Поддршка до 30 илјади евра за младите да отворат свој бизнис и 250 евра ваучер за студентите за купување електронски уред

Поминаа 100 дена од новата влада предводена од ВМРО-ДПМНЕ. Период доволен за една внатрешна ретроспектива и ревизија на расипничкото работење во изминатите 7 години, но и пресвртен момент во кој правиме значаен чекор кон испорачување на светла иднина за сите, истакна Сергеј Попов, пратеник и претседател на УМС на ВМРО-ДПМНЕ.

Младите луѓе, како што рече, во првите 100 дена увидоа дека во Владата, Собранието и институциите можат да имаат конструктивен партнер со кого преку дијалог и работа ќе ги решаваат сите предизвици.

„По успешната интервенција и обезбедување на пари од буџетот за студентите, лекарите, студентските домови и инфраструктурни проекти, продолжуваме со новитети во креирањето на младинските политики.

Македонската влада, обезбедува фонд во вредност од 10 милиони евра за развој на бизниси за млади лица од 18 до 29 години, кои со својата креативност, визија и идеја, добиваат можност за добивање грант за поддршка во износ и до 30 илјади евра. На овој начин, ја стимулираме домашната економија, поттикнуваме економска активност и најважно од се, создаваме финансиски независни и успешни индивидуи.

Со новиот буџет кој е во изработка Владата преку јасни критериуми и воспоставен јасен систем, ќе подржува ваучери во вредност до 250 евра за купување на електронски уреди за сите студенти во Македонија“, додада тој.

Целта како што рече е создавање на младина која е едуцирана, која континуирано учи и твори во Македонија, а истовремено развива и извезува идеи и вештини пред целиот свет. Со овој проект, според него, се приближува технологијата до секој еден студент и се олеснува пристапот кон глобалните и светските текови.

Сите студенти ќе добијат ваучер за набавка на електронски уред, преговорите со ИТ компаниите треба да завршат до крајот на годинава

Електронските уреди што треба да ги добијат сите студенти ќе се обезбедат преку ИТ компаниите, а преговорите со нив веќе се отпочнати и се очекува да завршат до крајот на годинава. 

Портпаролката на Владата Марија Митева денеска на прес-конференција појасни дека секој студент ќе добие ваучер од 250 евра за набавка на електронски уред. 

-  Целта е да се изнајде решение со кое компаниите ќе ги обезбедат електронските уреди, а исплатата ќе биде извршена преку ваучерите кои ќе бидат наменети за сите студенти. Воведувањето на оваа мерка со која на сите студенти ќе им обезбедиме ваучер од 250 евра специјално за купување електронски уреди е дизајнирана да обезбеди сите студенти да имаат пристап до технологијата што им е потребна за да успеат во денешниот дигитален свет, рече Митева.

По финализирањето на преговорите со ИТ компаниите, од Владата најавуваат повеќе детали како ќе се одвива целиот процес. 

Покрај ваучери, како што посочи Митева, Владата ќе обезбеди и финансиска поддршка од 30.000 евра за отворање бизнис на млади. 

ЕСМ Снабдување со топлина со апел до потрошувачите за навремена подготовка за непречена испорака на топлинска енергија

ЕСМ Снабдување со топлина ДООЕЛ Скопје денеска преку соопштение апелираше до потрошувачите да ги отстранат евентуалните пречки и дефекти во внатрешната инсталација, а заедниците на станари или управителите на зградите да овозможат непречен пристап на службените лица до топлинската станица, како и да обезбедат постојано напојување на топлинската станица со електрична енергија (платени сметки за електрична енергија за топлинската станица и функционална електрична инсталација).

- Согласно податоците во Центарот за грижа на потрошувачи, во моментов има 170 затворени објекти, од кои 27 објекти имаат прекин на довод на електрична енергија во топлинската станица, во 43 објекти, екипите на операторот на дистрибутивниот систем немаат пристап до топлинската станица и 100 објекти се оневозможени да добијат испорака на топлина од системот за централно греење поради дефект во внатрешната инсталација на објектот, наведуваат во соопштението.

Потенцираат дека соработката од страна на потрошувачите и заедниците на сопственици е во интерес на сите страни со цел да се обезбеди навременa и квалитетна испорака на топлинската енергија.

За информации или пријави на дефекти и завршени интервенции, потрошувачите може да се јават во Центарот за грижа за потрошувачи на телефонските броеви 023076200 и 075400100.

ЕСМ

Почина Игор Лазарев, советник во општина Центар и претседател на огранокот на Социјалистичката партија

Од Социјалистичката партија на Македонија соопштија тажна вест - почина Игор Лазарев (1977 - 2024).

Тој беше член на Претседателството на Социјалистичката партија на Македонија, претседател на ОО СПМ Центар и член на Советот на Општина Ценатар.

- Не напушти нашиот Игор ... Топол, искрен, непосреден, мудар и неуморен борец и посветен социјалист. Голема загуба за Партијата. Искрено сочувство за неговите најблиски за ненадоместивата загуба и големата болка. Вечна му слава! - се наведува во објавата од партијата. 

Популарно