(Фото) НАСА претстави ново одело за слетување на Месечината

Технологија

на 3.2023

Американската вселенска агенција НАСА и компанијата Axiom Space го претставија првиот прототип на вселенското одело од следната генерација што ќе се користи за враќање на луѓето на Месечината.

Новото одело е клучен дел од плановите на НАСА да испрати астронаути на Месечината, а агенцијата вети дека ќе ја испрати првата жена и првата личност со темна кожа на површината на Месечината како дел од мисиите на програмата Artemis.

Претходните вселенски одела не беа дизајнирани да одговараат на жените, додека НАСА ја откажа првата вселенска прошетка на целосно женска екипа во 2019 година бидејќи немаше скафандери со средна големина на Меѓународната вселенска станица.

Новиот вселенски костим, наречен Axiom Extravehicular Mobility Unit или AxEMU, е пофлексибилен и дизајниран да одговара на екипажи со различни конституции. Ќе одговара на 90% од американската машка и женска популација.

AxEMU не само што ќе ѝ дозволи на првата жена да оди по површината на Месечината, туку ќе обезбеди и можност за повеќе луѓе да истражуваат и да спроведуваат научни експерименти на Месечината.

Претседателот и извршен директор на Axiom Space, Мајкл Суфредини, рече дека вселенското одело за мисијата Artemis II ќе одговори на сите сложени предизвици на лунарниот јужен пол, но и ќе помогне во разбирањето на Месечината за да се овозможи долгорочно човечко присуство.

Прототипот на новиот костум беше прикажан во вселенскиот центар „Џонсон“, тој е во црна боја и содржи сини и портокалови детали, но поради фактот што ќе се носи на Месечината, всушност мора да биде бел за да рефлектира топлина и да ги штити астронаутите од екстремно високи температури.

Тековниот надворешен слој се користи само за демонстративни цели.

Мета им се извини на корисниците: Работиме на тоа да се вратат апликациите во нормала

Технологија

пред 5 месеци

„Свесни сме дека технички проблем влијае на способноста на некои корисници да пристапат до нашите апликации. Работиме работите да се вратат во нормала што е можно поскоро и се извинуваме за непријатностите“, се вели во нивното соопштение.

Од попладнево има дефект на социјалните мрежи Фејсбук и Инстаграм.

Околу 19 часот корисниците почнаа да пријавуваат проблеми со социјалните мрежи на веб-страницата Down detector, која ги следи техничките проблеми со социјалните мрежи и веб-страниците ширум светот.

Видео: НАСА го лансираше „Клипер“ до Јупитеровата месечина Европа

Технологија

пред 7 месеци

Американската Национална воздухопловно-вселенска администрација – НАСА го лансираше вселенското летало „Европа Клипер“ до Јупитеровата месечина Европа, каде што, се верува, може да има услови за развој на вонземски живот во огромниот океан под ледената површина.

Со своите шест тони, најголемото летало што НАСА некогаш го изградила за меѓупланетарна мисија, „Европа Клипер“ ќе патува пет и пол години до Јупитер, каде што ќе влезе во орбитата на оваа огромна гасовита планета и ќе ѝ се доближи на нејзината ледена месечина. Вселенското летало полета ракета „Фалкон хеви“ на „Спејс-Икс“ од вселенскиот центар „Кенеди“ во Кејп Канаверал, Флорида, САД.

Тој вселенски лет е долг повеќе од три милијарди километри и ќе трае до 2030 година.

На пат кон Јупитер, доколку не се јават непредвидени проблеми, вселенското летало прво ќе мине и покрај Марс и ќе се врати во орбитата на Земјата пред „да се катапултира“ кон Јупитер.

Научниците се речиси сигурни дека има длабок замрзнат океан под ледената обвивка на Европа и укажуваат дека онаму каде што има вода, може да има и живот, што ја прави оваа месечина едно од посоодветните места за потрага по услови за живот. Сепак, како што соопшти НАСА, „Европа Клипер“ првично нема да бара облици на живот бидејќи нема детектори и инструменти за таков вид истражување.

Популарно