На многумина ќе им изгледа чудно да чувате парфеми, креми, маски за лице и гелови во фрижидерот на полицата до јајцата, тубата кечап или сенфот, но тоа е најдоброто нешто што можете да го направите и да не се грижите дали вашата козметика ќе трае подолго.

На овој начин го продолжувате рокот на траење на препаратите, а од друга страна тие секогаш ќе бидат ладни и уште повеќе ќе ве освежат.

Еве која козметика треба да ја чувате во фрижидер:

Органските препарати за нега на кожата и производите со витамин Ц. Витаминските и природните производи содржат помалку конзерванси, па затоа е подобро да ги чувате на студено бидејќи ќе ги задржат своите активни својства подолго.

Долготрајни моливи за очи, бидејќи имаат повеќе испарливи состојки кои можат побрзо да исчезнат на жештината, па затоа е подобро да им го продолжите животот на овој начин.

Масла за лице, бидејќи есенцијалните масла што ги содржат може да го изгубат квалитетот со текот на времето доколку се чуваат на погрешен начин. Ако маслото е во фрижидер, долго ќе ја задржи свежината.

Спреј за стапала, бидејќи многу подобро делува кога разладен ќе го испрскате на уморните нозе.

Креми за очи, гелови и маски, бидејќи ефикасно и брзо го намалуваат отокот на лицето и очните капаци, што е главен естетски проблем денес.

Финска ја задржа својата позиција на земја со најсреќна популација шеста година по ред, според Светскиот извештај за среќа.

Светскиот извештај за среќа истражува колку луѓето се задоволни од своите животи во разни земји.

Извештајот, кој се занимава и со ефектите од кризата предизвикана од коронавирусот врз благосостојбата на луѓето, секоја година го составуваат научници во САД врз основа на анкети на Институтот „Галуп“.

Заедно со Финците, Данска и Исланд ги заокружија првите три среќни земји. Израел се искачи за пет места за да биде на четвртото место оваа година, а Холандија на петтото. Други земји во првите десет се Шведска, Норвешка, Швајцарија, Луксембург и Нов Зеланд.

Германија е на 16. место оваа година, со пад од две позиции. Соединетите Американски Држави, Обединетото Кралство и Франција се рангирани на 15., 19. и на 21. место.

Словенија е на 22., а Италија на 33. место.

На дното на рангирањето се претежно африканските земји, а Авганистан и Либан, разурнати од војна, се двете најнесреќни земји во светот, во истражувањето во кое беа опфатени вкупно 137 земји.

Научниците велат дека процената на среќата на луѓето останала извонредно отпорна и покрај ковид-пандемијата, со глобални просеци во 2020 до 2022 година исто толку високи како оние во годините пред пандемијата од 2017 до 2019 година.

Криминалните кланови во Србија и во Црна Гора за своите активност се повеќе користат жени. Така беше за убиството на Ранко Ескобар, а Кавачкиот и Шкаљарскиот клан веќе на повисоки позиции ги имаат сопругите на Звицер, Беливук и Миљковиќ.

Тамара Звицер (38), сопруга на избеганиот водач на Кавачкиот клан Радој Звицер, која е вешт со оружје и не се двоуми да го употреби, како кога пред неколку во Киев кога пукаше во атентаторите на нејзиниот сопруг.

Тука се и сопругите на Вељко Беливук и Марко Миљковиќ: Бојана Беливук (40) и Тања Миљковиќ (38).  Против нив се води финансиска истрага поради основано сомнение дека ги переле парите на кланот Веља Невоља.