„Аватар 2“ заработи над милијарда долари за само 12 дена

„Аватар 2: Патот на водата“ достигна милијарда долари заработка само 12 – 13 дена откако се појави во кината ширум светот. Според последниот податок, остварувањето има вкупно 1,03 милијарди долари на својата сметка.

Продолжението на најуспешниот филм на сите времиња од 2009 година, „Аватар“, се прикажува од 16 декември, а по вториот викенд во кината ја достигна границата од милијарда долари. За неполни две седмици прикажување, тој стана третиот филм со најголема заработка во 2022 година, зад „Топ ган: Маверик“ и „Јура свет: Доминион“.

Така, вториот дел би можел многу наскоро да ја надмине вкупната заработка на првиот „Аватар“ филм, којшто има заработено над 2,9 милијарди долари, што го прави филм со најголема заработка на сите времиња.

Просечната оценка на ИМДБ за продолжението, од околу 140.000 гледачи, е 8 / 10.

Дејството се случува 10 години по настаните од првата приказна. Режиран од Џејмс Камерон, а продуциран од него и Џон Ландау, во филмот глумат и Сем Вортингтон, Зои Салдана, Сигурни Вивер, Стивен Ланг и Кејт Винслет. За сценариото се заслужни Камерон, Рик Јафа и Аманда Силвер.

Џенифер Гарнер во нова семејна комедија

Џенифер Гарнер и Ед Хелмс глумат во новата божиќна комедија „Family Switch“. Филмот пристигнува на 30 ноември, а официјалниот трејлер објавен на Јутјуб има речиси три милиони прегледи.

Приказната е заснована на детската книга „Време за спиење за мама“ (Bedtime for Mommy) од Ејми Круз Розентал, од 2010 година. Се раскажува за семејството Вокер каде што се случува хаос неколку дена пред Божиќ, кога „ретка вселенска појава“ ги заменува душите во телата на родителите и децата - тинејџери, а во куќата има и куче...

Филмот е режиран од Џозеф Мекгинти Никол, попознат како „Мекги“, според сценарио на Адам Штикирлс и Викторија Строус. Во филмот играат и Ема Мајерс, Брејди Ноун, Матијас Швејфер и Рита Морено.

(Видео) Објавен трејлерот за филмот за Џеј Рамадановски

Објавен е првиот трејлер за филмот „Недела“ кој ја следи животната приказна на легендарниот изведувач на народна музика Џеј Рамадановски, кој почина на 6 декември 2020 година од срцев удар.

Инспириран од вистински настани, филмот ја раскажува приказната за Џеј од неговата најрана младост до големиот успех што го постигнал.

Иако немал лесно детство, кое во најголем дел го поминал на улица или во поправен дом, Џеј успеал да го заземе своето место на музичката сцена и преку своите песни да стане дел од животот на многумина.

Откако на крајот на 2021 година беше најавено дека ќе се снима филм за легендата на народната музика, српските медиуми објавија дека главната улога ќе ја има Хусеин Алијевиќ од поранешната група „Бит стрит“.

Видео: До крајот на годинава се очекува да излезе филм за подемот на Енцо Ферари

Биографскиот филм за Енцо Ферари ќе излезе пред крајот на годината, а трејлерот е веќе тука.

Ферари, кој се фокусира на приватниот живот на основачот на легендарниот бренд со фокус на неговото учество на трката Mille Miglia во 1957 година, главната улога ја толкува Адам Драјвер и неговата сопруга Пенелопе Круз.

Во 1957 година, Ferrari произведуваше друмски автомобили само една деценија и беше далеку од моќниот бренд каков што е денес. Компанијата беше блиску до банкрот, а учеството во Mille Miglia беше клучно за нејзиниот подем до успех. Во филмот играат и Патрик Демпси како Пјеро Таруфи, Џек О’Конел како Питер Колинс и Габриел Леоне како Алфонсо Де Портаго како тркачи.

Мајкл Ман го презеде директорското кормило. „Многу пати мислев дека овој филм е невозможно да се направи“, рече тој. „Потоа повторно го прочитав сценариото и повторно излезе она што беше магично и привлечно во него и секогаш останав целосно посветен на тоа.

Популарно