Иванка заминала во Германија во 1972 година и станала милионерка!

Иванка Чугура од Штутгарт во 2006 година изненадно наследила милионско богатство. Но, наместо да ги задржи парите за себе, одлучила да основа фонд од кој парите ќе ги троши за хуманитарни цели

Иванка од Хрватска во Германија заминала во 1972 година. Цел живот работела во разни установи за социјална заштита. Била вредна и живеела скромно,а пресврт во животот ѝ се случил во 2006 година.

Имено, нејзините богати соседи покрај кои живеела повеќе од 20 години, сосема неочекувано богатството кое го имале ѝ го оставиле на неа во наследство.

За германската телевизија SWR Иванка открила што се случило:

-Нашето пријателство започна во 1979 година, кога јас и мојот сопруг се доселивме во зградата. Бевме единствени странци во зградата. Не знаев како да се однесувам. Соседите не повикаа на кафе, бидејќи сакаа подобро да не запознаат. Најдовме заеднички јазик и станавме добри пријатели. Тој беше адвокат, а таа работеше во Хамбург и доаѓаше од докторско семејство.

Кога во 1999 година соседот почина, неговата сопруга рече дека нам ќе ни го остави наследството затоа што многу ѝ значиме. Бев шокирана, а таа ме молеше да прифатам да ги земам парите. Отидовме кај адвокат и направивме тестамент со кој се ми остава на мене - рекла Иванка.

Иванка рекла дека нејзината сосетка и дозволила со парите да прави што сака, но таа никогаш не помислила да ги потроши само на себе. Три месеци откако во 2006 година починала нејзината сосетка, Иванка добила договор и наследство, а потоа основала Фонд за помош на деца и девојки во Африка и Латинска Америка.

Рекла дека секогаш ѝ било сон да оди во Африка, а кога отишла и застанала на африканското тло и не можела да верува дека навистина е таму. Подоцна неколку пати се враќала во Африка, па планира да оди и следната година.

-Ме радува тоа што повторно ќе ги видиме децата на кои им помагаме - рекла Иванка и додала - низ Фондот сакам да ја исполнам својата желба. Со износот од 1,5 милион евра сакам живот и здравје за децата од Африка и Латинска Америка.

Овој хотел нуди бесплатно сместување

Ако ова лето не сакате да уживате покрај плажа и мечтаете за малку поинаков одмор, тогаш ова е текстот за вас.

Патувањата се дефинитивно нешто на што се сеќаваме целиот живот, а доколку истите се на места што досега не сме ги откриле, тогаш уживањето е уште поголемо.

Некогаш едноставно нѝ се потребни барем неколку дена за целосно да ги исчистиме мислите на место каде нема многу бучава и каде целосно можеме да ѝ се предадеме на природата. За ваквите места, најчесто треба да издвоиме поголема сума од нашиот буџет, но пронајдовме еден хотел во Шведска поради кој ќе заштедите многу пари.

Имено, доколку сакате да престојувате во хотелот Белора, нема да платите ништо, а единствениот услов е да не носите мобилен телефон, односно времето поминато со уредот да го сведете на минимум.

Веројатно ова ќе биде тешко бидејќи речиси секој од нас денеска сака да го фотографира секој момент, а доколку се наоѓа на вакво прекрасно место искушението е уште поголемо.

Станува збор за хотел во Гетеборг кој им наплаќа на своите гости зависно од времето поминато на мобилниот телефон, односно секоја една минута чини околу две евра.

Нивната главна цел е со исклучувањето од технологијата, семејствата повторно да можат да се поврзат меѓусебно и да поминат квалитетно задничко време.

Во хотелот има бројни активности, па така никогаш нема да ви биде здодевно, ниту пак да помислите на вашиот телефон и социјалните мрежи.

Пронајдете го хотелот на страните за резервации и закажете го одморот од соништата уште денеска!

Погледнете колку пари чини одмор во Албанија

Убавите песочни плажи во Валона, Албанија кои се преполни со туристи од целиот Балкан, а особено од Македонија нудат одлични услови на море и цени какви што посакувате.

Во Валона има убаво уредени плажи, ресторани кои нудат вкусна и свежа морска храна, неверојатни специјалитети од италијанската кујна.

Плажите особено се препознатливи по чистотата на морето.

Инаку Валона е гратче со стотина илјади жители, а до неа може да се стигне за околу 180-тина километри од граничниот премин Ќафасан. Патиштата постојано се обновуваат, а добар дел од делниците се автопатски.

Покрај тоа што може да се релаксирате на убавите песочни плажи, цените во угостителските објекти се одлични. Едно кафе чини околу 60 леки, односно 30-ина денари, колку што чини и обична или минерална вода.

Тука е некаде цената на освежителните безалкохолни пијалаци, додека пак пивото изнесува 50-ина до 60 денари, пренесе Центар.мк.

Појадок во хотел може да ве чини до 200 денари.

Една голема пица чини околу 240 денари, што е и повеќе од доволна за еден возрасен човек, додека пак сместувањето чини 35 до 40 евра за пристоен апартман во зависност од погледот кон морето.

Во еден апартман може да се сместат и повеќе од 4 лица, бидејќи добар дел од апартманите се опремени со посебен толает, кујна и дневна, како и спална соба и тераса.

ФОТО: Вака се летува во Грција

На Фејсбук страницата „Грција-група за туристи“ се појавила фотографија со опис: „Во Грција вака се летува“.

На неа во средина гледаме група луѓе како спијат на тераса, па токму затоа започнала расправа што всушност се случило во тој апартман. 

„Какви комарци, ништо не им пречи, само да спијат“, „Ма, жешко е внатре“, „Којзнае каква забава имало претходната ноќ“, се некои од коментарите под фотографијата.

Наликува на се по малку.

Но, како се вели, море е море, па неважно каде и на кој начин.

Што мислите вие, што се случувало таму?

Популарно