(Фото) Скопјанка преживува пекол по ставање ботокс

Скопјанка преживува пекол по ставање ботокс, пишува Курир.

-Луѓето кои сакаат да прават било каква естетска корекција, многу треба да внимаваат кому му го доверуваат тоа. Бидејќи сите станаа доктори и кој ќе стигне боцка. Да не веруваат во сертификати, работни искуства по Србија, Бугарија и слично. Сторените последици сведочат за тоа колку некој ја познава работата и дали вреди да се нарече Доктор. Последиците кои ќе ви се случат се пострашни од некоја брчка или неправилност, а да не зборуваме за психичкото здравје, изјавила Александра за Курир.

Наместо разубавување, таа добила птоза.

Птозата на очните капаци е состојба во која горниот очен капак се спушта над окото и може да биде предизвикана од стареење, повреда на окото или несакан ефект по операција на окото, меѓу другото.

Во случајот на Александра, птозата била предизвикана од вбризгување на ботокс, најверојатно во погрешен дел и ставање ботокс повеќе од што е потребно, што предизвикало сериозно спуштање на очниот капак.

Во досегашната пракса, околу 5 проценти од луѓето кои одат на третмани со ботокс имаат проблеми со спуштање на очните капаци. Овој број паѓа на помалку од 1% доколку го изврши медицински професионалец.

Докторот и ординацијата, Александара се уште не ги објавува, бидејќи планира правдата да ја бара по судски пат, а како што вели и да ја добие „битката“.

18-годишник снимил експлицитно видео од малолетничка, па го споделувал со нејзиното семејство и соученици

18-годишник од Скопје е обвинет за производство на детска порнографија, соопштија од МВР. Скопската полиција поднесе кривична пријава против него, поради постоење основи на сомнение за сторени кривични дела „прикажување на порнографски материјал на дете“ и „производство и дистрибуција на детска порнографија“.

Во јануари 2023 година, пријавениот со закана направил видео запис со експлицитна содржина од малолетничка, по што преку мобилни апликации го споделил записот со нејзиното семејство и соученици.

Се судрија два „воза на смртта“ на Октоберфест

Осум лица се полесно повредени во несреќа на затворен тобоган на Октоберфест во Минхен. Синоќа на првиот ден од 18-дневниот фестивал се судриле две композиции, извести полицијата. Возењето – наречено Хеленблиц или Пеколна молња – останува затворено во очекување на истрага, соопшти полицијата.

Лекарите рекоа дека повеќето од повредите се модринки, а три лица се пренесени во болница за дополнителна евалуација. Еден од возовите бил во мирување кога возот што се приближувал полека тргнал наназад од непознати причини, изјави директорот на атракцијата Вили Отенс за ДПА во неделата.

Во секој од возовите имало по 30 луѓе, рече тој. „Имаше помал судир меѓу двата воза, сите луѓе излегоа сами“, рече Отенс. Познатиот фестивал на пивото Октоберфест се одржува секоја година во Минхен, привлекувајќи милиони национални и меѓународни посетители во главниот град на Баварија неколку недели во септември и октомври.

Фестивалот вклучува бројни карневалски атракции. Според Отенс, Пеколна молња е најголемиот патувачки тобоган во затворен простор во светот.

Андрју Гедес: Тренерот ме силуваше 400 пати за две години

Поранешната француска тенисерка Анжелик Коши сведочеше како дел од истрагата за сексуална злоупотреба на малолетници во рамките на Француската тениска федерација. Коши даде грозоморни детали за злоупотреба, наведувајќи дека тренерот ја силувал 400 пати во период од две години, понекогаш и три пати на ден.

Анжелик Коши сведочеше дека тренерот Андрју Гедес ја силувал три пати на ден кога ја преземал тренерската должност во француската репрезентација, а таа имала само 12 години.

„Бевме во Ла Бол, таму ги носеше своите жртви. Ги живеев најлошите две недели во животот, ме силуваше три пати на ден“, им рекла тенисерката на властите. Таа додаде дека нејзиниот тренер и рекол дека има СИДА, поради што живеела убедена дека и самата има СИДА од 13 до 18 години.

„Многу пати размислував за самоубиство, ме силуваше три пати на ден. Првата вечер ме замоли да одам во неговата соба, а јас не отидов. И така тој влезе во мојата. Беше лошо. Бев затворена, не можев да излезам кога сакав“, изјави поранешната тенисерка, која и самата е тениски тренер.

Таа се присети и дека му рекла на тренерот дека не треба да го прави тоа, дека не сака, на што тој одговорил дека тоа понекогаш се случува во односите меѓу тренерите и учениците бидејќи поминуваат многу време заедно и дека тоа е целосно нормално.

Коши тврди дека тренерот имал поддршка од претседателот на тениската асоцијација.

„Во светот на тенисот беше познато дека неговото однесување кон младите девојки не е коректно. Кога една девојка му се пожалила на претседателот дека се однесува недолично кон младите, со вербално и физичко насилство, одговорот бил „Да, но тој ни носи титули“, тврди Коши.

Уште три девојчиња, на возраст меѓу 15 и 17 години, станаа жртви на Гедес.

Тие рекоа дека тренерот ги принудил да ги прекинат врските со нивните семејства и пријатели и ги подложил на серија насилни сексуални напади во неговиот автомобил, во соблекувалната или за време на тренинг.

Тренерот Ендрју Гедес беше осуден на 18 години затвор во 2021 година за сексуално вознемирување на четири девојчиња на возраст од 12 до 17 години.

Популарно