Се срамел од својата мајка: а кога умрела, добил писмо...

Се и сешто Живот

на 10.2013

Веќе подолго време низ интернет кружи приказна од непознат автор за синот кој се срамел од својата мајка. Веројатно е фикција, но вреди да се прочита, ако веќе не сте го сториле тоа!

1112-660x300

Имав мајка со едно око. За жал, прилично ја мразев, бидејќи со својот застрашувачки изглед често ме доведуваше во непријатни ситуации.

Работеше како готвачка во училиште за да не прехрани.

Се сеќавам, еден ден, додека бев момче, како таа дојде во моето школо да ме види. Бев шокиран. Како можеше да направи вакво нешто! Длабоко повреден и посрамотен, ја погледнав со огромен презир и ја игнорирав.

Следниот ден еден од учениците ми се обрати со овие зборови: “Леле, мајка ти има само едно око!“ Посакав буквално да умрам, а на мајка ми и бев толку лут што посакав засекогаш да исчезне од мојот живот. Тоа и го направив, следниот ден и реков: “Зошто ме брукаш? Зошто едноставно не умреш?“

Ништо не одговори. Бев толку лут што не бев во состојба да забележам како таа се чувствува. Само сакав, еднаш засекогаш да заминам од таа куќа за да не морам никогаш повеќе да ја гледам.

Бев трудољубив ученик и добив стипендија што ми овозможи образование во друг град. Заминав, завршив факултет, се оженив, купив куќа, добив деца и бев буквално среќен и задоволен од својот живот.

Еден ден, ненајавено, дојде мајка ми, за да ме види мене и внуците. Кога дојде на врата, моите деца почнаа да се смеат.

Бесно и викнав: “Како се осмелуваш да ми ги плашиш децата? Губи се надвор! Не сакам да те видам!“

Смирено одговори: “Прости ми. Изгледа сум ја згрешила адресата…“ И замина…

Еден ден добив покана од старото училиште за да прославиме незнам која годишнина. После состанокот, од чиста љубопитност одлучив да ја ѕирнам мојата стара куќа.

Соседите ми рекоа дека мајка ми умрела. Не бев тажен, не пуштив ни една солза. Воопшто не ме погоди нејзината смрт.

Соседите ми го дадоа писмото што ми го оставила.

“Мил мој сине, често размислував за тебе…Прости ми што ги исплашив твоите деца. Многу бев среќна кога слушнав дека ќе дојдеш на годишнината. Можеби нема да можам да станам од кревет за да те видам. Многу сум болна. Прости ми што толку пати те доведов во незгодна ситуација и што поради мене ти страдаше. Сепак, сакам нешто да знаеш…кога беше ти мал, докторите рекоа дека би можел да останеш без око. Не можев да те оставам така – да растеш со едно око, па ти го дадов моето. Со љубов. Бев среќна и горда што моето сакано дете ќе може да го гледа светот со две очи. Те сакам сине! Мама

Изгради успешен бизнис и силен тим – инспиративен разговор во четвртата епизода на „На Каде Одиме?“ со Павле Зимбаков

Напиши Се и сешто Вести Промоција

пред 5 дена

Во четвртата епизода на „На Каде Одиме?“ ни гостува Павле Зимбаков – искусен консултант и коуч кој со своето знаење и искуство помага професионалци и компании да го остварат својот целосен потенцијал

Со Павле зборуваме за тоа што е вистински клучно за успехот и како да се гради кариера во динамичниот и брз свет на денешното работење. Тој ни открива колку е значајно да се вложува во тимбилдингот и изградбата на силни, мотивирани тимови, како и за тоа како компаниите кои инвестираат во едукација на своите вработени создаваат стабилна и одржлива иднина.

Во разговорот Павле истакнува дека златното правило на комуникацијата со клиенти не е само теорија – туку практична алатка која помага да се изгради доверба, долгорочни односи и вистинска вредност за бизнисот. Со конкретни примери од корпоративниот свет, тој нуди совети кои секој може да ги применува за да го подобри тимот, компанијата и сопствениот професионален развој.

Овој разговор е инспиративен, полн со практични совети и уникатна гледна точка од експерт кој секојдневно го применува своето знаење за да креира успешни бизниси и мотивирани тимови.

🎧 Епизодата е достапна на YouTube и Spotify:

KARIERA.mk слави 9 години!

Од терен Напиши Се и сешто Вести Анкети Промоција ЗаСе Премиум

пред 5 дена

Оваа година KARIERA.mk слави 9 години постоење! 🎂

За нас, овие години значат многу повеќе од бројка, тие претставуваат заедница која расте, се развива и создава илјадници нови кариерни приказни.

🌟 9 години поврзуваме луѓе, компании и создаваме можности

Во изминатиот период, дојдовме до бројки кои ни го исполнуваат срцето и ни ја потврдуваат мисијата:

✔️ Над 240.000 зачленети корисници на платформата

✔️ Повеќе од 6.700 зачленети компании 

✔️ Илјадници нови вработувања секоја година

✔️ Растечки број алатки, услуги и поддршка за кандидати и HR професионалци

✔️ Успешни настани, работилници и Career Days кои ги поврзуваат барателите на работа со компаниите

Секој оглас, секое испратено CV, секое ново вработување е дел од приказната што ја пишуваме заедно.

KARIERA.mk денес е многу повеќе од веб-сајт за огласи за работа.

Во последните 12 месеци ја проширивме нашата понуда и ја продлабочивме поддршката за компаниите и кандидатите:

  • Нова генерација на алатки за HR и селекција
  • Подобрена MojaKARIERA зона за кандидатите
  • Подобрена иновативната алатка HR Scanner, која го трансформира начинот на регрутација
  • Преку Career Days, работилници и HR настани, поврзуваме заедници и градиме поуспешен пазар на труд
  • Содржини, трендови, поддршка и професионален развој на едно место

❤️ 9 години доверба, поддршка и инспирација

Нашата најголема сила се луѓето, кандидатите кои ја почнуваат својата приказна, компаниите што градат тимови и партнерите што веруваат во нас.

Ви благодариме што 9 години нѐ правите дел од најважните професионални моменти.

🎯 Ова е само почеток

Влегуваме во свечениот 10-ти јубилеј со огромна мотивација, да креираме уште повеќе можности, уште подобри алатки и уште посилна заедница.

Среќен 9-ти роденден, KARIERA.mk!

Да продолжиме да создадеме успешни приказни, заедно. 🎉💼✨

Подгответе се за спектакл во СЦ „Јане Сандански

Забава

пред една недела

Регионалната музичка икона Сенидах го најави својот прв солистички концерт во Скопје, на 14 февруари 2026 година, во СЦ „Јане Сандански“. По спектакуларниот настап на белградскиот Ташмајдан, Сенидах ја носи својата естетика, енергија и препознатлив сценски израз во македонската престолнина, подготвена да создаде уште еден момент што ги поместува стандардите на регионалните live настапи.

Својата кариера ја гради храбро, гласно и без компромиси. Денес е препознатлива по специфичниот вокал, неповторливиот музички израз и сценски настап што ги брише границите меѓу жанровите, сензибилитетите и стиловите. Сенидах умешно ги спојува R&B, трап и елементите на балканската народна музика, создавајќи звук кој е единствен во регионот и препознатлив глобално.

Од соработки со уметници како Дино Мерлин, Цоби, Џала Брат и Буба Корели, Раф Камора, до самостојни изданија што бројат милионски стримови – Сенидах го изгради статусот на едно од најавтентичните современи имиња на новата балканска сцена. Нејзиниот трет студиски албум „Сен и дах“ објавен на почетокот од годината, бележи исклучителни резултати, додека сингловите „Делија“ и „Иди гаде“ и понатаму доминираат на топ-листите.

Организацијата ја потпишува SKYMUSIC продукција, а публиката во Скопје ја очекува продукција на светско ниво – моќен звук, силна визуелна режија и сценски дизајн што го следи секој ритам и емоција на нејзиниот автентичен израз. Тоа ќе биде концерт кој ја потврдува Сенидах како една од најхрабрите и најдоследни авторки на денешната регионална музика.

Влезниците за концертот на Сенидах почнувајќи од денес се достапни преку бесплатната апликација eFinity и преку платформата Wayin.mk.

Популарно