Пожарникар почина по интервенција во Скопје

47 годишен пожарникар починал откако му се слошило при интервенција на пожар во близина на транзитниот центар за странци во Скопје. Според информациите кои ги соопшти полицијата, пожарникарот Г.Ј. (47) заедно со колегите интервенирал на опожарена сува трева и напуштени објекти околу 16:30 часот. 

При гаснењето на пожарот на пожарникарот му се слушило и со возило на Брза Помош бил префрлен во комплексот клиники Мајка Тереза каде починал.

По наредба на Јавен обвинител телото е предадено на обдукција. Наодите од судска медицина ќе треба да покажат кои се причините поради кои починал 47 годишниот пожарникар. 

Пешак загинал во сообраќајка

Пешак загинал во една од вкупно 47 сообраќајни незгоди што викендов се случиле на подрачјето на СВР Скопје. Возач на патничко моторно возило и сопатник биле тешко повредени во две сообраќајки, а 30 лица се здобиле со полесни повреди во случени 38 сообраќајки. Во 14 сообраќајки била причинета материјална штета.

Од СВР Скопје информираат дека викендов сообраќајната полиција санкционирала двајца возачи кои се движеле со брзина поголема од дозволената, а од сообраќај исклучила шест возачи кои го управувале возилото под дејство на алкохол и шест возачи пред да се стекнат со право на управување моторно возило, како и шест нерегистрирани возила.

Санкционирани биле тројца возачи кои поминале на крстосница на црвено светло и тројца возачи кои не дале првенство на минување на пешаците на обележан пешачки премин, како и еден пешак кој поминал коловоз вон пешачки премин.

Со помош на  специјалното возило „пајак“, отстранети биле 162 возила. 

Почина тетовецот во чиј стан експлодираше плинска боца

Почина 24-годишното момче од Тетово во чиј стан вчера експлодира плинска боца.

Тој утрово почина на Клиниките во Скопје. Момчето вчера се здоби со изгореници од четврт степен откако во неговиот стан експлодира плинска боца.

11 луѓе вчера побарале помош во тетовскиот Клинички центар по експлозија на плинска боца во стан.

Познатиот актер Дани Ајело почина на 87-годишна возраст по кусо боледување

Познатиот актер Дани Ајело, кој секогаш ќе биде запаметен по филмовите „Кум“, „Леон: професионалец“, ,,Беше еднаш во Америка “,„ Направи го вистинското нешто “ почина на 87-годишна возраст по кусо боледување.

Според ТМЗ, Ајело одеднаш се разболел и починал веднаш откако неговото семејство го посетило во раните утрински часови. Оваа тажна вест ја потврдија и членовите на семејството. Се претпоставува дека починал од инфекција.

Зад себе ја остави сопруга Сенди, со која беше во брак од 1955 година и три деца. Тој стана познат по улогите во „Направи го вистинското нешто“ и „Кум 3“ во кој глуми Тони Розати, чиј лик е познат по неговата легендарна реченица „Мајкл Корлеоне вели здраво“.

За неговата улога во филмот „Направи го вистинското нешто“, тој беше номиниран за Оскар за најдобар актер.

Ајело глумеше и на Бродвеј и има пејачка кариера. Има издадено неколку музички албуми, меѓу кои и „Live from Atlantic City“ во 2008 година.

Популарно