Невообичаен спор меѓу две италијански семејства за скара која е премногу блиску до оградата продолжува и по 20 години, објавија денеска италијанските медиуми.

Судот во градот Тавернеле во провинцијата Виченца го врати овој случај пред Апелациониот суд во Венеција, пишува „Кориере дел Венето“.

Спорот започнал во далечната 2004 година кога семејството Тонин се обратило до судот во Виченца бидејќи им пречел чадот од скарата на нивниот сосед, за која велат дека била изградена премногу блиску до оградата меѓу двата имота.

Во 2007 година, првостепениот суд го одби барањето за уривање на скарата од тули, сметајќи дека не се работи за градба која би била опфатена со уредбата за урбанистичко планирање.

Наместо тоа, судот му наложи на семејството Коча-Монтеризис да најде начини да го намали количеството чад што е вознемирувачко.

Семејството Тонин ја обжали оваа одлука, за да го изгубат случајот повторно во 2019 година. Потоа двете семејства поднесоа жалба до Врховниот суд, кој сега нареди нова постапка, прифаќајќи ја жалбата на Тонин, со образложение дека скарата од тули мора да се смета и за „изградена структура“ и дека поради тоа подлежи на прописите за урбанистичко планирање.

Пејачот Влатко Лозаноски Лозано стана татко. Веста во медиумите се прошири брзо, и истата веќе е потврдена од неговиот продукциски тим.

Момчето, ќе го носи името Марко.

Сепак, она што јавноста ја голицка е што не се знае името на партнерката и избраничка на пејачот и зошто толку ја крие. Некои велат, што ја крие како змија нозете - нема да му ја земеме.

Сепак, зошто и од која причина не ја открива саканата Лозано си знае само тој. 

Лозаноски беше и Евровизиски претставник на Македонија во 2013. 

Зад себе ја има и врска со Савка која траше девет години и која заврши со раскинување на свршувачката. И тогаш Влатко беше многу затворен тип, не сакаше никогаш да открива приватни детали. 

Иако навидум изгледаа како доста стабилен пар, сигурно имале добра причина за прекин на свршувачката, бидејќи се познаваа со години, живееја заедно, зрачеа со љубов’’ – откриваа тогаш за медиумите извори блиски до пејачот.

Вардар се најде во неочекуван проблем пред натпреварот со Порто во Европската лига на ЕХФ. Голема е веројатноста тренерот Владо Недановски да го нема на располагање Вуко Борозан.

Црногорскиот бек имал неубава ситуација во неделата. За време на прошетка на неговите деца, Борозан бил нападнат од кучиња и морал да ги одбрани своите деца. Случката ја откри тренерот Недановски на прес-конференцијата пред мечот со Порто.

„За жал имаме неколку повредени играчи, 4-5 ракометари. Се случуваат неочекувани работи во нашиот главен град. Вуко Борозан шетајќи со своите деца беше нападнат од кучиња и заврши во болница. Бранејќи ги своите деца заработи 14-15 конци“, откри тренерот на вардарци.

Борозан по случката завршил во болница, повреден и „искасапен“ од кучињата, па морал да добие 14-15 конци. 

Недановски откри дека голема е веројатноста Борозан да не настапи во дуелот против Порто.