По случајот со морбили кај 12-годишно дете од Долно Коњаре во Општина Петровец, епидемиолошките служби и Институтот за јавно здравје ќе реагираат со пребарување на невакцинирани лица, со кампањи и одење на терен, како и во училиштата на таа територија, најавува проф. д-р Кети Ставриќ, имунолог и член на Комисијата за имунизација.

Во гостување на ТВ Сител, проф. д-р Ставриќ вечерва рече дека тоа ќе се прави за да се спроведе директна вакцинација и да се вакцинираат сите деца кои не се вакцинирани, но и да се поканат под итно на вакцинација децата на помала возраст кои ја имаат пропуштено.

Во однос на тоа колку е голем ризикот 12-годишното дете да ја проширило  заразата, посочи на релативно нискиот опфат со имунизација во Скопје. 

-Постои многу висок ризик децата кои не се вакцинирани да дојдат во контакт со ова дете кое веројатно било и во болници, лаборатории, бидејќи се правеле анализи. Тие што не се вакцинирани, доколку дошле во контакт со него може да заболат, рече Ставриќ.

Како што нагласи, се уште се бориме да го подигнеме опфатот со вакцинација од над 90 проценти, а само опфат од 95 проценти може да не заштити.

-За жал,  опфатот се уште е низок, со првата доза е 73 проценти. Скопје е проблематично бидејќи има одредени општини како Аеродром и Центар  каде се загрижувачки бројките и се вакцинирани можеби 50 проценти од децата, рече Ставриќ.

Посочи и на случајот со морбили во Пробиштип и предноста што таму опфатот на вакцинација беше  95  проценти.

-Од примањето на првата доза од вакцината треба да поминат барем три недели за да одреагира организмот со создавање на антитела кои ќе го заштитат, потсети Ставриќ, истакнувајќи дека покрај доенчињата како најризични, висок е ризикот и за трудниците и постарите лица.

Кога пред една година беше откажан концертот на Бора Ѓорѓевиќ поради неговата болест, сите беа загрижени. Во таа прилика уметникот признал дека има пневмонија и дека веќе некое време се бори со низа здравствени проблеми.

Во една од неговите понови песни, Бора напиша дека „пати од разни болести“.

„Навистина не ми се допаѓа што стареам, станувам мрзлив старец, не живеам, само преживувам и патам од разни болести... Тука се чувствувам како и сите странци, додека ги одработувам последните денови, ги држам сите на дистанца и си досадувам себеси“.

Што е опструктивна белодробна болест?

Хроничната опструктивна белодробна болест (ХОББ) најчесто се јавува како резултат на долги години вдишување на штетни материи од чадот од тутунот. Тоа е хронично белодробно заболување кое резултира со ограничен или намален проток на воздух во белите дробови поради оштетување на дишните патишта, најчесто на белодробните алвеоли. Од оваа болест најчесто заболуваат повеќедецениските пушачи постари од 40 години од двата пола.

Најчестите симптоми се:

- отежнато дишење

- чувство на недостаток на воздух или останување без здив при физички напор или носење товар

- потешко и подолго закрепнување по настинка

- кашлица

- искашлување густ секрет

- во потешки случаи доаѓа до здружување на болеста со воспалителна реакција на белите дробови

Од ХОББ најчесто заболуваат пушачите или поранешните пушачи, луѓето кои живеат во куќи каде греењето е на печка или оние кои работеле на места каде има многу прашина и чад.

За лекување на ХОББ се користат лекови кои ги елиминираат симптомите со проширување на дишните патишта, смирување на воспалението и инфекцијата, а доколку е потребно и други лекови за зајакнување на силата на срцевиот мускул. За третман на оваа болест се користат аеросоли, т.н. пумпи со помош на кои лекот се внесува со вдишување.

Во напредна фаза на болеста, кога кислородот во крвта е значително помал, на пациентите им се препишува долготрајна оксигенотерапија во домашни услови. Тоа значи употреба на кислород преку уред наречен концентратор на кислород во домашни услови. Пациентот е на постојана оксигенотерапија најмалку 16 часа дневно.

Високите температури често подразбираат активности во водата за да се разладите. Меѓутоа, од клучно значење е да се земе предвид изложеноста на УВ-зраците и безбедноста на водата. Дали знаевте дека бојата на вашиот костим за капење може да влијае на вашата видливост и безбедност во водата? Покрај тоа, одредени ткаенини може да ја намалат изложеноста на УВ-зрачењето.

Бојата на костимите за капење и УВ-зрачењето

Размислете за бојата на вашиот костим за капење или облека поради неговите заштитни својства од УВ-зраците. Еве неколку совети.

Потемните бои обезбедуваат поголема УВ-заштита од посветлите бои. Одлучете се за сина или црна наместо бела или пастелна боја.

Светлите и неонските бои нудат подобра заштита од бледите бои. Изберете интензивно портокалова или неонско розова наместо светло сина или бледо жолта.

Темните и светлите бои апсорбираат повеќе УВ-зраци, намалувајќи ја количината што стигнува до вашата кожа. Синтетичките материјали како полиестер и најлон, со своето тесно ткаење, исто така се подобри во блокирањето на УВ-зраците отколку памукот.

Бојата и видливоста на костимот за капење во водата

Видливоста на вашиот костим за капење во вода е клучна за безбедноста. Истражувањето на „Алајв солушн“ (Alive Solutions), фирма за безбедност на вода, покажа дека боите на костими за капење се разликуваат во водата отколку на копното.

Во езерата, кои често се слабо видливи, најдобри се светлите и контрастните бои како неонско портокаловата, жолтата и зелената.

Експертите препорачуваат светли и контрастни бои за оптимална видливост и безбедност во базените и езерата.

Врз основа на истражувањата, неонско портокаловата и сличните бои се безбеден избор за костими за капење. Цврсто ткаените синтетички материјали нудат поголема УВ-заштита од природните влакна.