Грчев: Јас ќе платам да се тргне „Воинот на коњ“ од плоштадот во Скопје

Скопје

на 2.2018

Професорот Мирослав Грчев, кој неколку месеци за српски медиум изјави дека Македонија и македонската нација се измислени од Тито, е член на Комисијата која го чешла проектот. Тој вели дека Стефановска била преплатена со 1,5 милиони евра. Споменикот, пак, вели чини околу осум милиони евра, што не би било случај доколку го направел и најскапиот уметник во светот.

-Во случајот со Воинот на коњ, морам да речам дека се е спорно. Најголем прекршок кај сите споменици, вклучувајќи го и овој, е тоа што е направена суспензија на надлежноста на Собранието, што според мене е еднакво на злосторничко здружување. Станува збор за една буквално бандитска мафијашка постапка каде се фрлени пари, поконкретно фрлени осум милиони евра. Тоа не би не чинело толку и најскапиот уметник да го ангажиравме. А да и дадеме милион и шестотини илјади евра на име на една скулпторка е чист криминал, не верувам дека постои толкав хонорар – вели Грчев.

Дали ќе има кривична одговорност за дел од уметници, членовите на Комисијата не можат да предвидат. Посочуваат дека тие не се истражни органи, туку само експерти кои ќе ги констатираат неправилностите.

Елаборатот за Воинот на коњ е веќе пред еден месец доставен до Министерството за култура. Меѓу готовите извештаи се и тие за скулптурата на споменикот на Андон Јанев Ќосето, за спомен обележјето на Мајка Тереза, како и за Порта Македонија.

За сите овие објекти Комисијата и предлага на Владата да се дислоцираат, отстранат или срушат. Како што објаснува професорот Грчев, тие се поставени спротивно на законите и тоа ги прави дивоградби. Освен тоа, додава, нивното понатамошно постоење ќе го продолжува насилството на претходниот режим врз јавниот простор.

-Кога ќе утврдиме дека Воинот на коњ е плод на злосторничко здружување, дека со тој споменик се врши атак на уставниот поредок, дека е плод на корумпирана кражба, дека се прекршени законите, тогаш ништо друго не преостанува освен рушење. Ние не го измислуваме тоа решение, туку е согласно законите. „Скопје 2014“ мора да се третира како природна непогода, како општествено политичка катастрофа – додава професорот.

Во врска со трошоците за евентуално рушење или дислокација, вели дека би биле минимални и дека за возврат општеството би добило многу повеќе со тоа што ќе си го врати назад јавниот простор.

-Ништо не кошта да се тргна Воинот на коњ од плоштад. Потребно е само камион со кран и четворица работници да го отштрафат, да го стават во камион и да го одвезат вон градот. Еве јас ќе го платам тоа, нека биде и моја донација за заздравување на македонското општство, за трасирање на патот од општество на кретени во демократско општество – вели тој.

Еден од следните објекти кои Комисијата ќе ги чешла ќе биде и Археолошкиот музеј. Уште од нејзиното отворање, оваа зграда се поплавува и протекува, што ја прави најспаката пропадната инвестиција од урбанистичкиот проект.

(Фото) Патниците во оваа скопска населба наоѓале мир и си ја враќале силата

Скопје

пред 3 месеци

Приказната за општината Kисела Вода е дека кон крајот на 18 век, на источната страна на денешната општина Kисела Вода, се откриени извори на минерална, кисела вода, кои бликале под карпата на поранешен каменолом.

Патниците таму наоѓале мир и си ја враќале силата за патот што ги очекувал, па полека почнало да се раскажува дека водата е лековита и има исцелителска моќ. Подоцна населението изворот го регулирал со три чешми. До него се изградени црквите „Свети Ѓорѓија“ и „Свети Никита“, а општината почнала да се вика Kисела Вода.

Кисела Вода е  општина во градот Скопје. Зафаќа површина од 46,86 км2 и се простира во југоисточниот дел на Скопската котлина. Таа се граничи со општина Центар како и со ноформираните општини Аеродром, Студеничани и Сопиште. Според податоците од последниот попис на територијата на Општина Кисела Вода има вкупно население од 58.216 жители од кои 91,2% се Македонци. На територијата на општината функционираат 13 месни заедници.

Во рамките на општината егзистираат повеќе спортски клубови кои успешно се натпреваруваат во сите македонски лиги. Во границите на Општина Кисела Вода постојат повеќе цркви и манастири кои се главна туристичка дестинација во овој регион.

Водата од водоснабдителниот систем на град Скопје е санитарно исправна и може непречено да се користи

Скопје

пред 12 месеци

Мониторингот опфати девет клучни места и тоа во Автокоманда, Сингелиќ, Маџари, Ново Лисиче, Центар, Драчево, Пржино, Ѓорче Петров и Карпош од каде беа земени примероци од водата за пиење врз кои беше изведено физичко-хемиско и микробиолошко лабораториско тестирање.

-Сакаме да ја информираме јавноста дека од добиените резултати сите примероци физичко-хемиски и микробиолошки ОДГОВАРААТ на Правилникот за барање за безбедност и квалитет на водата за пиење (Службен весник на РМ бр.183/18), со што констатиравме дека водата од водоснабдителниот систем на град Скопје е санитарно исправна и истата може од страна на граѓаните непречено да се користи, информираат од ЈП „Водовод и канализација“ Скопје. 

Покрај теренските мерења на рутинските параметри, тестирање беше изведено со стандардни методи и јонска хроматографија за физичко-хемиската анализа, како и со полимераза верижна реакција метода за микробиолошката анализа.

Вчера беше извршена санацијата и реконструкцијата на градскиот водовод во Скопје, во која учестуваа повеќе од 160 лица технички персонал на ЈП Водовод и канализација, како и 150 административен персонал.

Градоналничката на Град Скопје, Данела Арсовска, по санацијата изјави дека станува збор за модернизација што за првпат се случува во повеќе од 50, односно скоро 60 години во градот Скопје.

Поради овој сложен оперативен план за санација на главниот цевковод поголем дел од Скопје вчера беше без вода од околу 2 часот, се до санирање на дефектот околу 14 часот, по што започна со постепено полнење на магистралниот цевковод на градот.

Популарно