Дури 80% од имунолошкиот систем е концентриран во цревата. Ако вашето тело се детоксицира правилно, а корисните бактерии се во рамнотежа во цревата, имате природна суперсила да им се спротивставите на настинките и на грипот без антибиотици. Исто така, некои намирници може да ви помогнат да ја исчистите крвта од тешки метали и да спречат згрутчување на крвта, а некои може да се борат против лошиот здив. Во продолжение прочитајте како да ги отстраните токсините од вашето тело на природен начин.

 1. Авокадото ги отстранува хемикалиите од црниот дроб

Авокадото го намалува холестеролот и ги шири крвните садови, истовремено блокирајќи ги токсините што ги уништуваат артериите. Авокадото содржи хранлива состојка наречена глутатион, која блокира најмалку 30 различни канцерогени и му помага на црниот дроб во детоксикацијата на синтетичките хемикалии. За луѓето со висок крвен притисок, овие плодови се особено значајни бидејќи помагаат природно да се намали и да се избегне ризикот од срцеви заболувања и мозочен удар.

 2. Ананасот го разградува холестеролот

Ананасот е овошје кое содржи природен согорувач на мрснотии наречен бромелаин, што му помага на вашето тело да ги разградува протеините и да ги вари. Ананасот е особено ефикасен во разградувањето на холестеролот и во неговото отстранување од телото. Ја разредува крвта и спречува згрутчување на крвта. Ананасот е најдобро да се јаде свеж, а не конзервиран бидејќи ензимот бромелаин се уништува во процесот на конзервирање.

 3. Киселата зелка ги отстранува токсините и ја чисти кожата

Оваа ферментирана храна лесно се обработува во дигестивниот систем бидејќи е веќе „претходно варена“ за време на ферментацијата. Оваа мешавина е пробиотичка и полна со растителни влакна и помага за намалување на надуеноста, за порамен стомак и за почиста кожа бидејќи помага да се излечат акните. Киселата зелка му помага на вашето тело да ги апсорбира витамините и минералите поефикасно. Ви дава повеќе енергија затоа што вашето тело троши помалку за време на варењето, така што ќе имате природно зголемување на енергијата.

4. Свежите и сувите кајсии го отстрануваат запекот

Сувите кајсии се познати по нивното природно лаксативно дејство. Ако сте склони кон запек, оваа храна ќе дејствува како природна „четка“ за цревата. Свежите кајсии имаат огромна количина растителни влакна, кои ви помагаат да бидете сити подолго време, а во меѓувреме ги храни корисните бактерии во цревата. Ова овошје е богато со антиоксиданти, го помага природното чистење на организмот и придонесува за здравјето на очите.

5. Спирулината помага во борбата против телесните мириси

Спирулината е состојка која се смета за една од најсилните во чистењето на крвта од тешки метали. Но, најатрактивната карактеристика на овој зелен прав е можноста на нејзината главна состојка, хлорофилот, да го неутрализира мирисот на телото. Лекарите го нарекуваат хлорофилот „внатрешен дезодоранс“ и со неговото консумирање, телото добива мирис како штотуку да сте се истуширале.

6. Грејпфрутот ви дава дополнителна енергија и го обликува струкот

Грејпфрутот содржи нооткатони, хемиски соединенија што можат да го зајакнат метаболизмот и да помогнат при намалување на тежината. Исто така, тие се богати со растителни влакна, кои ве одржуваат сити и можат да помогнат во рамнотежата на нивото на шеќер во крвта. Основата на детоксикацијата со грејпфрут е златното правило: јадете половина грејпфрут со секој оброк во текот на една недела за да добиете дополнителна доза хранливи материи, како влакна и витамини А и Ц.

7. Краставицата го освежува здивот

Водата од краставиците ја спречува сувоста на устата и го чисти вишокот несакани остатоци од храната што може да останат во устата по оброкот. Слично како јаболкото, краставицата го стимулира производството на плунка што помага во хидрирањето на устата. Всушност, држењето парче краставица помеѓу јазикот и горниот дел на усната шуплина помага да се спречи непријатниот мирис. Крцкавиот зеленчук помага и во отстранување на плаките на забите и непцата, со кои се хранат бактериите.

Познато е дека за да се одржи и  подобри здравјето на срцето, постојат одредени намирници што треба да се избегнуваат во исхраната.

Така, д-р Лирој Лот од Њујорк сподели листа намирници коишто се лоши за кардиоваскуларниот систем. Лекарот наведува оти, во таа смисла, конзервираниот зеленчук и овошје се некаде на врвот на списоков, поради големата количина сол и шеќер. Тој истакнува дека далеку попрепорачливи се свежите овошја и зеленчук. Исто така, треба да избегнувате конзервирана храна воопшто, токму поради големата содржина на натриум (сол), којашто може да го зголеми ризикот од срцеви заболувања, висок крвен притисок и мозочен удар.

На листата на американскиот доктор се најде и белиот ориз. Тоа е рафинирана житарка што брзо се претвора во шеќер во телото, што значи и повеќе маснотии. Во овој поглед, не треба често да се јаде ниту бел леб, бидејќи тој е исто така рафиниран јаглехидрат.

Сирупите за слатки и замрзнатите колачи се, исто така, на листата поради високата содржина на шеќер. Лекарот советува да избегнувате и преработено месо што, обично, е богато со сол и заситени масти. Во таа смисла, солта е штетна за срцето бидејќи го зголемува крвниот притисок.

Кога станува збор за напитоците, д-р Лот особено го нагласува пивото. Според објаснението, овој пијалак го оштетува срцето на неколку начини. Претерувањето, имено, може да го оштети самиот срцев мускул.

Патем, и Лот и здравствените власти воопшто ги советуваат граѓаните - и мажи и жени да го ограничат внесот на алкохол.

На овој список се и енергетските пијалаци. Нивната содржина на кофеин потенцијално ги зголемува отчукувањата на срцето и крвниот притисок. Дури и кечапот и другите сосови може да претставуваат опасност поради високата содржина на шеќер и сол. 

Црната пластика може да изгледа добро во кујната, но многу луѓе престануваат да ја користат од здравствени причини. Забранетите токсични успорувачи на горење може да се најдат во различни предмети за домаќинството, вклучително и садовите за готвење, покажува новото истражување.

Црната пластика стана дел од многу кујни бидејќи изгледа добро. Но, според новото истражување, за неа нема место во кујната.

Истражувачите тестирале производи направени од црна пластика, која обично се рециклира откако првично била користена како заштитен дел за електроника, како што е куќиште за телевизор. Оваа пластика често се третира со успорувачи на горење за време на производството на електронски уреди. Сепак, дури и по рециклирање, хемикалиите – кои се поврзани со голем број негативни здравствени ефекти – можат да останат во високи концентрации, пишува Health.com.

„Оваа студија го нагласува недостатокот на хемиска регулација поврзана со она што влегува во нашиот систем за рециклирање“, рече Меган Лиу, главен автор на студијата и шеф на науката и политиката во Иднина без токсини.

Во студијата, објавена овој месец во списанието Chemosphere, Лиу и двајца нејзини колеги тестирале 203 црни пластични предмети за домаќинството за присуство на различни хемикалии. Помеѓу тестираните производи имало послужавници за суши, кутии за брза храна, детски играчки и кујнски прибор.

Секоја ставка прво се тестира за бром, хемикалија која се користи во некои успорувачи на горење. Ако нивото на бром надминало 50 делови на милион, тимот дополнително го анализирал присуството на бромирани и органофосфатни успорувачи на пламен. Овие хемикалии често се користат во електрониката и се поврзани со сериозни здравствени ризици, вклучувајќи рак и ендокрини нарушувања.

Истражувањето покажало дека дури 85 отсто од тестираните производи содржеле хемикалии кои го успоруваат горењето. Најголемите количини се пронајдени во послужавник за суши, шпатула.