Жените кои спијат под седум часа на ден се поизложени на опасност од дијабетес 2

Жените кои спијат помалку од седум часа на ден се поизложени на опасност од појава на дијабетес тип 2. Имено, губењето на само 90 минути сон секоја вечер ја зголемува отпорноста на инсулин кај жената, тврдат научници од Универзитетот Колумбија во Њујорк, САД.

Тоа се случува затоа што клетките во телото неправилно реагираат на инсулинот што го произведува самото тело. Тоа е хормон којшто го регулира шеќерот во крвта, и ако тоа не оди како што треба, ја остава гликозата да се акумулира во крвта до опасни нивоа. Ефектите се посилни кај оние жени кои минале низ менопауза, според испитувањата. предводени од проф. Мари-Пјер Сен-Онг од Универзитетот.

– Во текот на нивниот живот, жените се соочуваат со многу промени во нивните навики на спиење, поради на пр., породување, одгледување деца и менопаузата. Почесто жените отколку мажите го доживуваат тоа, т.е. не спијат доволно. Во текот на подолго време, постојаниот стрес може да предизвика откажување на клетките што произведуваат инсулин, што на крајот ќе доведе до дијабетес тип 2, појани д-р Сан-Онг.

Таа вели дека благиот недостаток на сон и за само шест недели предизвикува промени во телото коишто го зголемуваат ризикот од развој на оваа состојба.

Колку е опасен убодот од болви и како да го намалите чешањето?

Убодот од болви обично не е опасен, но кај некои луѓе може да предизвика алергиска реакција. Чешањето трае само неколку дена, но можете да го ублажите со кремови, но и домашни лекови, како мед.

Болвите се ситни инсекти без крилја. Тие се темнокафеави или црни, имаат шест нозе, како силни канџи на дното на нивните нозе што им овозможуваат да се држат до „домаќинот“ и да се хранат со неговата крв.

Нивните задни нозе се подолги и посилни од оние во средината и напред, што им овозможува да скокаат и над 30 сантиметри.

Каснувањето од болви ретко предизвикува трајна штета. Тие предизвикуваат блага вознемиреност и иритација која не трае долго, но сепак, треба да се има предвид дека каснувањето од болви понекогаш може да биде опасно бидејќи тие може да шират болести кои може да бидат сериозни, а некогаш и фатални.

Каде најчесто се наоѓаат болвите?

Болвите се најактивни кога времето е топло. Живеат околу дрвја, лисја, висока трева и грмушки. Кога животните поминуваат покрај овие области, болвите скокаат во нив.

Кај кучињата, мачињата и други животни, болвите живеат околу ушите, вратот, грбот и стомакот.

Така, преку животните болвите може да влезат во вашиот дом и да се скријат најчесто во тепих, мебел, постелнина.

Каснување од болви

Болвите ги каснуваат луѓето, но најчесто кучињата и мачките и не остануваат да живеат на човекот.

Кучињата и мачките имаат многу повеќе влакна од луѓето, а болвите сакаат животни со крзно бидејќи тоа им овозможува лесно да се скријат.

Болвите имаат силни канџи на краевите на нозете кои ги користат да се држат за „домаќинот“. Нивните усни вклучуваат ситна игла што ја пробива кожата, ја цица крвта и лачи плунка во крвотокот.

Кога болвата лачи плунка во човечкиот крвоток, телото ја регистрира плунката како алерген. Тогаш, човечкиот имунолошки систем одговара за да го отстрани алергенот од телото.

Хистаминот е она што предизвикува чешање и отекување на каснувањето од болви.

Многу луѓе и се алергични на каснување од болва.

Како изгледа местото каснато од болва?

Откако болвата ќе го касне човекот, се формира мала испакнатина. Околу каснувањето може да се појави прстен, а каснувањата од болви може да се појават и како кластер од неколку испакнатини.

Каснувањето од болви е најчесто на нозете, особено на стапалата и глуждовите.

Важно е секогаш да ги прегледувате добро вашите миленици. Ако тие се немирни и се чешаат повеќе од нормално, тогаш можеби имаат болви.

Каснувањето од болви најчесто не бара посебен третман, но постојат кремови и масти против чешање кои може да ја ублажат непријатноста.

Сепак, ако по каснувањето забележите потешки симптоми, како алергиска реакција, треска, главоболка или болки во телото, веднаш обратете се кај вашиот лекар.

Како да го спречите чешањето од болвите?

Не ги чешајте убодите од болви, затоа што така ризикувате да си направите рани преку кои може да се изложите на инфекција. Иритацијата трае само неколку дена, а со некои домашни лекови може да го спречите чешањето.

На пример, чешањето може да го спречите и со мраз. Мразот може да го забави количеството на крв што тече во одредена област, го намалува воспалението, болката и отокот.

Нанесете малку мраз покриен со тенка крпа и држете најмалку 10 минути.

Исто така, во оваа намена може да ви помогне и алое вера - гелот содржи салицилна киселина која го ублажува чешањето и болката.

Тука можеме да го споменеме и чајот од камилица кој има антиоксидантни и антихистамински својства.

Додајте кесичка чај од камилица во вода и оставете така да постои најмалку 20 минути, додека водата не добие богато златно-кафеава боја.

Потоа, извадете ја кесичката и исцедете ја, па на крај притиснете ја на каснатото место од болва и држете така најмалку 10 минути, па избришете со чиста крпа.

И медот може да ви помогне да го ублажите чешањето предизвикано од каснување од болва. Ставете доволно мед на убодот, а може и да го преврзете и со завој.

Истражување открива: Што повеќе влијае на животниот век – гените или начинот на живот

Здравиот начин на живот може да ги неутрализира негативните ефекти на гените кои го скратуваат животот за повеќе од 60 отсто, според анализата на наодите од неколку големи долгорочни студии, објавени во списанието „БМЈ џурналс“.

Одамна е познато дека и гените и начинот на живот влијаат на очекуваниот животен век. Сепак, до сега немало големи студии кои ги квантифицираат овие фактори. Според резултатите од новото големо истражување, и добрите гени и здравиот начин на живот заеднички го намалуваат ризикот од прерана смрт. Од друга страна, нездравиот начин на живот е поврзан со значително поголем ризик од прерана смрт, без оглед на генетските предиспозиции.

Категории по генетика

За потребите на новиот труд, научниците користеле податоци од проектот Биобанка на Велика Британија за 353.742 возрасни лица со европско потекло кои биле регрутирани помеѓу 2006 и 2010 година и биле следени до 2021 година.

Во студијата испитаниците биле класифицирани според генетската предиспозиција за времетраење на животот, т.н. полигенски ризичен резултат (ПРС), кој комбинира неколку генетски варијанти за да се дојде до севкупна генетска предиспозиција за подолг или пократок животен век.

Врз основа на податоците од студијата „ЛајфГен“, според полигенски ризичен резултат, учесниците биле класифицирани во три категории: долги (со најмала вредност на ризик), средни (со вредност од 2 до 4) и кратки (со највисока вредност).

Категории по начин на живот

Врз основа на американската студија „НХАНЕС“, на учесниците им биле доделени поени за здрави животни навики кои вклучуваат непушење, умерено консумирање алкохол, редовна физичка активност, здрава телесна тежина, соодветно времетраење на спиењето и здрава исхрана.

Врз основа на овие точки, животниот стил на учесниците беше категоризиран како поволен, среден и неповолен. За време на просечниот период на следење од речиси 13 години, умреле 24.239 учесници.

Оние кои биле генетски предиспонирани за краток животен век имале 21 отсто поголеми шанси за прерана смрт, односно пред 75-годишна возраст, отколку оние кои биле генетски предиспонирани за долг живот, без разлика на начинот на живот. Од друга страна, оние кои имале неповолен начин на живот имале 78 отсто поголеми шанси да умрат предвреме од оние со поволен начин на живот, без разлика на нивната генетска предиспозиција.

Луѓето со висок генетски ризик од скратен животен век, кои исто така имале неповолен начин на живот, имале дури двапати поголема веројатност да умрат предвреме од оние кои биле генетски предиспонирани за долг живот и имале поволен начин на живот.

Оптимална комбинација на здрав начин на живот

Резултатите од истражувањето сугерираат дека оптималната комбинација на начин на живот се состои од четири фактори: непушење, редовна физичка активност, доволно ноќен сон и здрава исхрана. Авторите истакнуваат дека студијата е набљудувачка и затоа не може да доведе до конечни заклучоци за причините и последиците.

Поволниот начин на живот го неутрализира генетскиот ризик

И покрај ова и некои други ограничувања, тие истакнуваат дека нивните наоди покажуваат дека генетскиот ризик од пократок животен век или прерана смрт може да се неутрализира со поволен начин на живот за околу 62 отсто. Кога ова ќе се претвори во години, следува дека луѓето со висок генетски ризик од скратен животен век на возраст од 40 години би можеле да го продолжат својот животен век за речиси 5,5 години со здрав начин на живот.

Во исто време, авторите предупредуваат дека животните навики обично се консолидираат пред средната возраст, што подразбира дека пред тоа треба да се преземат чекори за ублажување на негативната генетска предиспозиција за скратен живот.

„Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век. Политиките за јавно здравје за подобрување на здравиот начин на живот би можеле да послужат како моќно дополнување на конвенционалната здравствена заштита и да го ублажат влијанието на генетските фактори врз човечкиот животен век“, заклучуваат авторите.

Доктор советува: Луѓето над 40. години ќе го обноват телото и мускулите ако консумираат ваква храна

Здравата исхрана е важна за управување со телесната тежина. Така, појадокот, кој често се нарекува најважниот оброк во денот, може да влијае на нашиот метаболизам и нивото на енергија. За оние над 40 години, вклучувањето на високо-протеинска и нискокалорична храна во утринската рутина може да биде особено корисно.

Протеините се клучни за градење мускули и губење маснотии бидејќи промовираат ситост, поддржуваат обнова на мускулите и помагаат во одржување на здрав метаболизам.

Докторката Рејчел Лоу, предлага три одлични опции за појадок за оние над 40 години, кои можат да придонесат за губење на тежината и обновување на мускулите.

1. Грчки јогурт

Грчкиот јогурт е моќен појадок кој нуди приближно десет грама висококвалитетни протеини на порција од 100 грама јогурт.

„Исто така е богат со калциум и пробиотици, кои се клучни за добро здравје на цревата“, објаснува Лоу за „SheFinds“. За да ги подобриме неговите придобивки, можеме да го мешаме со свежо овошје како што се бобинки, јаткасти плодови или семиња за да додадеме влакна и здрави масти.

2. Јајца

Јајцата се одличен извор на протеини, обезбедувајќи околу шест грама по јајце (големо).

„Јајцата се многу богати со витамини и минерали како што се витамините Б и холин, кои се неопходни за мускулната функција и метаболизмот“, вели Лоу. Без разлика дали ги сакаме изматени, пржени или варени, јајцата се фантастичен начин да го започнете денот.

3. Свежо сирење

Свежото сирење е уште еден млечен производ богат со протеини, кој содржи околу 11 грама протеини на 100 грама сирење. Има мал дел од масти и висок процент на казеин протеин, кој полека се вари, што нè држи сити подолго време.

Лоу предлага да се комбинира урда со овошје или тост од цело зрно за урамнотежен оброк.

Популарно