Утре по одделни котлини ќе има услови за појава на магла или ниска облачност. Преку денот времето ќе биде сончево со мала до умерена локална облачност. Ќе дува слаб до умерен, а наместа долж Повардарието повремено засилен ветер од северен правец, јавува УХМР.

Минималната температура ќе биде во интервал од 0 до 9, а максималната ќе достигне од 17 до 23 степени.

Во Скопје наутро во делови од котлината ќе има услови за појава на слаба магла, а преку денот сончево со мала облачност. Ќе дува слаб до умерен ветер од северен правец кој во делови од котлината краткотрајно ќе засилува. Минималната температура ќе се спушти до 6, а максималната ќе достигне до 23 степени.

Во наредните денови следува период на стабилно и суво време со слаб до умерен, а долж Повардарието повремено засилен северен ветер најизразен во ноќта кон недела. По одделни котлини ќе има услови за појава на утринска магла или ниска облачност. Дневните температури во периодот до сабота ќе бидат пониски за некој степен, а од недела ќе бидат пониски за 4 до 5 степени.

Досега непознат валцер е откриен во трезорот на американската Библиотека-музеј „Морган“ во Њујорк. За новопронајденото музичко дело, се верува дека го напишал полскиот композитор Фредерик Шопен, пред речиси 200 години.

Реткиот ракопис, имено, го открил кустосот Робинсон Меклејлан при каталогизациите. Тоа потоа дошло во рацете на стручњак за делата на Шопен, за да се утврди автентичноста на партитурата. Записот е датиран меѓу 1830 и 1835 година. Не е потпишан од Шопен, но може да се види неговиот препознатлив бас-клуч меѓу нотите.

– Она во што сме најсигурни е дека ова е напишано од раката на Шопен, на хартијата што тој ја искористил… Она што не е сосем јасно е дека тој ја компонирал музиката. Тука сум околу 98 отсто сигурен, а многу луѓе кои го слушнале веќе чувствуваат во стомакот дека ова звучи како Шопен, изјави Меклејлан.

Кинескиот пијанист Ланг Ланг го отсвири и сними валцерот за „Њујорк тајмс“ (New York Times) којшто ја откри приказната.

- Звучи многу како Шопен, со многу драматична темнина којашто се претвора во позитивно нешто. Прекрасно е. Ова не е најкомплицираната музика на Шопен, но и еден од најавтентичните стилови на Шопен што можете да ги замислите, изјави Ланг.

Валцерот содржи и мали грешки, но Меклејлан е уверен дека музичкиот запис е на Шопен. Композиторот кој пишувал претежно за солонастапи на пијано, почина на 39-годишна возраст во Франција во 1849 година. Тој често бил прогонуван од халуцинации, а се верува дека имал и епилепсија, според некои истражувачи.

ПЕЈАЧКАТА Адел (36) се расплакала откако ја здогледала легендарната Селин Дион (56) за време на нејзиниот настап во Лас Вегас. Додека ја изведувала песната „When We Were Young“, Адел и пришла на Селин и ја прегрнала, а во тој момент не можела да ги задржи солзите. Емотивниот момент го снимил еден обожавател во публиката, кој подоцна го објавил на „X“.

Селин Дион, која седела со своите синови, 14-годишните близнаци Нелсон и Еди, го фатила лицето на Адел во рацете и ја бакнала нејзината рака. Ниту таа не останала рамнодушна на солзите на Адел. Потоа, Адел ги поздравила обожавателите кои стоеле во близина и се вратила на сцената, обидувајќи се да ги избрише солзите.

Се запознале пред неколку години

Пред неколку години се случила обратна ситуација. Адел тогаш дошла да ја поддржи Селин на истата сцена во Лас Вегас. Дион тогаш, по средбата со Адел, на социјалните мрежи напишала: „Воодушевена сум што Адел дојде на едно од моите шоуа … Ја сакам толку многу“.

Адел исто така го коментирала настапот на Дион на „Инстаграм“: „Кралица Селин. Какво шоу, апсолутен врв во мојот живот, многу ти благодарам за вниманието кон публиката и лудиот хумор“.

Адел зема пауза од музиката и настапите

Да потсетиме, по одржаните 10 концерти во Минхен, Адел се врати во Лас Вегас за да ги заврши концертите до крајот на годината, кои беа договорени таму. Таа изјави дека нема планови да се занимава со музика после тоа. „Воопшто немам никакви планови за нова музика“, изјави Адел во интервју за германски „ZDF“, додавајќи: „Сакам голема пауза после сето ова и мислам дека сакам да се занимавам со други креативни работи некое време“.

Одлучи да се посвети на семејството и приватниот живот

Адел потоа проговорила и за своето искуство со славата, признавајќи дека ѝ недостига анонимниот живот пред да стане славна. „Не сакам да бидам славна. Сакам да правам музика и ми се допаѓа што луѓето ја прифаќаат, но не ја сакам славата. Ми недостига животот пред славата“, рекла таа.

Adele and Celine Dion hugging pic.twitter.com/3u8sRRr6dW

— To Be Loved (@god_adele05) October 27, 2024