Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат „режимот на летање“, јавува Би-Би-Си.

Европската комисија одлучи дека авиокомпаниите ќе можат да обезбедуваат услуги за „5Г“ технологија во авионите.

Ова би можело да значи дека од патниците повеќе нема да се бара да го менуваат режимот на работа на телефонот, иако сè уште не е јасно како ќе се спроведе одлуката.

Крајниот рок за членките на ЕУ да обезбедат опсег на фреквенција „5Г“ за авионите е 30 јуни 2023 година.

Новата одлука значи и дека патниците ќе можат да остваруваат повици за време на летот, како и да користат апликации за емитување музика и видеа.

Европскиот комесар за внатрешен пазар Тиери Бретон рече дека новиот план „ќе овозможи иновативни услуги за луѓето“ и ќе им помогне на европските компании да растат.

„Небото повеќе не е граница кога се во прашање можностите што ги нуди брзата конекција на голем капацитет“, рече Бретон.

Како се препознаваат скриени камери со мобилниот телефон?

Мобилните телефони добиваат разни нови опции функции од година в година, па денес една од нив е и препознавањето скриени камери.

Како да проверите дали вашата мобилна камера може да открие инфрацрвена светлина? Со далечинскиот управувач на телевизорот. Просто, се вклучува камерата и се насочува кон предната светилка од далечинското. Притиснете некое копче на него и набљудувајте го екранот на телефонот. За да можат да снимаат при слаба или без услови на осветлување, на пр. камерите за надзор го користат инфрацрвениот спектар светлина. Човечкото око не може да го види, но камерата од телефонот – може, понекогаш.

Ако мобилниот уред може да детектира инфрацрвена светлина, таа на екранот ќе се прикаже како трајна или како испрекината светлина.

Ако пак, задната не може да го прави тоа, треба да се обидете и со предната камера.

Откривањето инфрацрвена светлина со камерата на вашиот телефон е корисно при проверување за скриена камера со „Ер-БНБ“ или друго приватно сместување, а за коешто честопати се покажува дека не е доверливо. Во такви соби, просторијата се затемнува што е можно повеќе, се пушта камерата на телефонот, Ð ° потоа следи подробно прегледување на просторот.

НЕВЕРОЈАТНО: На овој ГОЛФ ништо не му можат ни куршуми!

Добро познатите возила „Volkswagen Golf“ важат за исклучително издржливи возила, но она што е новитет на пазарот за автомобили ретко кој би го очекувал. Станува збор за нов производ на компанијата Armorax“ од Јужноафриканската република.

Преработениот „Golf“ може да издржи напади од повеќето пешадиски вооружувања кои најчесто се користат во текот на напади и обиди за киднапирање. Станува збор за степен на заштита „B4“, кој дава основна заштита од пиштол и пушка.

Овој Golf“ по преработката тежи само околу 180 килограми повеќе, па нема последици по прашањето за перформансите, а не се потребни ни модификации на суспензијата и сопирачките. Најдобро од се е тоа што автомобилот изгледа како обичен „Golf“ без оклоп и како таков не се истакнува на патот.

Тројцата кинески астронаути успешно се вратија на Земјата

Тројцата кинески астронаути денеска успешно се вратија на Земјата по шестмесечна мисија на вселенската станица Тијангонг, соопшти Кинеската вселенска агенција.

Екипажот, кој од почетокот на јуни беше на кинеската вселенска станица, се приземји во базата Донгфенг во Внатрешна Монголија, во северна Кина во 20:09 часот по пекиншко време, информираше вселенската агенција.

Според медицинскиот персонал, тројцата астронаути меѓу кои е и една жена се чувствуваат добро. Тројцата астронаути од мисијата Шензоу-14, командантот Чен Донг, првата кинеска астронаутка Лиу Јанг и Каи Ксуже, биле задолжени за надзор на последната фаза од вселенската станица што треба да биде круната на амбициозната кинеска вселенска програма.

Популарно