Манекенката Кели Гарнер која боледува од рак и рагбистот Џереми Финлејсон направија свадба од соништата

Австралискиот рагбист Џереми Финлејсон (27) ѝ направи свадба од соништата на својата вереница, моделот Кели Гарнер (27), која боледува од рак на дебелото црево кој е во четвртиот стадиум.

Џереми и Кели се венчаа на интимна церемонија на плажата Тенисон во Јужна Австралија, пред дваесетина блиски пријатели и членови на семејството.

Со нив беше и ќерката Софија, која има скоро две години.

Кели првпат дознала дека има рак на дебелото црево на 25-годишна возраст, само три и пол месеци откако ја роди нивната ќерка Софија.

Таа една година одеше на хемотерапија, зрачење и операции, по што нејзините лекари сметаа дека карциномот ќе го снема засекогаш.

Но, во јануари таа дознала дека карциномот метастазирал и дека од дебелото црево се раширил и на нејзините бели дробови.

„Сакав да се омажам со мојата коса, пред да почнам да ја губам поради следната хемотерапија“, рекла манекенката по свадбата за австралиски The Advertiser.

Кели и Џереми почнале да разговараат што побрзо да направат свадба.

За три недели направиле план, а им помогнале и од моделинг агенцијата на Кели.

Затоа набрзина успеале да најдат локација, свештеник да ги венча, фустан, костум, цвеќиња.

На гостите им кажале дека ги канат на семеен пикник, а потоа ги изненадиле со романтична венчавка.

Според Џереми, Кели сакала свадбата да биде тивка, приватна и „изненадување за сите пријателите кои ќе присуствуваат“.

Церемонијата ја чувале во тајност, па дури ни нивната ќерка Софија (19 месеци) не знаела што се случува. Младенците велат дека им било страв дека може да каже некому нешто.

„Таа е дете што многу зборува. Затоа немаше идеја што се случува, само знаеше дека нејзините омилени луѓе ќе дојдат за време на викендот“, рекла Кели.

Advertiser пишува дека иако утрото на свадбата врнело, сонцето излегло во моментот кога Кели тргнала кон олтарот.

Таму, Џереми и Кели ги прочитале брачните завети што си ги посветиле еден на друг.

По романтичната венчавка, Кели рекла дека сака да има голема прослава во октомври, кога ќе заврши рагби сезоната во Австралија.

„Ќе направам сè да ја победам болеста и ќе бидам тука за мојот сопруг и за мојата ќерка“, рекла таа по свадбата.

Двојката има за цел да помогне во подигнувањето на свеста за опасноста од рак на дебелото црево кај младите луѓе, бидејќи честопати се смета дека ова е болест што ја добиваат само постарите луѓе.

Федералниот оддел за здравство на Австралија им испраќа покани за тестирање на рак на дебелото црево на сите Австралијци постари од 50 години, но Финлејсон сега јавно ги повикува и помладите луѓе да одат на колоноскопија ако мислат дека нешто не е во ред со нивниот дигестивен систем.

Кели, пак, признава дека е горда што слушнала за луѓето што ја користат нејзината приказна за да ги убедат своите матични лекари да им понудат колоноскопија.

Моделот само вели дека жали што не ги проверила своите дигестивни проблеми порано.

„Ако ги проверев сите проблеми со стомакот наместо само да мислам дека имам нетолеранција на лактоза, работите можеби ќе беа поинакви“, додава таа.

Прозорците ќе светнат со овој мал трик за чистење на стакло

Можеби сте навикнати да отстранувате разни дамки од прозорците со хемикалии кои се специјално дизајнирани за тоа, но пред да ги користите, не би било лошо да пробате еден трик. Особено ќе ви одговара ако сте останало без средство за чистење стакло.

Дамките на прозорците остануваат од различни причини.

Отпечатоците од прсти, капките дожд и трагите од бришење се особено видливи во сончевите  денови.

Доколку не се користат посебни средства, за чистење најчесто се користи алкохолен оцет, но и тоа не е трикот за кој зборуваме.

Се советува да користите омекнувач за бришење на прозорците. Освен тоа, потребни ви се само вода и крпа.

Само наполнете три четвртини од поголем сад со топла вода и ставете половина капаче од омекнувачот за облека во него.

Ако течноста изгледа кремасто, слободно додадете уште вода.

За бришење најдобро би било да користите крпа од микрофибер или магична крпа. Наводно, омекнувачот го спречува лепењето на прашината на прозорците, одржувајќи ги подолго чисти.

(Фото+Видео) Заробен во тело на бебе – има 27 години и 59 сантиметри

Манприт Синг е уникатен маж кој ина 27 години, висина од само 59 см и тежок е девет килограми.

И покрај изгледот, Манприт Синг е роден во 1995 година. Овој млад Индиец од Пенџаб дојде на овој свет со многу ретка состојба, која му го запре растот на 6-месечна возраст, правејќи го да изгледа како 2-годишно бебе.

Изненадувачки, за разлика од многу други лица со физички предизвик во Индија, Манприт се смета за бог и е обожуван од селаните. Луѓето доаѓаат од сите страни за да го сретнат, дури и да го допрат, мислејќи дека тој е реинкарнација на хинду бог.

Семејството на Манприт е многу сиромашно и никогаш не можело да си дозволи детални здравствени прегледи кои точно би ја утврдиле неговата состојба.

Но, со оглед на неговата градба, големи раце, големи стапала и полабава кожа, веројатно овој Индиец боледува од Ларонов синдром.

Луѓето кои страдаат од оваа ретка генетска болест не можат да произведуваат хормони за раст. Лекарите од целиот свет ја дадоа истата дијагноза од далеку, откако слушнаа како другите зборуваат за случајот на Манприт.

Покрај физичките ефекти, неговата состојба го спречила да се развие психички. На 27 години, младиот човек сè уште има ментална возраст како бебе и не може да зборува. Комуницира само преку крик и плачење.

Четкањето заби кај децата е важно од најрана возраст

Родителите честопати имаат проблеми со миењето на забите на своите деца. И додека некои не сакаат ни да ја погледнат во четката, други без страв и проблеми почнуваат да ги четкаат своите заби- но неправилно, што со тек на времето може да доведе до кариес или расипување на забите.

Според стоматологот Кирби Гудвајн од САД, кој со години работи со деца, постојат начини на коишто родителите можат лесно и брзо да ги научат своите малечки да ги мијат забите правилно. А, првиот негов совет е – почнете да ги четкате забите на децата од најрана возраст.

– Малите деца ја немаат фината моторика потребна за делотворно четкање или чистење со конец. Иако не е еден од најзабавните начини да ги научите децата да ги мијат забите, четкањето со помош на родителот е неопходно уште во почетокот. Почнете да му ги четкате забите на бебето веднаш штом ќе никне првиот заб, секако – со помош на мека четка за заби наменета за доенчиња, објаснува стоматологот.

Може и да му говорите, објаснувајќи му гласно што правите. Тој разговор секако ќе ја изгради основата за детето да почне самостојно да си ги четка забите подоцна, штом ќе порасне.

Следниот совет на лекарот гласи – покажете им како правилно се мијат забите со свој пример пред нив и, повторно, подробно објаснете што правите и зошто… Но, сѐ тоа со оптимизам, позитивно и на забавен начин. Ентузијазмот е клучен зашто тоа ги буди мотивите кај едно дете за оралната хигиена.

Штом дете од предучилишна возраст ќе може правилно да држи четка, нека се обиде само да ги мие забите пред огледало. Повеќето деца најдобро учат со обиди. Но, сѐ уште треба надгледување. Огледалото секако ќе му помогне подобро да види што прави. Децата кои воопшто не ги мијат забите како мали, често имаат тешкотии да ја научат техниката како пораснати.

Популарно