Една девојка се заразила во текот на својот одмор на Јадранско Море, а набрзо нејзините пријателки почнале да добиваат красти по целото тело…

– Бев на одмор со пријателите и на плажата забележавме црвена точка на мојата усна. Отпрвин мислев дека е херпес, бидејќи често ми избива кога ќе ми падне имунитетот. Меѓутоа, по враќањето дома, точката почна да се шири и се претвори во меури полни со вода. Сè добро дезинфицирав и ги мачкав раните, но ништо не помогна – вели сплиќанката за порталот „24сата.хр“, која овој викенд сигурно ќе ѝ остане во горчливо сеќавање.

„Ми рекоа дека станува збор за слатка крастa или импетиго, бактериска инфекција на кожата кај возрасните најчесто е предизвикана од бактериите Staphylococcus aureus или Streptococcus pyogenes. Почеста е кај децата, но и возрасните можат да ја развијат оваа инфекција, особено ако имаат ослабен имунитет или оштетување на кожата. Летните услови се идеални за раст и ширење на бактерии, топлината и влажноста може да го зголемат потењето, што може да ја иритира кожата и да создаде поволни услови за инфекција“.

– Искрено, не знам дали е до постелнината во станот, до моретo… – рекла таа и додала дека во аптеката ѝ рекле дека ова не е прв случај летово и дека луѓето постојано доаѓаат кај нив со истото прашање.

Сплиќанката додала дека нејзините пријатели последователно ги развиле истите симптоми.

– Имам красти на брадата и телото, друга пријателка има красти околу усната, трета на грбот… Добив и температура и чешање по целото тело – рекла една од нив за „24сата.хр“.

Веѓите се украс на нашето лице. Изгледот на веѓите може да има големо влијание на изгледот на вашиот лик и да ве разубават.

Но, според експертите, вашите веѓи можат да послужат за уште поголема цел. Тие можат да бидат прозорец во вашето целокупно здравје, давајќи ви индиции за тоа дали се храните добро или спиете доволно.

„Тие исто така можат да откријат различни здравствени проблеми, од хормонален дизбаланс до автоимуни нарушувања“, вели др. Сара Џенкинс.

Без разлика дали ги одржувате дебели и полни, остри и тенки, ги избелувате или ги бојадисувате, вреди да се обрати внимание на веѓите.

Овде откриваме што би можеле да ви кажуваат вашите веѓи - од различни состојби до индиции за тоа како да ги подобрите вашите животни навики.

Хипотироидизам

Состојбата на веѓите каде се забележува делумно губење на влакната, особено кон краевите, може да укаже на хормонална состојба позната како хипотироидизам. Ако имате хипотироидизам, кожата околу веѓите може да биде сува и ронлива.

Псоријаза

Одредени кожни заболувања, како што е псоријазата, исто така може да ги променат вашите веѓи. Кожата околу веѓите ќе стане подигната, груба, ронлива, што исто така може да предизвика влакната да престанат да растат.

Псоријазата предизвикува лушпести дамки на кожата. Овие точки обично се појавуваат на лактите, колената, скалпот и долниот дел на грбот, но тие можат да се појават насекаде.

Алопеција

Ако забележите мали дамки и опаѓање на влакната на веѓите, може да страдате од алопеција.

Автоимуната болест може да се појави и на телото, вклучувајќи ја косата, брадата, веѓите, трепките или влакната на телото. Ова се случува кога клетките погрешно ги напаѓаат фоликулите на косата, спречувајќи ги да произведуваат повеќе влакна.

Фитнес тренерот и експерт за слабеење, Shayne Rowland, тврди дека постои нешто што треба да го правиме секое утро ако нашата цел е да изгубиме тежина – треба да појадуваме.

Rowland вели дека за губење на тежината без гладување, појадокот е исклучително важен, затоа што ако го прескокниме, ќе бидеме многу гладни во попладневните часови, што може да доведе до нарушување на режимот и можност да посегнеме по дополнителна храна.

– Еден од најефективните и најважните совети е да не се изгладнувате кога се обидувате да изгубите тежина. Јадете протеини порано во текот на денот, за појадок, вели тренерот.

Тој забележува дека малиот протеински бар или пијалок нема да бидат доволни.

– Не зборуваме за протеински бар од 15 грама протеини или за шејк со 30 грама протеини. Зборувам за внесување најмалку 50 до 70 грама протеини плус во вашиот појадок. Ви гарантирам ќе бидете многу помалку гладни и вашата енергија ќе биде одлична во текот на целиот ден, заклучи Rowland.