Европската комисија испрати барања до Јутјуб, Снепчет и ТикТок да и достават дополнителни информации за дизајнот и начинот на функционирање на нивните системи за давање препораки на корисниците.

Барањето е испратено согласно Законот за дигитални услуги на ЕУ (ДГА), кои ги обврзува онлајн платформите да преземат мерки за намалување ризиците кои произлегуваат од нивните системи за препораки, вклучително и оние кои може да влијаат на менталното здравје на корисниците и кои се поврзани со ширењето на штетни содржини.

Комисијата бара од Јутујуб и Снепчет да и достават детални информации за параметрите што ги користат нивните алгоритми за препорачување на содржини на корисниците, како и нивната улога во засилувањето на одредени системски ризици, вклучително и оние поврзани со граѓанскиот дискурс, менталната благосостојба на корисниците и заштитата на малолетници. Барањата првенствено се однесуваат и на мерките за спречување на ширењето на илегални содржини и на промовирањето на нелегални дроги и говор на омраза.

Од ТикТок, пак, ЕК бара да и достави повеќе информации за мерките што ги презел за избегнување на манипулациите и злоупотребите на услугата од страна на злонамерни актери, како и за намалување на ризиците поврзани со изборните процеси, плурализмот на медиумите и граѓанскиот дискурс, врз кои може да влијаат одредени препораки до корисниците.

Трите платформи имаат рок за доставување на бараните информации најдоцна до 15 ноември. Врз основа на добиените одговорите, Комисијата ќе донесе одлуки за нејзините следните чекори поврзани со овие прашања.

Согласно член 74 став 2 од ДСА, за доставени неточни, нецелосни или погрешни информации на одредени барања од нејзина страна, Еврокомисијата може на онлајн платформите да им изрече парични казни. Санкции се предвидени и за недавање одговор на барањата до крајниот предвиден рок.

Чувањето чоколадо во фрижидер придонесува тоа да придобие лош вкус. Според стручњаците и познавачите, тоа е лошо од неколку причини, пишува порталот „Индекс“.

Имено, чоколадото лесно може да ги апсорбира вкусовите на другите намирници во ладилникот, па тоа, се чини, е главна причина за губење на слаткиот вкус. Промената на бојата е уште еден проблем што се јавува кога влагата во фрижидерот влијае врз шеќерот во чоколадото, којшто се јавува на површината и тоа добива „бледа“ боја.

Се препорачува чоколадото да се чува на место каде што температурата е меѓу 12 и 18 Целзиусови степени.

Закуска пред спиење му годи на телото, особено по долг, напорен ден. Сепак, она што се јаде пред спиење може или да го поддржи или да му наштети на човековиот метаболизам.

Погрешна закуска може да го наруши варењето, т.е. да ги забави процесите на согорување на маснотиите, но влијае и на сонот. Во оваа смисла, според стручњаците, трите најопасни вечерни „вкусни задоволства“ се сладоледот, чипсот и крекерите.

Сладоледот е една од најомилените идеи за убивање на гладот пред легнување. Сепак, се наведува, тоа не е толку добро за метаболизмот, сонот, а ни за тежината. Тоа, зашто сладоледот е полн со шеќер и масти, што може негативно да влијае.

Чипсот и крекерите се уште еден лош избор за пред спиење. Многу од ваквите грицки обично се направени со рафинирани јаглехидрати, нездрави масти и високо ниво на натриум. Токму последново доведува до задржување вода, што пак, води кон надуеност. Нивото на шеќер во крвта се зголемува поради јаглехидратите што може да го забават метаболизмот, и тоа многу брзо.

Овие производи обично содржат многу преработени и нездрави јаглехидрати. Тие можат да предизвикаат воспаленија во телото и нарушување метаболизмот.