ФОТО + ВИДЕО: Дуа Липа се расплакала на сцена

Џет Сет

на 9.2018

Дуа Липа во средата за прв пат настапувала во Шангај пред преполната сала со фанови, но на верните обожаватели ваквиот настан ќе им остане во горко сеќавање.

Имено, за време на концертот, неколку фанови станале и започнале да танцуваат, мавтајќи со знамето на виножитото кое е симбол на ЛГБТ заедницата, по што полицијата насилно ги исфрлила надвор.

Снимката која се проширила на социјалните мрежи ги прикажува службениците како ги извлекуваат обожавателите од седиштата додека пејачката пробувала да продолжи со настапот. Видно вознемирената Дуа Липа и самата ѝ се обратила на публиката, пробувајќи да ги запре солзите.

"Сакам да создадам безбедно опкружување за сите нас во кое ќе се забавуваме", порачала Липа со кнедла во грлото, а ден по настапот, таа им се обратила на фановите по пат на социјалните мрежи.

"Вчерашниот настап го одржав за моите фанови. Стоев, танцував и пеев заедно со нив. Ќе стојам покрај вас за сите ваши уверувања и горда сум што се чувствувавте толку сигурно на мојот концерт што ја покажавте гордоста. За тоа што го направивте е потребна голема храброст. Згрозена сум од она што се случи и им испраќам љубов на сите обожаватели кои беа вклучени во инцидентот. Се надевам дека ќе се вратам еден ден кога ќе биде поинаква ситуацијата и ќе видам сала полна со боите на виножитото", порачала Дуа Липа на својот Инстаграм профил покрај фотографии од концертот и собрала бројни пофалби од нејзините следбеници.

(Видео) Инцидент на концерт на Ники Минаж

Џет Сет

пред 8 часа

На концертот на пејачката Ники Минаж во Детроит во саботата се случи инцидент.

Ники Минаж имала проблем со еден од обожавателите кој и фрлил пластично шише.

Меѓутоа, пејачката навреме го забележала тој човек, се отстранила да не ја удри шишето, а потоа го зела и го вратила на ист начин, што почнало да се шири на социјалните мрежи.

Вакви непријатни ситуации се случувале и порано, изложувајќи ги и изведувачите и публиката на одредена опасност.

Принцот Вилијам: „Жал ми е што не е тука со нас“

Џет Сет

пред 9 часа

При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.

Конечно се врати на обврските откако извесно време беше на пауза поради приватни причини.

Во разговор со член на персоналот, Вилијам накратко ја спомна сопругата Кејт.

„Жал ми е што Кејт не може да биде тука со нас. Таа сакала”, рекол Вилијам.

Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.

По Божиќ се повлече од јавноста, а во јануари имаше операција на абдоменот.

На Хари Стајлс му испратила 8.000 писма, но тоа не е сè: Опседната обожавателка заврши во затвор

Џет Сет

пред една недела

Бразилката Мира Карваљо (35) е толку опседната со британскиот пејач, Хари Стајлс (поранешен член на групата „One Direction“) што го оставила партнерот дома и го пропатувала целиот пат до Лондон.

-Но, тоа не е сè. Мира му испраќала на Хари писма, свадбени честитки, а бидејќи за само еден месец испратила дури повеќе од 8.000 писма, Бразилката завршила во затвор, пишува „The Sun“.

Таа е осудена на 14 недели затвор и се изјаснила за виновна за следење.

-Хари беше навистина потресен. Тој само сака да продолжи нормално, но секако дека е загрижувачки за него, неговото семејство и неговиот тим, изјави извор близок до Стајлс.

Таа доби забрана да се приближува до Стајлс дури 10 години и да присуствува на кој било настан, односно концерт, каде што е тој.

Да потсетиме, фановите на споменатата група некогаш беа познати по претерувањето кое се граничело со демнење, па еднаш ги хакираа и безбедносните камери на лондонскиот аеродром за да ги видат своите идоли.

Популарно