„Најубави песни“, прв компилациски албум на Каролина Гочева

„Најубави песни“ е насловен на новиот албум на македонската поп дива Каролина Гочева, кој содржи 12 нејзини најубави песни со бонус од четири песни. Станува збор за прво компилациско ЦД на Каролина.

На прес-конференција по повод промоцијата на албумот, Каролина Гочева, изразувајќи задоволство од неговиот изглед истакна дека на албумот се наоѓаат оние песни за кои таа и „Авалон“ сметале дека се најубави.

- Направивме избор од 16 песни. Останаа и многу други песни кои сметаме дека можеби требаше да се најдат на албумот, но оставаме простор и за втор дел најубави песни понатаму за неколку години, рече Гочева.

На прес-конференцијата беше презентиран новиот спот за песната „Тој“, а беше најавен и концертот, кој Каролина Гочева ќе го одржи на 22 декември во Универзалната сала во Скопје.

Главно сум преокупирана, посочи Гочева, со подготовките за концертот.

- Искрено не се сеќавам некогаш толку со нетрпение да сум очекувала мој концерт, рече Гочева и додаде дека за концертот за некои песни има нови аранжмани.

Бобан Милошевски од „Авалон“ истакна дека како продукција се многу задоволни од визуелниот изглед на албумот.

- Се одлучивме тој концерт да биде акустичен првпат во кариерата на Каролина. Подготовките за концертот се во тек, посочи Милошевски.

Албумот „Најубави песни“ се продава по цена од 499 денари.

Четири знаци дека имате работа со емотивен манипулатор

Многу е тенка линијата меѓу партнер кој се однесува заштитнички кон вас или е доминантен и презема контрола над вашиот живот, без да сте свесни за тоа. Препознајте ги на време знаците кои откриваат дека сте во врска со манипулатор.

„Иако жените умеат да бидат посесивни, мажите се склони да бидат насилни ако почувствуваат дека им е загрозен љубовниот живот“, тврди д-р Луен Бризендин, професорка по клиничка психологија на Универзитетот во Калифорнија.

Проблемот обично почнува со нежни предупредувања, па по некое време се претвораат во преземање контрола, а партнерот може да стане и насилен.

Вака мажот манипулира со вас, ги открива вашите слаби и болни точки па кога ќе ве фати во момент на слабост ќе се постави како најпрекрасната личност во светот и ќе ве увери дека сите се против вас, а тој единствено ве штити. Важно му е да ве изолира, па целосно да зависите од него, често ќе ги оцрнува вашите најблиски и пријателите, за да ве оддалечи од нив.

Кога ќе сфатите дека не е воопшто фин, ќе биде доцна. Но, постојат знаци кои откриваат вакво однесување. Првиот и најсомнителен знак е ако ги прислушува вашите разговори или ве испитува за бројот кој ве повикал или на кој сте се јавиле.

Сомнително е и ако постојано ве набљудува како се однесувате во друштво и често ве обвинува дека флертувате со некој кој ве насмеал со шега. Постојано ве обвинува дури и ако поразговарате со пријател од детството.

Бидете внимателни, не е нормално да очекува дека целиот ваш живот постојано се врти околу него.

Овие четири знаци говорат дека си имате работа со манипулатор:

Колку вам ви е полошо, нему му е подобро

Колку вам ви е понезгодно во друштво, тој е позадоволен и се чувствува сакано. Тој е вашиот човек за сè.

Сè што прави ве збунува

Еден момент е грижлив, веќе во следниот миг е бесен бидејќи не е по негово и се уверувате себеси да го занемарите тоа, бидејќи многу „ве сака“.

Или сте со него или сте против

Ако одлучите да минете време со некој друг ќе ве натера да се чувствувате лошо бидејќи го „игнорирате“.

Емоционална манипулација

Ако вашиот партнер е некој покрај кого се чувствувате лошо, се плашите да го прашате нешто или да му кажете бидејќи не знаете како ќе реагира, можеби станува збор за емоционален насилник. Таквиот човек без причини ќе ви одржи предавање во кое ќе ги наброи вашите маани и ќе ве прогласи за глупави или неспособни, сакајќи да ја уништи вашата самодоверба. Ако сакате да го напуштите може да падне на колена и да се извини за повторно да ве придобие. Но, тоа ќе трае кратко и до првата прилика за ново емоционално манипулирање.

Еден знак да остане смирен, го чека тежок ден

ОВЕН

Се ближи момент на реализација на некои проекти како и прилика за потпишување на нов договор. Ссепак, сочувајте го трпение и одложите ги зацршните потези, затоа што, иако се оди според планот, и натаму не се исполнети сите предуслови да ставите точка на се. Избегнувајте караници.

БИК

Проблем за кој денеска дознавте, многу ќе ве промени. Решението е во вашите раце, ако превземете инцијатива, и ја победите својата суета, и конечно ќе ги поставите работите на место. Додека не дотерате се до совршенство, ќе ви годи повеќе рекреација.

БЛИЗНАЦИ

На вашиот партнер му пречи монотонија во која сте влегле. Иако сте расположени за друштво, не сте доволно подготвени на гужва и маса на непознати лица. Ако направите компромис, ве очекува романтична вечер полна со нежности која ви недостасувала.

РАК

Ве вклучуваат во сите случувања кои се околу вас. Чувството дека сте повикани да реагирате на се е резултат на вашето влегување во туѓите проблеми. Инаку тоа не ви пречи, но сега сте уморни. Не се лутите, размислите колку е вашата одговорност во сето тоа.

ЛАВ

Расположени сте, па со нетрпение ја очекувате вечерашната журка. Наклонетост кон љубовните авантури би можеле да ве вплеткаат во врска од која тешко дека ќе се извлечете. Ако сакате да избегнете скандали, совладајте се себе си и немојте да подлегнувате на искушенија.

ДЕВИЦА

Собирате што сте направиле во минатиот период, а резултатот ве чини горд. Уште само сето тоа да го пренесете на соработниците, но и на семејството, па вашата среќа да биде комплетна. Немојте да го барате тој аплауз, затоа што тоа ќе ви го расипе чувството на самозадоволство.

ВАГА

Добивате повик активно да се вклучите во проекти кои се развиваат во вашето работно опкружување. Од вас се очеквуа да бидете „пионер“ на нов вид на работа, а вие од некои причини чувствувате дека тоа не е добро за вас. Послушајте ја интиуцијата, и повлечете се.

СКОРПИЈА

Не можете да ја истерате секоја правда. Прифатете ги туѓите аргументи и во нив најдете причина за простување затоа што не се решава се на суд. Бидете внимателни во сообраќај, особено ако одите на долг пат. Празниците се далеку, не се опуштајте.

СТРЕЛЕЦ

Неискреноста во вашето опкружување станува неподнослива. Немојте да ја пренесувате вината кон други, затоа што тие ве лажат само онолку колку што вие сакате да бидете излажани. Размислете, можеби со своите ставови сте приморале некој на такви потези.

ЈАРЕЦ

Може да влезете во караници и проблеми со соработниците. Вашата кариера може да тргне надолу, ако дополнително не се ангажирате и не превземете одлучувачки чекори. Немојте да го продлабочувате непријателството со луѓето од кои зависите.

ВОДОЛИЈА

Ве очекува драстичен пад на енергијата. Напнатоста може да предизвика отворени караници со пријателите. Посесивното однесување на сакната личност дополнително ги отежнува сите важи обиди да ги поправите работите во врската и да ја сочувате.

РИБА

Сте влегле во магичен круг. Решението ви е пред носот, но вие упорно се потпирате на старите приказни кои ја оправдува блокадата во која сте се нашле. Одговорноста ја префрлате на најблиските, и мислите дека вие сте креатор на сопствената среќа, а не тие.

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат „режимот на летање“, јавува Би-Би-Си.

Европската комисија одлучи дека авиокомпаниите ќе можат да обезбедуваат услуги за „5Г“ технологија во авионите.

Ова би можело да значи дека од патниците повеќе нема да се бара да го менуваат режимот на работа на телефонот, иако сè уште не е јасно како ќе се спроведе одлуката.

Крајниот рок за членките на ЕУ да обезбедат опсег на фреквенција „5Г“ за авионите е 30 јуни 2023 година.

Новата одлука значи и дека патниците ќе можат да остваруваат повици за време на летот, како и да користат апликации за емитување музика и видеа.

Европскиот комесар за внатрешен пазар Тиери Бретон рече дека новиот план „ќе овозможи иновативни услуги за луѓето“ и ќе им помогне на европските компании да растат.

„Небото повеќе не е граница кога се во прашање можностите што ги нуди брзата конекција на голем капацитет“, рече Бретон.

Популарно