Најубавата југословенска актерка починала од предозираност во тешка сиромаштија

Филм

на 9.2018

Пред точно десет години речиси сите медиуми во регионот пишуваа за смртта на Соња Савиќ. Легендарната југословенска актерка починала доцна навечер на 23-ти септември 2008 година, во 47-мата година, од предозираност од хероин.

Иконата на осумдесеттите починала во Белград, а соседите кои повикале Итна помош наводно тврделе дека во станот немало мебел освен еден душек на кој актерката спиела. Наводно, околу неа пронашле куп искористени шприцеви, а приказната за зависноста на Савиќ започнала кон почетокот на деведесеттите.

Таа започнала професионално да се занимава со актерство уште на 16 години, а веќе на 21-на година дипломирала на Факултетот за драмски уметности во Белград. Кон почетокот на осумдесеттите дошле нејзините "пет минути", а во период од две и пол години таа снимила пет филмови кои оставиле огромен печат во југословенската кинематографија.

Лицето и погледот на Соња Савиќ биле незаборавни за сите кои ја гледале во живо на телевизија и на филмското платно, а набрзо ја добила титулата за најубава југословенска актерка.

Сцените во филмот "Una" кој настанал по романот на Момо Капор се незаборавни. Филмот зборува за љубовта помеѓу професорот Мишел Бабиќ и неговата студентка Уна Војдовиќ,а сцената од голата Савиќ која јаде цреши на балконот и го заведува професорот во текот на интервјуто на многумина им е врежана во сеќавањето.

Освен во "Una", Соња се појавила во култни југословенски филмови, а во текот на својата кариера заиграла во вкупно 50 филмови од југословенска, словенска и српска продукција.

По распаѓањето на Југославија, изчезнала и Соња Савиќ. Кон почетокот на деведесеттите, таа гласно се противела на војната, а недолго потоа се преселила во Словенија со цел да продолжи со кариерата. Кон крајот на деведесеттите таа се вратила во Србија, но до смртта останала на самата маргина на тамошната актерска сцена. Наводно, режисерите одбивале да ја ангажираат во филмови поради нејзината зависност од дрога, а една од последните улоги ја одиграла во серијата "Ќе се вратат штрковите".

Во едно од последните интервјуа која Соња го дала, изјавила дека нејзиниот идеал е кратка и весела смрт бидејќи животот ја изгубил секоја смисла бидејќи не основала семејство и не ја продолжила својата лоза.

Таа е закопана во родното село на својот татко, а на нејзиниот погреб не се појавил ниту еден од нејзините колеги.

Вечерва се доделуваат Оскарите, еве кој има најмногу номинации

Филм

пред еден месец

Вечерва Американската академија за филмски уметности и науки ќе ги додели Оскарите на 96-тата церемонија што ќе се одржи во театарот Долби во Лос Анџелес.

За време на Оскаровската вечер на сцената ќе се појават голем број познати влијателни имиња од светот на филмот, а меѓу нив овој март ќе бидат Брендан Фрејзер, Мишел Јео, Ке Хуи Кван и Џејми Ли Кертис.

Најавени ко-домаќини се Махершала Али, Николас Кејџ, Метју Меконахи, Лупита Нионго, Ал Пачино, Мишел Фајфер, Сем Роквел, Зендаја, Крис Хемсворт, Двејн Џонсон, Мајкл Китон, Реџина Кинг, Џенифер Лоренс, Кејт Ри Моренон , Џон Мулејни, Кетрин О’Хара, Октавија Спенсер, Реми Јусеф, Емили Блант, Синтија Ериво, Америка Ферера, Сали Филд, Рајан Гослинг, Аријана Гранде, Бен Кингсли, Мелиса Мекарти, Иса Реј, Тим Робинс, Стивен Спилрон, Форест Витакер…

Најголем број номинации:

„Опенхајмер“ – 13 номинации

„Сиромашни работи“ – 11 номинации

„Убијци на цветната месечина“ – 10 номинации

“Барби” – осум номинации

Номинации за најдобар филм:

„Американска фикција“

„Анатомија на еден пад“

“Барби”

„Додржувачите“

„Убијци на цветната месечина“

„Маестро“

„Опенхајмер“

„Минатите животи“

„Сиромашните работи“

„Зона на интерес“

Номинации за најдобар режисер:

Џастин Трит – „Анатомија на падот“

Мартин Скорсезе – „Убијци на цветната месечина“

Кристофер Нолан – „Опенхајмер“

Јоргос Лантимос – „Сиромашните работи“

Џонатан Глејзер – „Зона на интерес“

Номинации за најдобар актер:

Бредли Купер

Колман Доминго

Пол Џамати

Килијан Марфи

Џефри Рајт

Номинации за најдобра актерка:

Анет Бенинг

Лили Гладстон

Сандра Илер

Кери Малиган

Ема Стоун

Номинации за најдобра споредна машка улога:

Стерлинг К. Браун

Роберт де Ниро

Роберт Дауни Џуниор

Рајан Гослинг

Марк Руфало

Номинации за најдобра споредна женска улога:

Емили Блант

Даниел Брукс

Америка Ферера

Џоди Фостер (Џоди)

Да’Вајн Џој Рендолф

Номинации за најдобар странски филм:

„Друштво на снегот“ – Шпанија

„Зона на интерес“ – Велика Британија

„Салон на наставниците“ – Германија

„Јо Капитано“ – Италија

„Совршени денови“ – Јапонија

Џенифер Гарнер во нова семејна комедија

Филм

пред 5 месеци

Џенифер Гарнер и Ед Хелмс глумат во новата божиќна комедија „Family Switch“. Филмот пристигнува на 30 ноември, а официјалниот трејлер објавен на Јутјуб има речиси три милиони прегледи.

Приказната е заснована на детската книга „Време за спиење за мама“ (Bedtime for Mommy) од Ејми Круз Розентал, од 2010 година. Се раскажува за семејството Вокер каде што се случува хаос неколку дена пред Божиќ, кога „ретка вселенска појава“ ги заменува душите во телата на родителите и децата - тинејџери, а во куќата има и куче...

Филмот е режиран од Џозеф Мекгинти Никол, попознат како „Мекги“, според сценарио на Адам Штикирлс и Викторија Строус. Во филмот играат и Ема Мајерс, Брејди Ноун, Матијас Швејфер и Рита Морено.

(Видео) Објавен трејлерот за филмот за Џеј Рамадановски

Филм

пред 6 месеци

Објавен е првиот трејлер за филмот „Недела“ кој ја следи животната приказна на легендарниот изведувач на народна музика Џеј Рамадановски, кој почина на 6 декември 2020 година од срцев удар.

Инспириран од вистински настани, филмот ја раскажува приказната за Џеј од неговата најрана младост до големиот успех што го постигнал.

Иако немал лесно детство, кое во најголем дел го поминал на улица или во поправен дом, Џеј успеал да го заземе своето место на музичката сцена и преку своите песни да стане дел од животот на многумина.

Откако на крајот на 2021 година беше најавено дека ќе се снима филм за легендата на народната музика, српските медиуми објавија дека главната улога ќе ја има Хусеин Алијевиќ од поранешната група „Бит стрит“.