Македонија е во сериозна политичка криза неколку месеци. Бомби, блеф, преговори и надворешен фактор стануваат секојдневие. Хаосот се всели и стана нормален начин на функционирање, а излезот не е блиску колку што јас би сакал. Поразително е што при секој конфликт или незадоволство на некоја политичка структура во Македонија, веднаш каниме надворешен фактор да ни помогне. Во таква ситуација сме и сега, па главна тема на дел од стручњаците е на чија страна се ЕУ и САД. За кого навива Хан, а за Кого Бејли и зошто?
Во светот на политиката и моќта не постојат симпатии и пријателства. Нема добри и лоши, пријатели и непријатели на Македонија. Ниеден светски политичар не го симпатиШе Груевски или хејта Заев и обратно, од свои лични побуни. Во политиката, поготово во светската, постојат само ИНТЕРЕСИ и ПАРИ!!! Ништо друго не е важно. НИШТО!
Смешни беа тврдењата на некои проопозицикси новинари дека Хан бил наклонет кон Груевски затоа што бил потплатен. Уште па и излегоа со сума од 5 милиони евра! Само не објаснија како би ја оправдал Хан својата одлука пред ЕУ и САД. Уживај братче ќе ти пуштам 100.000 и на тебе?!!!! Не оди тоа така кога цената и битката во Македонија е за нешто многу поголемо.Искрено немав намера да пишувам на темава, мислејќи дека сево ова е општо познатоно, но бев разубеден во истото, па решив барем на кратко да ве потсетам на некои работи.
Јужен Тек - Турски Тек
Најпрво беше Јужен Тек и сето тоа требаше да изгледа вака:
Но, еден бугарски медиум почна да емитува прислушкувани телефонски раговори на премиерот Борисов. Во меѓувреме 350.000 гласачки ливчиња беа пронајдени во печатницата „Мултипринт“ во градот Костинброд, па иако Борисов е голем фаворит на предвремените избори, тој ја губи трката и фотељата. Новиот премиер на Бугарија, Сергеј Станишев веднаш ги прекинува преговорите за Јужен тек и потпишува договор за снабдување со гас со САД.
По ова, Русија мора да најде алтернатива за снабдување на големиот европски пазар со гас, па од Јужен се префрла на Турски Тек.
Новата, на фотото сина, лина ја заобиколува Бугарија, на сметка на Турција, Грција и Македонија. Следи, Таксим и крв во Турција. Над 100.000 Турци излегуваат на улица за секоја најмала причина. Најкрваво беше за плоштадот на кој беа исечени неколку дрва. Токму така, за 100 тина квадрати дрва Турција изгуби свои синови. Но, како и многу пати до сега Турција издржа. Ердоган уживаше огромна подршка кај својот народ, па иако изгуби дел од симпатизерите тој остана на власт. САД како и секогаш го прогласи за диктатор, но доживеа пораз.
Следна на патот беше Грција, но таму Американците одамна немаат моќ. Грците кои се веројатно на врвот за надворешна политика во светски рамки одолеваа на сите напади, иако државата им е пред банкрот. Интересно е што банкротот не го дозволи Германија. Најсиланата европска економија застана зад Грција и ги плати сите сметки на размазените Грци. Зошто? Ќе одговорам подолу.
По Грција, Македонија се најде на линијата на огнот. Сценариото веќе видено. Прислушкувања (како и во Бугарија) со логистичка и теренска помош на амбасадорот на САД, Бејли. (Доколку не знаевте, истиот тој Бејли беше амбасадор на САД во Турција за време на немирите и жртвите на улиците во Турција.) Сепак за да не биде се copy-paste, а со оглед на специфичноста на нашата држава, се организираше Куманово и нападот на терористите во „Диво насеље“. Рецепт кој успеа во 2001 година во Македонија.
Истиот ден кога во Куманово се водеше војна, Србија на границата донесе огромна сила и се понуди за помош. Не, не е тој потег затоа што Србите ни се браќа, туку повтроно интерес. И Србите знаат дека тие се следни по патот на рускиот гас. САД веќе работи и во Србија, како што тоа веќе се случува во Унгарија. Амриканците веќе го прогласија премиерот на Унгарија, Орбан за диктатор.
Во сето ова се вклопуваат и изјавите на подршка или критика на соседите. Албанија и Бугарија се на страната на Заев. Токму оние кои немаат ќар од Турскиот Тек, сега ја критикуваат владата на Груевски и бараат пад на „режимот“. Од друга страна тука се подршката од Србија и зачудувачки неутралниот став на Грција. Јужниот сосед како никогаш досега не ја користи ситуацијата во Македонија за оцрнување на нашата држава. Токму сега по 9 години пауза во Македонија ќе пристигне грчкиот министер за надворешни работи. Ова уште еднаш докажува дека во политиката нема непријатели, туку пари и интерес. Затоа по дваесет и пет години Македонија стана редовна тема во изјавите на Путин, за кој до пред една година не бевме сигурни дали знае дека постоиме.
Токму интересот на Европа ја донесе одлуката на Хан. Уште пред предлогот на еврокомесарот, опозиционерите знаеа дека нема да биде во нивна корист. Европа зависи од Рускиот гас, а Украина веќе не е стабилна и во секој момент може да падне единствениот извор на ефтин гас за европските индустрии. Всушност ова е единтсвената причина за германските евра во касата на Грција. Меркел со тие пари си плаќа ефтин гас во иднина, токму како и Хан и таа се залага за мирен расплет во Македонија.
Можеби сето ова ви звучи како теорија на заговор, но ова не е единствениот конфликт за цевки на гас во светот. Гасот индиректно ја запали и Украина, а војната во Сомалија исто така е за гасоводот кој минува низ неа. Најголемите две светски сили, Русија и САД војуваат за доминација во Европа, светот трепери, а ние се занимаваме со тоа дали Јелена Жугиќ е најдобрата актерка во Македонија и си играме „камп“ низ Скопје, па уште се фалиме колку сме патриоти или револуционери.
Автор: Пацифист
