Таткото на Адам Лабунски пововторно се појави во „Ѕвездите на Гранд“

Во претходниот круг, таткото на македонскиот кандидат во „Ѕвездите на Гранд“ добро познатиот Адам Лабунски се скара со членот на жирито, Ѓорѓе Давид.

 Меѓутоа, во саботното издание на „Ѕвездите на Гранд“  се емитуваше четвртиот круг на музичкото шоу каде настапуваше и Адам во дуел со Стефан Даниќ.

 Иако во претходното негово појавување и кавгата со Давид, Марија се налути, сепак по неговата синоќешна интерпретација, Шерифовиќ и Давид беа воодушевени.

 „Адам е проблематичниот ученик во одделението, кој може да направи многу работи,а бира да биде свој. Првата песна ја отпеа маестрално, тоа го кажува публиката и жирито. Но, таа атмосфера те понесе и во втората песна каде интонативно беше малку висок. Во секој случаj, ова е твојата најдобра изведба“ истакна Марија.

И Џорџе Давид имаше пофални зборови за македонскиот кандидат.

„Момче , очигледно дека овој пат малку повеќе ја слушаше Марија. Ве молам да му дадете уште еден аплауз за првата песна. Јас навистина уживав, вие Македонците имате чувство за некои работи, тоа го имате само вие и никој друг “ изјави Давид.

Тогаш се огласи и таткото на Лабунски од бекстејџ и Поповиќ истакна дека Ибро и Давид пред емисијата убаво се поздравиле.

„Јас месец дена не можев да преболам она што се случи. Само да кажам дека не ја менував песната, Адам ја праша Ана и таа кажа дека Марија Шерифовиќ дозволува“ истакна таткотo на Адам.

Магични и празнични: Пет најсподелувани песни за Среќен Божиќ

Православните христијани денес го слават еден од најголемите верски празници, Божиќ. Социјалните мрежи се полни со празнични песни со кои се одбележува овој празник.

Ова се песните кои најчесто се постираат и споделуваат: 

1. Каролина Гочева - Ѕвонат ѕвонат

2. Група македонски изведувачи - Вечниот Бог 

3. Златна Славејче - Божиќна песна

4. Небо и земја - Божикна песна

5. Петар Грашо - Фритула

Видео: Каролина промовираше нова песна во „Дајте Музика“

По скоро две години, Каролина Гочева има нова песна. Таа ја промовираше „Обичен необичен ден“ во „Дајте музика“ и откри дека песната е направена специјално за оваа детска музичка емисија. Автор на песната е нејзиниот долгогодишен соработник, Николче Мицевски.

„Многу се радувам што бев дел од најпопуларната емисија за деца ‘Дајте музика’ и фала им на моите слатки другарчиња што ми помогнаа заедно да ја отпееме ‘Обично необичен ден’. И не заборавајте – искрените другарства се многу важни и за цел живот“, напиша, меѓу другото Каролина на „Фејсбук“.

Новата песна на Каролина е прва откако го промовираше албумот „Извор“ во 2018 година.

ВИДЕО: Концертна промоција на албумот „Bedtime Stories“ од скопскиот рок состав „Lincoln Letter“

Рок групата „Lincoln Letter“ ќе одржи концертна промоција на својот деби албум „Bedtime Stories“, во денсинг салата во МКЦ на 29 декември во 20 часот, со бесплатен влез за сите посетители. Рок музиката на младиот скопски бенд е инспирирана од музиката на вестерн филмовите. Албумот, кој е снимен во 2019 година во Скопје, содржи 12 песни кои функционираат како засебни вестерн приказни.

На албумот „Bedtime Stories“ работеле музичките продуценти Ади Имери и Милош Краљевски, како и самиот бенд.

„Ќе излажеме ако кажеме дека не сме возбудени пред нашиот прв самостоен концерт. Промоцијата на албумот е настан кој уште од почетокот на бендот ни бил една од главните цели и радости. „Bedtime Stories“ е нашиот прв албум и со нетрпение чекаме конечно да го споделиме со публиката и да ги чуеме нивните реакции, бидејќи до последен момент го работевме со сите наши креативни потенцијали. Ветуваме дека ќе е многу гласно“ – вели фронтменот Јаков Наумоски.

Со силен фокус на раскажување приказни и решителност да „изрокаат“, бендот „Lincoln Letter“ е составен Јаков Наумоски, Јулијан Мицевски, Борјан Гаговски и Стефан Сајковски.

По точно еден месец следува првата можност да се слушне целиот албум во живо во денсинг салата на МКЦ, а по концертот за слушателите ќе бидат достапни и бесплатни „download“ кодови за албумот.

Погледнете го видео спотот за нивниот прв сингл „The Man Who Became Legend“

Популарно