Заев очекува обид за атентат од Русија, ако Македонија влезе во НАТО

Македонија

на 11.2017

Македонскиот премиер Зоран Заев очекува Русија жестоко да реагира кога ќе дојде време Македонија да влезе во НАТО, како во случајот со Црна Гора.

„Како реагираа околу Црна Гора, веројатно ќе реагираат жестоко. Подготвени сме. Мојата земја нема друга алтернатива. Јас само велам вака: ‘Ние сакаме да ја унапредиме нашата соработка со Русија, сакаме што повеќе домати да продадеме таму, и зелка и сите наши земјоделски производи што ги имаме. Но, ние немаме алтернатива за НАТО“, изјави тој во емисијата „Жива вистина“ на црногорската Прва телевизија.

Заев додаде дека Русија не ги крие своите ставови, но и оти единствената правилна одлука на македонскиот премиер е да го следи македонскиот интерес, без оглед на евентуалните последици по него лично, повикувајќи се на искуството на црногорскиот премиер до лани Мило Ѓукановиќ.

„Знам дека имаше обиди дури и за ликвидација. Добро е што навреме е реагирано и спречено сето тоа. Му благодарам на Бога. Сега некои аналитичари ми велат: ‘Сега ти си на ред’. Чекај. О.К. Ако треба нешто да се случи, нека се случи. Јас сум се нафатил да бидам премиер на својата земја, на мојата земја ѝ треба лидер и јас сум подготвен да носам такви одлуки какви што моите граѓани очекуваат по цена – што биде нека биде“, рече Заев во интервјуто за подгоричката Прва ТВ.

Времето денеска ќе биде сончево со мала до умерена облачност

Македонија

пред 2 недели

Времето денеска ќе биде сончево со мала до умерена облачност, која ќе биде поголема во западните делови каде што ќе има услови за појава на краткотраен дожд. Ќе дува слаб до умерен ветер претежно од северозападен правец.

Максималната температура ќе биде во интервал од 22 до 30 степени. УВ индексот ќе достигне 6.

Во Скопје и околината ќе биде сончево со мала до умерена облачност и со слаб претежно северозападен ветер. Максималната температура ќе достигне до 27 степени.

Правник ја искина универзитетската дипломата по предлогот на власта за измени на КЗ

Македонија

пред 4 недели

Дипломиран правник ја искина дипломата по информацијата дека Владата на Собранието му предложи измени на Кривичниот законик со кои се намалуваат затворските казни за кривичното дело Злоупотреба на службената положба и овластувања. Имено, на социјалната мрежа Фејсбук, правник објави фотографија од искината универзитетска диплома, истакнувајќи дека се срами каде завршил факултет.

„После предложените измени на Кривичниот законик дефинитивно се срамам каде сум завршил Факултет. Оваа диплома повеќе не ми е битна. Пи*ка Ви Матер“, стои во описот на објавената фотографија.

Кучето кое беше злоставувано од сопственикот е на безбедно!

Македонија

пред еден месец

За случајот МВР поднесе пријава против 59-годишен жител на Крива Паланка со иницијали З.М., кој го влечел кучето врзано за своето возило. Малтретираното куче било фрлено во коритото на Крива Река, од каде било извлечено и згрижено.

Кучето од Крива Паланка кое било злоставувано од страна на сопственикот, донесено е во ЈП „Лајка“. Во моментов тоа е безбедно и ќе му биде обезбедена целосна нега и сѐ што е потребно за неговото опоравување, информираат од јавното претпријатие.

Оттаму додаваат дека благодарение на брзата реакција на граѓаните кои веднаш го пријавиле случајот, како и интервенцијата на пожарникарите кои го извлекле од провалијата, инспекторите и ветеринарните служби обезбедиле итна грижа и стабилизација.

-Овој настан е уште еден показател дека системот функционира кога институциите и граѓаните делуваат заедно – брзо, координирано и одговорно. Злоставувањето на животни не е изолиран чин – тоа е сериозен општествен проблем. Секое злоставување на животни мора да се пријави – веднаш и без исклучок. Само со гласна и одлучна реакција можеме да ги заштитиме најранливите и да спречиме насилството да се повтори, велат од ЈП „Лајка“.

Одговорноста, потенцираат, е заедничка – да изградиме средина во која и животните и луѓето живеат безбедно и достоинствено.