за штета ако фирмата не искористи нечие знаење и вештина“ – вели тој.

За секој бравар, монтер или заварувач кој ќе го однесе од Хрватска во Германија, газдата му нуди од 200 до 300 евра.

Видео: Последните зборови на еден татко кој своето срце му го подари на неговиот син

Бидејќи времето истекувало многу брзо, а семејството немало толку финансии, колку што биле неопходни за операцијата, самиот татко решил да го подари своето срце на неговиот сакан син.

Таткото во ниту еден момент не се посомневал во својата храбра одлука.

Во еден момент, синот го прашал својот татко: -Тато, а што ќе ми подариш за следниот роденден?

Тогаш таткото решил да му напише писмо на својот син, насловено со зборовите „Ти го подарив моето срце“.

Ова е една многу трогателна, а воедно и поучна случка за многу луѓе. Бидејќи колку многу пари се трошат на бескорисни работи, а овој човек ја немал потребната сума од која зависел нечиј живот, па според него, го направил најразумниот чекор. Еве кои биле последните зборови на таткото, кои ги напишал во писмото наменето за неговиот син:

„Здраво сине, Ти најдов ново срце… Едноставно посакав да ти кажам неколку нешта. Сакам секогаш да ја слушаш твојата мајка, бидејќи таа е твојата најдобра пријателка и бидејќи семејството е многу важно.

И девојките…Сè уште си мал за нив, но кога ќе дојде време и за тоа, однесувај се кон нив како кон принцези. И доколку си рекол нешто, и доколку си ветил нешто, направи го тоа, бидејќи твојот збор мора да вреди.

И доколку имаш можност да заработиш пари, искористи го тоа, дури и ако тоа понекогаш значи да ја наведнеш главата.

Не биди глупак како татко ти. Сè ќе биде многу полесно, доколку имаш пари. Не пуши цигари, не консумирај наркотици, секогаш обиди се да бидеш добар и чесен човек.

Доколку некој се обиде да те повреди, биди маж и заштити се. И внимавај лошите денови да не те скршат. Во животот има многу убави нешта.

Јас секогаш ќе бидам овде до тебе. Точно тука (посочува кон срцето). Ќе се видиме подоцна сине.

Те сакам! “

Популарно