Швајцарската Амбасада во Скопје вработува

Moтиви Вработување, во име на Амбасадата на Швајцарија во Скопје, е во потрага по најдобрите кандидати за позицијата:

ОФИЦЕР ЗА НАЦИОНАЛНА ПРОГРАМА/ПОЛИТИЧКИ СОВЕТНИК

Амбасадата на Швајцарија во Скопје ја има севкупната одговорност, надзор и стратешко управување со  ~15 милиони евра годишно за програма за соработка во Северна Македонија. Повеќе информации за програмата можете да најдете на следниот линк: https://www.eda.admin.ch/countries/north-macedonia/en/home/international-cooperation.html

Најдобриот кандидат ќе има одговорност за развојот на портфолиото и управување со програмата, нејзиното спроведувањето, како и финансиското управување на избраните проекти под надзор на Шефот на мисијата/соработката. Тој/таа ќе биде задолжен и за следење и развој на контекстот од владина и политичка перспектива, како и за подготовка на извештаи и брифинзи.

Целосен опис на одговорности и критериуми, може да се најдат на:

https://www.eda.admin.ch/countries/north-macedonia/en/home/news/open-job-vacancies.html и

kariera.mk/swiss

Краен рок за аплицирање: 8 февруари 2023 година.

Датум на почеток: 1 мај 2023 година или порано.

Потребни документи: Заинтересираните кандидати кои ги исполнуваат критериумите да ја  испратат својата професонална биографија, мотивациско писмо  и најмалку две препораки на email: [email protected]

Забелешка: Им благодариме на сите апликанти за нивниот интерес, но само кандидатите кои ќе бидат земени предвид за позицијата ќе бидат контактирани за писмено и усно интервју.

Граѓаните ќе платат од 1400 до 1500 денари за замена на регистарските таблички со ознаката „NMK“

Замената на регистарските таблички со ознака МК со нова НМК (NMK) граѓаните треба да ја направат во овластени станици за технички преглед, а тоа ќе ги чини од 1400 до 1500 денари. Министерството за внатрешни работи деновиве информираше дека граѓаните и правните субјекти, односно сопствениците на возила дека заклучно со 12.02.2024 мора да извршат промена на регистарските таблички со ознаката МК со ознаката НМК (NMK).

-Сопствениците на возилата треба да поднесат барање за промена на регистарски таблици во овластени станици за технички преглед каде врз основа на барањето на шалтерот на МВР се поднесува барањето за промена на регистарски таблици и од страна на   референтот на МВР се издава нова сообраќајна довола  и нови регистарски таблици на трошок на сопственикот на возилото. Цената на сообраќајната дозвола е 200 денари, а цената на регистарските таблици е 1200 до 1300 денари во зависност од обликот на регистарската таблица, информираат од МВР.

Сопственикот на возилото треба да приложи сообраќајна дозвола и регистарски таблици и важечка лична карта или ако сопственикот е правно лице тековна состојба издадена од Централен регистар на Република Северна Македонија. Плаќањето се врши на пост терминал или на уплатница пп50. 

Согласно Законот за возила,  доколку возилото е во сообраќај  со поинакви регистарски таблици од пропишаните предвидена е глоба во износ од 100 евра во денарска противвредност.

Одложено судењето за „Беса Транс“

Поради отсуство на претставник на Царинската управа како сведок предложен од страна на Јавното обвинителство, денешното рочиште на судењето за „Беса Транс“ се одложи.

Следното рочиште е закажано на 1 мај.

Процесот го води судијата Ивица Стефановски, застапник на обвинението е јавниот обвинител Владимир Милошевски.

МВР од денеска ги затвора улиците околу црквата Св. Спас

Во пресрет на чествувањето на раѓањето на Гоце Делчев, од денеска до сабота во Скопје ќе има посебен сообраќаен режим. 

Министерството за внатрешни работи ја информира јавноста дека, од денеска, од 18.00 часот, поради најавениот настан за организирано чествување на раѓањето на македонскиот револуционер Гоце Делчев на 4 февруари, (сабота) во црквата „Св. Спас“ во Скопје, скопскиот Сектор за внатрешни работи ќе преземе засилени активности и мерки за подигнување на безбедноста околу местото на одржување на настанот, при што ќе се преземат мерки за посебен режим на сообраќајот.

-Притоа, од денеска за сообраќај ќе биде затворена улицата „Самоилова“, на потегот од улицата „Иљо Војвода“ (виадукт Самоилова) до крстосницата со улицата „Прохор Пчински“, а на 4 февруари (сабота) посебен режим на сообраќај ќе се спроведе на улиците „Лазар Личеновски“ и „Самоилова“, соопштуваат од МВР.

Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот. 

Популарно