ФОТО + ВИДЕО: Дуа Липа се расплакала на сцена

Дуа Липа во средата за прв пат настапувала во Шангај пред преполната сала со фанови, но на верните обожаватели ваквиот настан ќе им остане во горко сеќавање.

Имено, за време на концертот, неколку фанови станале и започнале да танцуваат, мавтајќи со знамето на виножитото кое е симбол на ЛГБТ заедницата, по што полицијата насилно ги исфрлила надвор.

Снимката која се проширила на социјалните мрежи ги прикажува службениците како ги извлекуваат обожавателите од седиштата додека пејачката пробувала да продолжи со настапот. Видно вознемирената Дуа Липа и самата ѝ се обратила на публиката, пробувајќи да ги запре солзите.

"Сакам да создадам безбедно опкружување за сите нас во кое ќе се забавуваме", порачала Липа со кнедла во грлото, а ден по настапот, таа им се обратила на фановите по пат на социјалните мрежи.

"Вчерашниот настап го одржав за моите фанови. Стоев, танцував и пеев заедно со нив. Ќе стојам покрај вас за сите ваши уверувања и горда сум што се чувствувавте толку сигурно на мојот концерт што ја покажавте гордоста. За тоа што го направивте е потребна голема храброст. Згрозена сум од она што се случи и им испраќам љубов на сите обожаватели кои беа вклучени во инцидентот. Се надевам дека ќе се вратам еден ден кога ќе биде поинаква ситуацијата и ќе видам сала полна со боите на виножитото", порачала Дуа Липа на својот Инстаграм профил покрај фотографии од концертот и собрала бројни пофалби од нејзините следбеници.

ФОТО: Лејди Гага го враќа гламурот во Холивуд

Славната пејачка и по ново, актерката буквално заблескала на премиерата на својот филм "A star is Born", во Лос Анџелес.

Лејди Гага одлчила да го врати гламурот во Холивуд, во раскошна тоалета, од модната куќа "Givenchy", изработена од сребрена чипка.

Покрај долгата тоалета, која се влечела по земјата, барем еден метар после неа, пејачката се накитила и со сребрен накит, а со бојата на тоалетата ја ускладила и шминката, поточно сенката за очи, додека усните ги нагласила со црвен кармин, исто како дивата во Стариот Холивуд.

Старите Холивудски времиња ги презентирала и со косата која ја обоила во ладна, руса нијанса и ја обликувала во гламурозни локни.

Инаку, откако го промовира својот филм, Гага се појавува само во фантастични изданија, но овојпат се надминала себеси. 

(ФОТО) Лила за синот Филип: „Може сум го родила, а не се сеќавам“

Синот на македонската водтелка Лила Филиповска денеска слави роденден. Гордата мајка на својот Инстаграм профил објави фотографии со кои му го честиташе роденденот на својот син.

На едната од нив во описот дури и се пошегува: „Може сум го родила, а не се сеќавам“. Погледнете ги фотографиите:

ФОТО: Ќерката на Сузана Манчиќ се омажи тајно со 20 години постар маж

Ќерката на Сузана Манчиќ ги изненади сите па дури и мајка си со тајна венчавка. Во Лас Вегас тајно се омажила за 20-години постарото момче, инаку бизнисмен.

Теодора периодов е во Србија, по прошетките по светот.

Популарно