Белата ајкула-дух пронајдена во близина на островот Сазан во Албанија го воодушеви светот

Белата ајкула-дух пронајдена во близина на островот Сазан во Албанија, е првиот пример на леукизам кој некогаш бил забележан кај овој вид и истата го воодушеви светот, објавија албанските медиуми.

Леукизам е ретка состојба која предизвикува делумно губење на пигментацијата на кожата и крзното кај животните,  но за разлика од албинизмот, не ги погодува и очите.

-Ајкулата „дух“ која беше откриена на албанскиот брег е позната како ајкула со груб агол (Oxynotus centrina). Овој редок примерок е пронајден во близина на островот Сазан, изолирана воена база, на длабочина од околу 200 метри. Ајкулата се разликувала поради ретка генетска состојба наречена леукизам, која го нарушува производството на меланин и предизвикува намалена пигментација, наведуваат медиуми.

Според „Livescience“, ова е првпат да се документира леукизам кај овој вид и кај целото семејство на ајкули, Oxynotidae.

Таквите аголни ајкули обично имаат темно сиво-кафеава или црна боја со темни дамки на нивните страни за да им помогнат да се вклопат во нивната околина.

Ајкулата-дух е со совршено здравје, што го потврдуваат и објавените фотографии. Некои истражувања сугерираат дека недостатокот на пигментација може да ги направи поединците повидливи и за предаторите и за пленот, потенцијално намалувајќи ги нивните шанси за преживување, изјавил фотографот Андреј Гајиќ од Sharklab ADRIA.

Тој смета дека ова откритие, заедно со други податоци од здрави ајкули со нарушувања на пигментот, имплицира дека овие абнормалности немаат значително негативно влијание врз способноста на длабоко морските ајкули да се хранат, избегнуваат предатори или да се размножуваат. 

(ВИДЕО) Кравата му се отелувала па веднаш отрчал во штала: Иван не очекувал дека неговата Елза ќе биде една во 100.000

Неодамна крава отелила три телиња што самото по себе е реткост бидејќи најчесто се отелува само по едно теле. А кога ќе се отелат четири телиња, тоа е веќе чудо над чудата.

Ветеринарите велат дека во 10.000 случаи се отелува тројка, а веројатноста кравата да отели четири телиња е еден во 100.000, пренесува замедиа.рс.

На фармата на Иван Фановиќ во Зајачар пред неколку денови неговата Елза отелила дури четири телиња.

Погледнете ја оваа приказна:

ФОТО: Радост во скопската ЗОО - се родија бебиња пингвини

Од Зоолошката градина Скопје денеска објавија дека „Новата година во Скопје ЗОО ќе ја започнеме со две бебиња пингвини“.

„Нашиот пар Џонатан и Лила се родители на две мали пингвинчиња кои се испилија на 23-ти и 26-ти ноември.

Пингвините несат по најмногу две јајца, а најчесто преживува само едно, но во Скопје ЗОО со сета грижа успешно се справуваме со овој предизвик веќе трета сезона и ова е трета година како што имаме бебиња, што е голема реткост во поголемиот број зоолошки, но и во природата. Да ни се живи и здрави“, велат тие во објавата.

Најстарата дива птица во светот на 74 години си најде партнер

Во 1956 година, научниците од американското Национална служба за диви животни на Мидвеј Атол - остров во Тихиот Океан којшто служи како живеалиште за птици албатроси, забележале женка како се гнезди во таа област. Потоа ѝ ставиле ознака на ногата за да ја следат. Овој вид почнува да се размножува на возраст од околу пет години, па научниците претпоставиле дека таа птица е родена околу 1950 година. Ја нарекле Виздом (Мудрост).

Според научните проценки, таа единка сега има 74 години и се смета за најстарата дива птица во светот. Досега извела дури 60 јајца, а последниве четири години, Виздом мистериозно останала и без својот долгогодишен партнер, па и не несела јајца.

Но, оваа година, набљудувачите открија дека Виздом нашла нов партнер.

„Таа повторно го направи тоа. Најстарата позната дива птица во светот, Виздом има нов партнер и само што снесе уште едно јајце“, соопшти американската служба.

Атолот Мидвеј се наоѓа северозападно од Хаваите, и е дом и засолниште на илјадници морски птици коишто тука доаѓаат да ги снесат своите јајца. Благодарение на проектите за заштита, оваа област нуди безбедно засолниште за Виздом и многу други птици како неа.

Популарно