Сообраќан прекршок што го правите секој ден

Не е мал бројот на возачите што не ги познаваат доволно сообраќајните правила и прописи кои се однесуваат на крстосниците со кружен тек на сообраќајот, покажуваат анализите на Републичкиот совет за безбедност на сообраќајот на патиштата (РСБСП). Град Скопје од 2009 година наваму постојано инвестира во изградба на кружни крстосници со цел да се подобри и модернизира патната инфраструктура во метрополата и да се намали метежот, но не секој возач знае како правилно да влезе и да излезе од ваква раскрсница.

kruzen-tek-katolicka---banskoliev3

Оние што одамна положиле да ги повторат правилата

Особено се стресни ситуациите кога некое возило е веќе во кружниот тек, а новото што се приклучува не дава предност на оној што е внатре, иако мора или кога возилото што сака да го напушти кружниот тек не дава трепкач за да им сигнализира на оние зад него.

Според Лиза Бендевска, портпарол во СВР Скопје, најчест прекршок на кружните текови е непочитување на правото на првенство на минување, а според анализите на РСБСП, најчести прекршоци се неправилно престројување, недавање првенство и неправилен влез и излез од кружната раскрсница.

Од РСБСП велат дека, генерално, веќе повеќето од возачите ги почитуваат овие сообраќајни правила и прописи, а и тоа го потврдуваат и од СВР Скопје.

- Во почетокот кружните текови беа новина за возачите и тогаш и се правеа повеќе прекршоци. Но, со текот на времето бројот е значително намален - изјави Лиза Бендевска, портпарол во СВР Скопје, без да прецизира колку прекршоци во просек месечно и годишно се прават на кружните раскрсници бидејќи, како што образложи, тие не се издвоени посебно од вкупниот број прекршоци.

Претседателот на РСБСП, Стојче Стаменковски, вели дека ваквите крстосници порано ги немаше, а се актуелни во последните 5-10 години.

- Поради тоа, апелираме до возачите, посебно до оние што одамна го положиле возачкиот испит, да ги повторат правилата што се однесуваат на крстосниците со кружен тек на сообраќајот. Апелираме и до автошколите во процесот на обука на кандидатите за возачи да посветат поголемо внимание и практично и целосно да ги подготват новите возачите за безбедно навлегување, движење и напуштање на овие крстосници – вели Стаменковски.

Се влегува со преголема брзина

Од РСБСП потсетуваат дека во ваква крстосница сообраќајот се одвива кружно, во спротивна насока на стрелките на часовникот и на овие крстосници возачите посебно треба да внимаваат на намалување на брзината и нејзино приспособување за безбеден пристап и правилно престројување. Особено нагласуваат дека повеќето од возачите со преголема брзина влегуваат во кружен тек и се движат по инерција, а треба да пристапат со должно внимание, концентрација и посветеност во следењето и однесувањето во сообраќајот.

Градските власти велат дека со изградбата на кружните текови значително се подобри ефикасноста и проточноста во сообраќајот на подрачјето на целиот град, се намали сообраќајниот метеж и долгите редици возила што чекаа на семафорите и се зголеми безбедноста на сите учесници. Воедно, со зголемувањето на проточноста на сообраќајот и намалувањето на метежот се придонесува за намалување на загадувањето на воздухот од издувните гасови.

- Kружните текови во практиката се покажаа како идеално решение за сообраќајните проблеми во градот, а со нивната изградба Скопје доби комплетно нов сообраќаен лик - сметаат надлежните во Градот.

Изградени шест, се градат два, во план уште четири

Досега градските власти изградија повеќе кружни текови: на улиците Ѓорче Петров, Боца Иванова, Лазо Трповски, кај црквата „Свети Петар и Павле“, кај Kатоличката црква и на булеварот Партизански одреди во Порта Влае.

- Во тек е изградбата на кружните текови на улицата 16. македонска бригада во Автокоманда и на пробивањето на булеварот Србија. Бидејќи се покажаа како вистинско сообраќајно решение, Градот и понатаму ќе продолжи со нивната изградба. Во фаза на проектирање се турбокружни крстосници кај Министерството за образование и на булеварот Kочо Рацин, а исто така се планира и изградба на кружни текови на улицата Скупи, кај „Хубо маркет“ и на улицата Павел Шатев (поранешна Бихаќска).

Во некои ситуации се врти и втор круг

Стојче Стаменковски, претседател на РСБСП, објаснува дека за движење во кружен тек најважно правило е тоа дека возачот кој се движи во крстосницата има првенство во однос на возачите што се вклучуваат во неа.

- Сите возила што се вклучуваат од приодите треба да го причекаат возилото што веќе е влезено во кружниот тек, па дури потоа тие да се вклучат. Возачот што се движи во крстосница со кружен тек каде што има две или повеќе сообраќајни ленти е должен да се престрои во внатрешната лента за да овозможи вклучување во крстосницата и на други возачи, освен ако има намера да ја напушти на најблискиот излез или поради густината на сообраќајот не е во состојба безбедно да се престрои - објаснува Стојчевски.

Пред да ја напушти крстосницата возачот е должен да се престрои во надворешната лента, освен во излез на кој со знак е пропишано дека е дозволено свртување десно и од внатрешната лента. Доколку за тоа не постојат услови, неопходно е возачот да продолжи и да сврти уште еден круг.

- На излез од кружен тек, на кој е дозволено свртување во десно и од внатрешната лента, надворешната лента е наменета исклучиво за свртување во десно. При влез на кружен тек во кој возачот има намера да се исклучи на првиот излез, задолжително се користи десен трепкач, во останатите ситуации трепкач задолжително се користи пред промена на сообраќајната лента и пред излез. Никако не смее да се користи трепкачот за време на целото движење во кругот - потенцира Стаменковски.

Тој истакна дека во кружен тек возачите треба да посветат исклучително внимание кон пешаците и велосипедистите и прописно да ги пропуштаат.

Дневник.мк

ВИДЕО: Невремето ги поплави улиците во главниот град

Невремето со силен дожд кое вечерва го зафати Скопје, ги поплави градските улици и булевари и предизвика големи потешкотии во сообраќајот.

На снимка од населбата Кисела Вода се гледаат вистински реки и преплавени шахти за атмосферска канализација, а поплавени се речиси сите улици во населбата.

Според видеата на А1Он слична ситуација е речиси во сите населби во Скопје, погледнете:

Скопје денеска одбележува четири години од поплавите во кои загинаа 22 лица

Скопје денеска одбележува четири години од невремето што предизвика поплави во кои загинаа 22 лица. Попладнето на 6 август 2016, скопскиот регион беше погоден од обилни врнежи од дожд и силен ветер. Загинатите во невремето беа во реоните на селата Сингелиќ, Стајковци, Смилковци и Арачиново.

Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови.

Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август.

Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија.

Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри.

Да не се заборави, но никогаш да не се повтори!

(Видео) Погледнете како изгледал еден топол летен ден низ Скопје во 1986

Оваа видео снимка, која е дело на непознат автор а датира од 1986 година, го регистрира животот во строгиот центар на Скопје и овозможува барем посредно да го почувствуваме некогашниот пулс на можеби најважниот дел од градот.

Снимката несомнено барем за момент ни го доловува животот во Скопје пред речиси 30 години.

Популарно