Скопјанец го тепал двегодишниот син до онесвестување, а потоа ја претепал мајката

Татко си го тепал двегодишниот син до онесвестување по што ги заклучил другите деца во соба, а ја претепал и сопругата кога сакала да им помогне. Детето е задржано во болница на лекување, а татко му е приведен во полиција.

Нов случај на семејно насилство во Скопје открива полицијата во утринскиот билтен. Станува збор за 47-годишен Скопјанец Ф.С. против кој е поднесена кривична пријава од страна на Секторот за внатрешни работи Скопје до Основното јавно обвинителство во Скопје. Според полицијата, тој извршил две кривични дела – телесни повреди во вршење семејно насилство, казниво по член 130, став 2 од Кривичниот законик на Република Македонија.

Скопјанецот на 8 јули годинава во семејниот дом, во алкохолизирана состојба, физички ги нападнал својот двегодишен син и сопругата Ѓ.С. и им нанел телесни повреди. Додека сопругата била на работа, таткото физички го нападнал двегодишното дете по што тоа се онесвестило.

Како што информира полицијата, околу 18.30 часот мајката дошла од работа и ги затекла своите четири малолетни деца заклучени во соба. Во моментот кога нејзиниот најстар син (9 години) ја отворил вратата, скопјанецот физички ја нападнал сопругата. Таа успеала да избега во собата кај децата, кои кажале дека татко им ги тепал сите, а најмногу најмалиот брат.

Набргу мајката со такси-возило го однела двегодишниот син во Ургентниот центар при комплексот клиники „Мајка Тереза“, каде што му биле констатирани телесни повреди и бил задржан на лекување.

Во разговор со полициските службеници Ѓ.С. изјавила дека ова не е прв случај на семејно насилство од страна на Ф.С.. Тој и порано ги малтретирал. Со помош на Центарот за социјални работи на град Скопје другите три деца биле згрижени во шелтер-центар.

На 9 јули во 1.05 часот пријавениот Ф.С. бил приведен  и задржан во полициска станица.

Се огласи скопјанецот кого го бркаа со сатар во „Лептокарија“

Не е точно дека не сум ја платил сметката во импровизираниот кинески ресторан во „Лептокарија“, јас не ни нарачав храна, бев нападнат откако дадов неколку забелешки за високата цена на храната и за бавната услуга, сведочи за Плусинфо познатиот актер Милан Тоциновски, кој вчера како гром од ведро небо се нашол во драматична сцена како од филмовите на Џеки Чен и за миг станал жртва во страотна бркотница со сатар во скопскиот трговски центар, објави „Плусинфо“.

На Фејсбук вчера беше објавено видеото од бркотницата, на која јасно се гледа дека две лица со сатар го бркаат актерот.

Тоциновски вели дека откако успеал да им избега на двајцата насилници, од кои една жена, вооружена со сатар веднаш случајот го пријавил во МВР, а во текот на денот се очекува да биде повикан и од надлежен обвинител за да даде исказ за настанот.

Тој вели дека настанот го вознемирил, но дека уште повеќе го испровоцирале информациите дека инциденот бил предизвикан по негова вина и тоа поради неплатена сметка.

– Јас сум јавна личност и нема што да кријам за тоа што се случи вчера во таканаречениот кинески ресторан во ТЦ „Лептокарија“. Навистина не знам кој им дал дозвола за работа на тие луѓе. Живеев во Њујорк, а сум работел и во Токио и точно знам какви се цените, но и услугата во кинеските ресторани. Откако, вработените ми наговестија дека ќе треба да чекам, како муштерија забележав дека премногу се чека со оглед на тоа што станува збор за ресторан за брза храна и дека е прескапо, не нарачав храна и трнав да си одам. Тие мои забелешки беа повод да почнат да ме напаѓаат прво вербално, а потоа и физички двајца вработени во ресторанот, од кои една жена и со сатар да ме бркаат по трговскиот центар. Тоа впрочем, може да се види и на постираното видео – вели актерот Тоциновски за Плусинфо.

Тој раскажува дека во еден момент вработената дури и замавнала со сатарот кон него и за среќа актерот успеал да се истрга под налетот на сечилото.

Инаку Милан Тоциноски е актерот со кој во 2004 година Македонија се гордееше кога во Сараево ја освои наградата за најдобра машка улога за улогата на младиот Кокан во филмот „Како убив светец“ на Теона Стругар – Митевска, а силен впечаток остави и со своите улоги во филмовите „Трето полувреме“, „Превртено“…

ВИДЕО: Го бркаа со САТАР сред Лептокарија!

Сцена како од филмовите можеше да се види денеска во трговскиот ценар Лептокарија во Скопје.

Маж и жена, најверојатно вработени во кинеска продавница за храна, со сатар бркале маж.

На видеото се гледа како граѓаните и гостите во околните кафулиња безуспешно сакаат да ги смират лутите маж и жена, но тие покрај тоа што замавнуваа со сатарот, по момчето фрлаат и со се што ќе им се најде на патот.

Причините за инцидентот засега се непознати, а видеото е објавено за социјалните мрежи..

Го пpободел па пуkал во него

Околу 21,50 часот во Скопје, на улицата „Џон Кенеди“ 32-годишниот Е.М од Скопје пријавил дека  по претходен договор се сретнал со неговите познаници А.А. (40) од Скопје и  Б.Н во нивното патничко моторно возило „БМВ“, во врска со пари.

По кратко време, настанала расправија и А.А. му нанел убодна рана со остар предмет, а потоа и пукал кон него во левата подлактица.

На Е.М. му е укажана помош во ГОБ „Св.Наум Охридски“.

Се работи на целосно расчистување на случајот

Популарно