Почина популарниот јутјубер по долга кома

Јутјуберот Тијаго Еугенио почина по поминати 80 дена во кома по сообраќајна несреќа, пишува „Дејли мејл“.

Португалската ѕвезда доби сериозни повреди по судирот на автопатот „Алгарве“ на 23 јуни и пожарникарите мораа да го извлечат 28-годишникот од возилото.

Еугенио бил итно пренесен во болницата „Фаро“, каде што поминал 80 дена на интензивна нега во кома, но тој почина од повредите во четвртокот наутро.

Мајка му ја потврди веста со емотивна почит на својот голем воин, кој се бореше 80 дена.

Еугенио е роден во Сао Брас де Алпортел, град во регионот Алгарве во Португалија, а стана ѕвезда на „Јутјуб“ откога го отвори својот канал пред четири години. На својот канал тој блогира за својот живот, од тоа како се справува со негативните коментари на „Јутјуб“ до стоматолошка хируршка процедура.

Пукано кон куќа во Тетово од возило во движење, нема повредени

Синоќа околу 22 часот и 45 минути на булеварот „Илинден“ во Тетово се пукало од огнено оружје, за што жител на градот пријавил дека е пукано кон неговата куќа. Засега од СВР Тетово немаат информации за повредени луѓе.

-Во 22.45 часот М. Т. од Тетово во СВР Тетово пријавил дека од страна на непознато лице е пукано со огнено оружје од возило во движење во неговата куќа во Тетово. До сега нема пријава за повредени лица. Се преземаат мерки за расчистување на случајот, информира СВР Тетово.

По пукањето полицијата со ленти го блокираше движењето за возила по делот од булеварот каде се пукало по што е почнат увид.

Ненадејно почина селекторот на македонската репрезентација до 17 години!

Селекторот на фудбалската репрезентација на Македонија до 17 години, Дашмир Беари ненадејно почина.

Македонскиот фудбал загуби голем спортски работник, почина тренерот Дашмир Беари на 50-годишна возраст.

Неговата последна работа беше улогата на селектор на македонската репрезентација до 17 години.

Беари беше поранешен тренер на Ренова, Гостивар, Дрита, Влазерими, а беше помошник и во саудиски Ал Раед. Во минатото беше селектор и на македонските селекции до 15 и до 19 години.

Осум лица повредени во сообраќајка меѓу две возила, возачите имале 17 и 19 години

На локалниот пат од с.Лисичани за с.Пласница во близина на с.Лисичани вчера вечерта околу 15 минути пред полноќ се случила сообраќајна несреќа помеѓу патничко возило „ауди“ со регистарски ознаки од Македонски Брод, управувано од 17 годишник од Македонски Брод и патничко возило „опел астра“ со регистарски ознаки од Македонски Брод управувано од Н.Н.(19) од с.Лисичани-кичевско, информира МВР.

Во несреќата со тешки телесни повреди се здобил возачот Н.Н., а со телесни повреди се здобиле малолетниот возач и шест сопатници од двете возила, констатирани во Медицинскиот центар Кичево.

Извршен бил увид од увидна екипа од ОВР Кичево.

Популарно