ШОКАНТНО: Почна производство на генетски модифицирани луѓе - родени 30 ГМО бебиња!

Првата генерација генетски модифицирани луѓе е одгледана во САД, соопштено е синоќа. Станува збор за 30 здрави бебиња кои се резултат на низа екперименти на генетски инжинеринг, што предизвика големи дебати во САД, пишува Дејли мејл.

bebe-610x400

Засега извршени се испитувања на две денес едногодишни бебиња и кај нив се пронајдени гени од тројца „родители“, тоа се луѓето чиј генетски материјал е земен за создавање на тие суштества. Во двата случаи, станува збор на генетски материјал од две жени и еден маж. Таа комбинација тие ќе ја пренесат на своето потомство.

15 ГМО бебиња се родени за време на минатите три години и тие се експеримент на Институтот за репродуктивна медицина и наука Сент Барнабас во Њу Џерси. Сите се наменети за жени кои не можат да имаат бебе по нормален пат.

Генетичарите кои се противат на генетско модифицирање на луѓе велат дека вака, практично, се создава нова вештачка раса. На тоа секако се противат и верниците на сите религии, кои сметаат дека Бог го создал човекот онаков како што треба да биде и дека луѓето не треба да се мешаат во Божја работа.

Блинкен: САД не се откажуваат од поддршката за Украина

Американскиот државен секретар Ентони Блинкен на двегодишнината од почетокот на војната во Украина изјави дека Америка не се откажува од поддршката на Украина наспроти сеопфатната инвазија на Русија.

– Во оваа војна постои агресор и постои жртва. Едната страна ги напаѓа основните принципи на Декларацијата на ОН, другата се бори да ги одбрани, изјави Блинкен.

Додаде дека САД активно ќе ги повикуваат земјите низ целиот свет да ја поддржат украинската слобода и независност, „да се осигура дека руската агресија е стратегиска грешка“.

Рече дека Г-7 го водат светот во „галванизирачка и истрајна поддршка за Украина“.

– Путин не успеа да ги постигне принципиелните цели во Украина – да ја избрише од картата и да ја потчини на Русија.

– Претседателот Путин се кладеше дека ако продолжува да го удвојува насилството, дека ако покаже дека сака да нанесе доволно страдање за доволно луѓе светот ќе потклекне пред своите принципи и Украина ќе запре да се брани.

Но Украинците не се предаваат. Тие видоа каков живот би имале ако паднат под руска контрола. Семејствата да бидат одвоени од децата и депортирани во Русија. Тоа се урнатините од Мариупол, тоа се масовните гробници во Буча, изјави Блинкен.

Рече дека САД осигурале заложби од 140 земји во светот, повеќе од две третини од сите членки на ОН, тие да ги потврдат суверенитетот и територијалниот интегритет на Украина и да ја осудат руската агресија и злосторствата.

САД преку свои канали и дипломати се осигуруваат и заложби од спонзори, донатори, филантропи и хуманитарни групи да дадат животно важна помош за милиони раселени Украинци.

– Русија е послаба воено, економски и дипломатски додека НАТО е поголемо, посилно и пообединето од кога и да било во својата речиси 75 годишна историја.

Денеска се навршуваат две години од почетокот на руската инвазија на Украина

Светот денеска ќе ја одбележи втората годишнина од почетокот на руската инвазија на Украина со собири, состаноци и изложби за поддршка на Украина.

Во Италија, која оваа година претседава со Групата седум индустриски развиени земји (Г7), ќе се одржи виртуелен самит со претседателот на Украина Володимир Зеленски во знак на поддршка за неговата земја.

Собири ќе се одржуваат во повеќе градови како Берлин и Варшава, а некаде ќе има и пред руските амбасади. Во пресрет на годишнината беа воведени нови пакети санкции против Русија.

Советот на Европската унија во петокот го воведе 13-тиот пакет рестриктивни мерки против Русија.

Нови санкции „против режимот на Владимир Путин и одговорните за продолжување на неговата незаконска, неиспровоцирана и неоправдана агресивна војна и оние кои ја поддржуваат“ беа воведени за 106 поединци и 88 ентитети одговорни за поткопување или загрозување на територијалниот интегритет, суверенитет и независност на Украина.

ЕУ повика на континуирана поддршка за Украина, поради што Зеленски патува низ светот барајќи поддршка, особено воена.

Како одговор на европските санкции, Москва го прошири списокот на политичари од ЕУ на кои им забранува влез во Русија.

Американскиот претседател Џо Бајден најави и санкции против дополнителни 500 правни и други субјекти во Русија и на други места поради војната во Украина и смртта на рускиот опозициски лидер Алексеј Навални во затвор.

Втората годишнина доаѓа по неодамнешната смрт на противникот на Кремљ, Алексеј Навални. Неговата смрт предизвика бран митинзи за да му се оддаде почит.

Македонец убиен со шише од пиво во центарот на Есен, Германија

Во саботата вечерта, околу 2 часот по полноќ, триесет и двегодишен Македонец бил убиен од страна на двајца Еритрејци во германскиот град Есен.

Германските медиуми пренесуваат дека смртоносниот напад се случил среде центарот на градот.

Двајцата Еритрејци, едниот на 25 години, другиот на 29 години, првично се расправале со Македонецот, а расправијата прераснала во тепачка. Според информациите на тамошните медиуми, Еритрејците го тепале Македонецот со пивско шише додека тој не колабирал. Осомничените сторители потоа побегнале кон главната железничка станица.

Му била пружена прва помош и сведок на настанот се потрудил да го реанимира повредениот на лице место, кој веќе не бил при свест.

„Тој беше однесен во болница, но таму почина по кратко време поради сериозните повреди“, изјавил портпаролот на полицијата.

Поради добриот опис на сведокот, полицијата успеала да уапси еден осомничен (25) на железничката станица во Есен, а другиот (29) на железничката станица во Милхајм.

Се уште е нејасна причината за нивната расправија. Комисија за убиство сега го истражува случајот под раководство на јавното обвинителство во Есен.

Популарно