Министерот за здравство Арбен Таравари, одговарајќи на новинарско прашање за случајот со починатото 14-месечно бебе во Скопје, изјави дека добро е што Клиниката за педијатрија презема одреден чекор и изрази надеж оти „ќе се разбуди совеста кај менаџментот на болницата во Козле“.

– Ние ги резгледавме со екипата со правната екипа во Министерството, сите наши можности. Добро е што Клиниката за педијатрија презема одреден чекори и се надевам ќе се разбуди совеста кај менаџментот на болницата во Козле. Ќе дадеме официјално до Лекарска комора, таму има етичка комисија што треба да одлучува. Наши препораки ќе има, извештајот е тука. Доколку не веруваат на извештајот, нека си направат свој, меѓутоа, дека има одреденни пропусти, лекарски, има, одговори Таравари по изјавите за медиуми денеска пред Клиниката за онкологија.

Тој смета дека добро би било сите заедно да дадат одреден сигнал до граѓаните да почнуваат да веруваат во системот.

Претходно, министерот рече дека се надева оти двајцата директори ќе преземат некакви мерки. Министерот подвлече дека очекува од нив да има некаква одговорност.

Директорот на Универзитетската клиника за детски болести во Скопје, Реџеп Мемеди околу случајот со смртта на 14-месечното бебе, донесе решение за времено отстранување на двајца здравствени работници – доктори специјалисти од здравствената установа, за кои се води дисциплинска постапка, согласно член 192 став 2 од Законот за здравствена заштита, до донесување на конечно решение во дисциплинската постапка.

На веб страницата – vakcinacija.mk, каде пред три дена почна пријавувањето за бесплатна вакцинација против сезонски грип за ризични групи население, веќе се пријавени над 14.000 граѓани.

Предвидено е вакцинацијата да почне во текот на следната недела.

Набавени се 70.000 дози четиритипна вакцина против сезонски грип. Министерството континуирано го зголемува бројот на обезбедени вакцини.

-Потсетуваме дека пријавувањето се врши со пополнување на апликацијата vakcinacija.mk на следниот линк: https://vakcinacija.mk/mk/registration-flu?fbclid=IwAR06BSDGCR0NaKR8bJrWJ-mw1sDpmHFpJ5mOPTmZPSqzyiG8CNDddsSMmeM. На тој начин, директно се регистрирате за вакцинација во системот Мој Термин. Согласно распоредот предвиден во планот за вакцинација, преку смс ќе добиете повратна информација за точниот датум, час и место кога треба да се вакцинирате, велат од министерството.

Со бесплатна вакцинација се опфатени следните ризични групи:  повозрасни лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица.

Некои намирници и пијалоци можат да го зголемат ризикот од варење и надуеност, додека други го прават спротивното и помагаат да се намалат овие симптоми.

Разбирањето која храна може да помогне и која може да наштети е клучно за здравјето на дигестивниот систем.

„Подуеноста е начин на нашето тело да сигнализира дека нешто не е во ред“, објаснува докторката и нутриционист д-р Индира Гисаерт.

Иако зелениот чај во моментов е популарен поради неговите потенцијални здравствени придобивки, лекарите забележуваат дека не постојат магични намирници или пијалоци кои веднаш ќе ја намалат надуеноста, особено ако има медицински проблем. Но, некои пијалоци, како зелениот чај, можат да помогнат.

Според диететичарот Сара Логан, зелениот чај содржи амино киселини, полифеноли и влакна, а неговиот состав може да помогне во балансирање на бактериите во цревата, што го прави „вистински пијалок против надуеност“.

„Антиоксидансите во зелениот чај помагаат да се намали воспалението во цревата, додека полифенолите делуваат како пребиотици, или „храна“ за добрите бактерии во цревата“, вели Логан.

Исто така, катехините помагаат да се создаде подобра „средина за микробиоти во цревата“, која може да помогне во управувањето со надуеноста на долг рок.

Логан потоа продолжува да ја објаснува важноста на урамнотежена цревна микробиота:

„Нашите црева се дом на добрите и лошите бактерии кои ја сочинуваат нашата микробиота. Зелениот чај помага да се зголеми бројот на добри бактерии и да се намали бројот на лоши бактерии, што може да ја намали надуеноста и ризикот од хронични болести“, велат лекарите.

Истражувањето од 2010-та година сугерира дека зелениот чај може да има диуретично дејство, помагајќи му на телото да ги исфрли вишокот вода и натриум. Исто така, студија од 2022-ра година сугерира дека медитеранската исхрана дополнета со зелен чај може да ја подобри цревната микробиота и да го намали ризикот од кардиометаболни заболувања.