Оваа приказна го освои светот – се состанувам со девојка иако сум женет!

Интересно

пред 6 дена

Џерид Вилсон е сопруг, татко, автор и блогер. На својот блог тој јавно го пишува текстот со наслов „Се состанувам со девојка иако сум женет“.

Многумина би рекле дека тоа звучи ужасно и веднаш би го осудиле. Но, треба да ја прочитате неговата приказна. Иако не верувате, бидете сигурни дека ќе ве освои.

„Таа е неверојатна девојка. Убава е, паметна, силна и има неверојатна верба во Бог. Сакам да ја носам на вечера, во кино, да излегуваме на кафе и секогаш ѝ кажувам колку е убава.

Не можам да се сетам кога последен пат сум ѝ бил лут подолго од 5 минути. Нејзината насмевка знае да ми го разубави денот, без разлика на околностите.

Понекогаш доаѓа да ме посети на работа, ненајавено. Ми подготвува неверојатен ручек, а понекогаш ме изненадува и со колачиња кои сама ги направила.

Не можам да поверувам колку сум среќен што се состанувам со некоја толку прекрасна, и покрај тоа што сум женет. Топло ви препорачувам и вие да го пробате тоа и да видите што може да направи во вашиот живот.

Ох, а дали ви спомнав дека девојката со која се состанувам е мојата сопруга? Па, што друго очекувавте?

Само затоа што сте венчани, не значи дека вашиот живот со состаноци завршува.

Морав да продолжам да се состанувам со мојата сопруга иако се оженив со неа. Заведувањето и освојувањето меѓу нас не смее да престане само затоа што сме рекле „Да“. Често забележувам дека многу љубовни врски умираат затоа што престануваат да се заведуваат и освојуваат.

Состанувањето е време кога можеш многу да научиш и да откриеш за другата личност, и тоа на посебен начин. Зошто воопшто би сакале да престане тоа? Не треба. Оние пеперутки кои ги имавте на првиот состанок не треба да одлетаат само затоа што поминале години.

Будете се секој ден и заведувајте се меѓусебно како да сте на првите неколку состаноци. Ќе забележите драстична промена на подобро во врската, односот и бракот.

Комуникацијата и освојувањето се клучот за успешна врска. Никој не сака да биде во врска со некој што не сака постојано да го заведува и освојува.

Ве охрабрувам да почнете да се состанувате со вашите венчани партнери, да се заведувате, грижите и освојувате. Покажувајте ја љубовта секојдневно.

„Сакам да станам психолог - Словенија ми ја отвора таа врата“

Интересно

пред 2 недели

Елена и Јана Тунтевски се близначки, кои неодамна завршија прва година во СОУ Гимназија „Јосип Броз – Тито“ – Битола. За кратко, заминуваат во Словенија со своите родители. Двете се извонредни и инспиративни млади девојки, двете со свои желби и планови, и двете се активни на сите полиња кои им се достапни за нивната возраст.

Инклузијата на учениците кои имаат одредена попреченост е вистински предзивик за образовниот систем, за наставниците, за родителите и учениците. Според бројните истражувања, во моментов Словенија им нуди најдобро услови на учениците кои се соочуваат со одредена попреченост за да можат да имаат активен социјален живот и да се вклучени активно во него.

Елена е девојка која инспирира, мотивира. Всушност такво е целото нејзино семејство. Кога некој се соочува со попреченост, важна е поддршката од семејството.

После читањето на интервјуто – слободно можеме да се запрашаме: Каде се наоѓаме ние, кои можеме со леснотија да пресокнеме неколку скали? На што се жалиме? За што сме благодарни?

Читајте…може ќе откриете нешто што не сте знаеле за вас.

Целото интервју можете да го прочитате ТУКА

Ова растение треба да го има во секоја куќа - носи среќа и пари

Интересно

пред 3 недели

Ова е едно од најпопуларните растенија за во затворен простор, расте брзо и лесно, а долго трае, но има една работа на која треба да внимавате доколку го украсува и вашиот дом.

Дрвото на пари (лат. Crassula ovata) е домашно растение кое лесно се одржува, а се верува дека носи среќа и пари.

Красула треба да биде поставена во близина на влезната врата бидејќи се верува дека носи пари во куќата.

Ова растение е познато и како растение на пријателството, па затоа често се подарува на саканите, верувајќи дека на тој начин му покажувате благодарност на пријателот, на тој начин им покажувате дека сакате да го споделите богатството со нив.

Се состои од гранки кои личат на мали стебла и месести, овални лисја. Токму поради тоа што се смета за симбол на среќа, дрвото на пари е одличен избор за подарок.

Ова растение се нарекува и јапонско или кинеско дрво на пари.

Ова се растенија кои припаѓаат на родот Crassula и може малку да се разликуваат едно од друго. Најпопуларен вид е Crassula ovata.

Како да се одржува растението?

Бидете внимателни доколку имате мачка или куче. Дрвото на пари треба да биде поставено далеку од нив, бидејќи сите делови од растението се токсични за животните.

Дрвото на пари треба редовно да се полева, но треба да внимавате да не го полевате премногу често. Почвата во која се наоѓа дрвото не смее целосно да се исуши, па најдобро е да ја полевате кога ќе почувствувате дека горниот слој на почвата е сув под прстот.