Која висина на потпетици е идеална? Пресметајте ја вашата според градбата на телото

Високите потпетици можат да бидат виновни за здравствени проблеми како што се болки во грбот. Сепак, многу дами со задоволство ги носат бидејќи бројните парчиња облека со нив изгледаат поубаво, а линијата на телото повитка. Не мора да се откажувате од чевлите кои имаат високи потпетици, но можете да ја прилагодите висината на вашето тело.

Три начини да ја изберете вистинската висина на потпетицата што можете удобно да ја носите цел ден:

Висина на потпетица за секојдневно носење

Овој метод ќе ви помогне да ја одредите најздравата висина на потпетиците за носење на работа или за време на други секојдневни активности. Треба да го измерите стапалото и да ја поделите должината на стапалото со бројот 7. Некои лекари велат дека потпетиците не треба да бидат повеќе од 4 сантиметри ако ги носите секојдневно.

Совршена висина на петицата

Суштината на оваа формула е дека совршените потпетици треба да бидат доволно високи за да создадат идеален сооднос помеѓу должината и висината на нозете. Пресметувате така што ќе ја делите висината со висината на нозете и ќе одземете 1,61 од бројот, а потоа ќе го помножите добиениот број со 10, пишува Bright Side.

Максимална висина на петицата

Седнете на стол со испружена нога. Опуштете го стапалото и не покажувајте со прстите. Измерете го растојанието од петицата до предниот дел на стапалото (до делот што ја допира земјата кога сте во потпетици). Ова мерење го покажува природниот лак на вашето стапало и идеалната висина на петата. Бројот што го добивате е вашата идеална висина на чевли. За повеќето жени, максималната висина на чевлите би била од 7 до 9 см.

Храбар потег: Ја сретнал на фонтана и веднаш ја бакнал!

Минатиот петок дечко бакнал на улица млада девојка од Ријека. Ништо необично за една петочка вечер. Но, тој бакнеж оставил толку силен впечаток на девојката па таа решила да го бара дечкото по секоја цена.

– Беше кратко, но незаборавно. Дечкото е со кафеава коса, а носеше црна кожна јакна, раскажа девојката.

Како што раскажува девојката, таа и три нејзини другарки се сретнале на плоштад во Ријека, кога кај фонтаната им пришол млад дечко и ја бакнал девојката. Веќе во понеделникот изутрина таа јавно кажала дека сака момчето да и се јави, при што порталот РијечанИн ја одиграл улогата на посредник.

– Ние четири излеговме во петокот на 8ми март да прошетаме, а малку и да се напиеме. Кај фонтаната на плоштадот Коблер другарка ми на шала ме испрска со вода и јас целата бев мокра. Во тој момент дојде еден дечко, ми кажа дека сум многу убава и ме бакна. Но, набрзо си замина, а јас не стигнав ни да го прашам како се вика. Сега го барам, сакам да го запознаам бидејќи тој и неговиот потег многу ми се допаднаа – раскажа девојката за РијечанИн.

Мистериозниот заводник не чекаше долго за да се јави. Имено 19 годишното младо момче со иницијали П.Ј., кого редакцијата го нарече Петар, набрзо се јавил и кажал дека тој ја бакнал девојката.

Еве како романтичниот краток состанок изгледа од негов агол:

– Бев излезен со другарите и бевме доста весели. Знаете како оди тоа кога ќе се опуштиш за време на викендот. Здогледав една група на прекрасни девојки и пријдов на најубавата и ја бакнав. Бевме секој со своето друштво и немавме време да поразговараме подолго. Кога го видов нејзиниот повик денеска, без многу размислување одлучив да и се јавам – раскажа „Петар“.

А заклучниот коментар за РијечанИн го даде и младата девојка:

– Среќна сум зошто го пронајдовме момчето кое беше заслужно за еден прекрасен и романтичен момент. Веќе се слушнавме и во најбрзо време се надевам дека ќе излеземе на кафе и ќе се запознаеме подобро. Јасно ми е дека овој наш необичен потег, потрага по дечко, многумина го протолкуваа и како шала, но мене навистина драго што преовладуваа позитивни коментари и дека секогаш треба да бидеш упорен во нешто што сакаш да го оствариш.

ВИДЕО: Продавач нокаутираше купувач со еден удар!

Видеото снимено од безбедноса камера од маркет во Москва  пренесува  неверојатна сцена кога работник нокаутирал купувач кој потоа целосно изгбил свест.

Како што се наведува, купувачот не сакал да плати одредени артикли и ја навредил касиерката. Тогаш вработениот Фикрет А. изреагирал, а му бил доволен само еден удар.

Несреќниот купувач после ударот воопшто не мрдал, бил во бесознание.

Интересно е што никој од купувачите не реагирал на ваквото однесување на работникот.

И покрај се, работникот и понатаму е вработен во овој ланец супермаркети, а купувачот е во болница.

Популарно